الحقيقة اشكر الجميع على مشاركتهم ...

ولو اني شفت انها (في معضمها) كانت ردود افعال متحيزة ... يعني فيه بنات وضعوا نفسهم مكان الولد وفيه بنات وضعوا نفسهم مكان البنت .... واصدروا احكام عاطفية !!

في المقابل ما شاء الله بعض اللي ردوا لامسوا الحقيقة واللي عرفتها من الولد بالتفصيل ..

وتروا تقريبا كل اللي سألتوه ورد في فكري وانا اناقشه لمن جاني يشكي..

واليكم خلاصة تجربته :


1- سألته اولا وش اللي فكرك بالبنت ... هل لا زال في نفسك شي نحوها .....
ضحك وقال انه ... لو جات البنت تحبي على بطنها من بيت ابوها تطلبه .. ما عبرها
لكن اللي خلاه يشكي ... هو احساسة بالجرح ... كيف ان البنت اخذت تتلاعب فيه ثم تتهمه بانواع التهم وتشوه صورته ...
وهو يحاول انه يلم الموضوع ... طيب ما كانت تصارحه من الاول ..... ليش افترضت البنت انه ماراح يوافق اذا كلمته بصراحة من الاول
-هو كان بيقبل وبدون اي مشاكل ووجع راس - والدليل انها كلمته في الاخير وانتهى الموضوع بسرعة رغم كل اللي سوته فيه...
لانه يؤمن بمبدأ التوافق ....
بالله لو عملت القصة هذي مع واحد ما يخاف الله ... وش كان ردة فعله ....
والله كان مرمط فيها وفي اهلها الين يندمون على اليوم اللي شافوه فيها .... والنماذج هذي نعرفها ونسمع عنها دايما


2- اما بالنسبة لزوجته الحالية ... فهي (بنت حلال على الاخر) فعلا كانت كالهدية لولد اختي ....
والعلاقة بينها وبين ولد اختي مثل السمن على العسل .... ياشيخة ما شاء الله عليهم (قولوا ما شاء الله)
لمن اشوفهم اليوم والله كأنهم اعرسوا من اسبوع رغم ان صار لهم حول الثلاث سنين و عندهم ولدين
اللي بينهم (غرام) عارفين يعني ايش غرام ..... هو رومانسي وهي طلعت (مصنع رومانسية) ..... هههههه

ما اقول الا الله يسعدهم .. قولوا امين


3- ويابنات ... هذي رسالة لكل واحدة مقبلة على الزواج ....

اولا : اشترطي الشوفة .... فهي من تعاليم ديننا وبها تستطعين انك ( وبدرجة كبيرة غالبا) تعرفين اذا ارتحتي للمتقدم اولا.

ثانيا: احرصي على الرجل الملتزم (فعلا) لانه والله راح يعاملك بالاحسان ... وقليل الدين تري ما يرده شي ممكن يسوي اي شي معك لو حصل وانك غلطتي معه ... ولو اخلصتي له ما تضمنين انه يتركك ويدور لغيرك بعلاقات مشبوهة

وقصة انه خايفة يحرمك من متع الدنيا !! .... بالله وش متع الدنيا هذي ... قنوات فضائية هابطة ... (المفروض انك انتي ما تخلينه يشوفها ) او من ملابس ضيقة تطلعين فيها برا البيت وتلفتين نظر الشباب فيها !!

هذي كلها غير انها معاصي في مقياس الدين ... هي سخافات ما تهم الا البنات الصغيرات العقل ... كبروا عقلكم يابنااااات.


ثالثا: لا يلعب عليكي الشيطان ويوسوس لك بانك ما ارتحتي له (بدون سبب) ....
خصوصا شيطانات الانس اللي ما يبون لك الخير ... تريهم احيانا يسوونها غيرة منك ...
واذا ما حصل اي نوع من القبول ... بسرعة اشرحي وجهة نظرك له مباشرة اذا قدرتي او اعطيها لشخص عاقل ينقلها له بكل ادب واعتذار.

فيه للاسف بنات مل العينة اللي قريتوها في القصة .... تستشير صديقات السوء
ويقومون يقترحون عليها اقتراحات شيطانية ...
شوهي سمعته ...
لا تعطينه وجه ....
خلي عندي شخصية وتأمري عليه عشان ياخذ عليك ويسمع كلامك ....... ومن الخرابيط هذي..


رابعا: حاولي قدر الامكان ان فترة الملكة ما تطول .... تري كل ما طالت كل ما كانت العلاقة عرضة للمشاكل (غالبا وبالتجربة)

خامسا : اذا شفتي منه الحب ... قابليه باضعاف مضاعفة ... وراح تشوفين النتيجة ... راح يصير زوج مثالي وبطريقة تلقائية.




ما اعرف هذا تقريبا كل اللي عندي ...
اذا فيه شي تذكرته او تحبون اجاوب عليه .. باكتبه في رد لاحق




الاخت شاي اخضر بسكر اشكر تفاعلك المميز مع القصة

الريال تزوج والله سبحانه عوضه!!!
ليش تذكرون الماضي والأحزان!!!

سبحان الله

up

الله يهنيه ويسعده مع زوجته.وشووفي يا اختي انا احس ان البنت اذا ما تبي الرجال او بمعنى اصح (سايقه التقل عليه )يركض وراها ويحب التراب اللي تمشي عليه .بدليل ولد اختك مع انه تزوج وعايش عيشة السعداء مع زوجته وهي على كلامك مصنع الروومنسيه وعنده اطفال وووو.لكن ما قدر ينساها وهذا بحد ذاته يكفي.اتمنى ما اكون زعلتك.دمتى بود

شوفي انا راح اقولك شي

ولد اختك ما شاء الله عليه شكله شاب ما ينعاب ومن الكلام استنتجت انه رومانسي حيل

في بنات يا اختي ما يحبو الرجل الرومانسي

ونا شفت اكثر من حالة طلاق في الملكه و السبب رومانسيه الرجل

لا تقول وش يبون هذول الوحده مب لاقيه

بس تعرفون لكل امراه ذوق في رجل المستقبل

بس