تكملة قصة موضوعي اللي انحذف

بسم الله


السلام عليكم



بنات انا قبل كم اسبوع طرحت موضوع وانحذف


مع اني وربي كنت ابي حل لمشكلتي اللي كنت اعاني منها واللي الحين استفحلت اكثر

بس للاسف وكالعاده بعض البنات ردودهم كانت فيها قذف لي ووقاحه والله اني دعيت على صاحبة هذاك الرد من قلب وقبل غروب الشمس من يوم الجمعه لانها اتهمتني بعرضي وبألفاظ ما اقول الا حسبي الله عليها ونعم الوكيل

يعني اذا ما عندك رد فيه افاده لصاحبة الموضوع لا تردين والا ترى دعوة المظلوم ما بينها وبين الله حجاب


انا كنت اشتكي بموضوعي من هجر زوجي لي بالرغم من اني احاول استرضيه واتقرب منه وكله بالحلال الحمد لله ما عرضت شي فيه حرام





بكمل لكم وش صار معي الحين ..


من صدوده لي وهجره وربي اني كرهته وحسيت بأهانه

بعدها بكم يوم صرت انا اللي اصده ولا ابغى اناظر وجهه

هو صارحني انه هذيك الايام كان مو طايقني والشي مو بيده وقلت له كنت البس لك واتعطر وانت تصدني والحين جاي قال وربي ما كنت اشوفك

المهم مدري وش فيني الحين مو طايقته ابدددددددد


ولا انام معاه ابددددددددد

ووصلت الدعوى للطلاق


وانا مصره عليه


ما ابغاه اشوفه شيطان يمشي ع الارض


قلت له طيب ابغى اسافر لاهلي حيسافروا وابغى اروح معاهم رفض اني اسافر معاهم برا

قلت له نسافر طيب سوا برا رفض

وش اسوي

نفسيتي متدمره وابغى اسافر مررررررره طفشانه وهو ما عنده نيه ابدددددد ع السفر


والحين زادت مشاكلنا بعد عشان السفر


مع العلم انه غني جدا يعني ما عنده اي عذر


لنا كم سنه بنفس المدينه وبدون سفر وانا ساكته بس الحين نفسيتي تعبانه ومليت

مع هالحررررر والقرف النفسيه صارت دمار

واهلي بياخذوني معاهم وهو رافض مو شي يقهر


بالله شوروا علي وش اسوي هو ما عنده ما عنده تفاهم وانا مليت واكرهه

والله اني صرت كل يوم اتمنى الموت والا الطلاق وصلت لمرحلة الاكتئاب وهو ما يحس

قلت له روح تزوج انا ما ابغااااااااااااااااك ابدااااااااااا

والله اكرهه من قلب واقسم بالله اشوفه قمه بالقبح مع انه قبل اشوفه وسيم

واتقرف منه مرررررررررررررررره ولا اطيق منه ربع كلمه وليل نهار صراخ وهواش بيننا وانا مدمره نفسيا

والحين كل همي السفر عشان اطلع من وضعي هذا :(


رأيكم يهمني


انا غلطانه او هو غلطان ابغى صراحه ولو تجرحون فيني بذوق موافقه بس ابغى حل لمشكلتي بارك الله فيك.