تكملة موضوعي حسبي الله على زوجة ابي تعالوا شوفوا ماذا فعلت

ماني عارفه من وين ابدا ولكن اخبركم بقصة زوجة ابي من البدايه
تزوج ابوي منذ سنتين من وحده كبيره وعمرها تقريبا 40 سنه وهي لم تتزوج من قبل ذهب هو ورأها وتمت الخطوبه وذهبنا للزواج وكنا نامل بها خيرا
ملاحظه ابوي وامي متزوجين منذ 40سنه تقريبا وهم ابناء عمومه وحياتهم سعيده ولكن امي عاشت في قرية ولا يوجد لديها احد يؤنسها حتى الجيران لاتوجد بينهم تواصل شديد فقط بالمناسبات المهم ان امي وافقت وتقول انا الان كبيره تقريبا عمرها 55 وابوي 60 المهم انها لم تمانع تم الزواج وجاءت زوجة ابي وسكنت بجانب منزل امي وكانت في بداية الامر طيبه وماشيه امورها معنا ولكنها كانت تعامل ابوي بشي من الجفاء والغلظه وتعامل اخواني واخواتي وامي معامله حسنه ونحن ثلاثة ابناء واربعة بنات متزوجين وعايشين في مناطق ثانيه وعندها بنتين وولدين عايشين بالبيت لسى ماتزوجوا وكانت تقضي وقتها مع البنات وفي بيتها عالتلفزيون وعلى الجوال وهكذا
قدر الله وحملت ولكن حملها لم يتم فقد سقطت وكان ابوي مايروح لها البيت الا نادرا على طول عند امي ولا يحب طبخها هي كمان تاكل عندنا ولكنها لاتطيع ابوي في اي امر الا بعد ان يتشاجروا واحيانا يقوم بضربها لانها عنيده ومهمله المهم يوم سقطت رفضت تذهب لاهلها حتى تنفس عندهم جت في بيتها وقامت بيها امي هي ماعندها ام ولا اب ولكن عندها اخوان وخوات كثيرين وكل قترة والثانيه تسافر عندهم تاخذ اسبوع ولا اثنينوكان ابوي يوديها هو واحد اخواني لانهم منطقتهم بعيده شوي في شمال المملكه وحنا في الوسطى وبعد التسقيط في شهر مرض ابوي وتعب مرة وترجيع الله يعزكم اخذ اسبوع تقريبا وفجاه انقلب الحال تماما صار ابوي يحبها يموت فيها وهي تتصرف فيه كيف تشاء بدأ يكره امي واخواتي واخواني بدأ يعاملنا بجفاء وكرهناها لانه بس يدافع عنها ويمشيها ويوديه السوق ويجيب لها كل مايخطر على بالها وياخذ من بيت امي ويودي لها اكل وشرب واحنا هنا بدينا نكرهها وامي كمان لانه صار مايديها واجباتها بس يجري ورى زوجته الثانيه يجيبها البيت ويقول لامي صبي لها قهوه وجيبوا لها وحطوا عندها واذا جلست ماتجلس الا بجنبه المهم ان المشاكل كثرت
اكمل لكم الليله ولا بكره بس لاتدعون علي كالعاده لان يدي تعبت من الكتابه والاذان قريب بروح افطر
×××××××××××××××××××× نحترمها وللمعلوميه انا عضوه قديمه ومعروفه بس سجلت بهذا المعرف حتى محديعرفني لان اسمي معروف حتى عند بنات العائله وانا اريد السريه
والبنات اللي قالوا لي يمكن هي اهتمت فيه وقت مرضه اقول لابالعكس ولا سالت عنه
المهم ان امي والعايله كلها شكت فيها انها ساحرته وقالت هالكلام لابوي وزعل مره وحنا كلنا نشك فيها المهم ان احد اخواني كشفها تغازل بالجوال وهددها واخذ شريحة الجوال منها وحلفها عالمصحف ماتكررها وهو يحفظ سرها وحلفت
ولكنه قام بمراقبتها واخوي هذ يشتغل بالمباحث عشان كذا هو شاطر بها الامور ولقاها رجعت تغازل هنا راح لها واخذ الشريحه الجديده وهددها وخبر ابوي بحكايتها
ابوي عصب بس ذاك اليوم بعدين راح يلتمس لها الاعذار وزاد حبه لها
المهم انه مايشوف عيوبها لو كانت عظيمه وكان يتخانق مع اخواني واخواتي وامي بسببها ويدعي عليهم ويلعنهم وكسر جهاز اختي كمبيوتر عشان هي ماتحب اختي وتدري مدى تعلق اختي بالكمبيوتر
المهم حسبي الله عليها سافرت لاهلها يومين وقامت امي واختي واخوي بدخول بيتها لان معهم مفتاح قديم لبيتها محد يدري عنه الا امي ودخلوا بيتها وفتشوه وقلبوه وعثروا على اربعة اوراق مربعات بداخلها مناديل وسخه وابره مكسوره وعليها لون احمر مغروز في منديل الاوراق الاربعه مرقمه من 1 الى 4 اخذوا الاوراق واعادوا كل شي في مكانه
نحن ماندري ايش هالاوراق شالوها البنات في علبه وقفلوا عليها قالوا يمكن سحر المهم انها رجعت من السفر وقالت لابوي بيتي مفتوح ومفتش وزعل ابوي وسالهم مين اللي دخل بيتها قالوا ما دخلناه
واخذ اخوي الكبير الاوراق ودها لقارئ شيخ رقيه شرعيه معروف بالقصيم قال هذا سحر عطف ساحرته زوجته حتى مايرد لها طلب ويمشي على هواها يحب اللي هي تحب ويكره اللي هي تكره
قال الشيخ لاتخبروه لانه ماراح يصدق فيها احد واعطى اخوي ملح وتراب مقرئ به وقال رشوه على بابها 7 مرات واعطاه بخور قال لازم يشمه وبخرنا وهو موجود وفك السحر وقال لازم اقرا عليه وحنا نشك انها عملت له عمل جديد لانه تعب
حسبي الله عليها
والمشكله الان ان ابوي ماهو من النوع اللي يستمع لاحد او يصدق والشيخ قال لاتخبروه حاولوا تجيبوه واذا رفض انا بحاول اروح له البيت وحنا ماندري كيف نوديه للشيخ وكيف نقوله وخاصه ان الشيخ بعيد مسافة ساعتين ونصف وهو ماهو متعود يروح مع احد والمشكله عويصه وحنا بعد هذا رحمناه وخفت المشاكل لانه ماعاد نقوله شي ولا نساله عن شي يمشي براحته وانا ابي كل وحد تدعي ان الله يفك سحر ابوي وتدعي على زوجة ابوي
وان ربي ينصفنا منها ونسيت اقولكم انها الان حامل