تكمله قصتي (مشكلتي مع سلفتي ست الحسن والجمال)

الحمد لله بفضل ربي سبحانه انحلت السالفه والله يابنات لما كتبت الموضوع وقريت بعض الردود ارتحت وبعضها زادتني قهر

قفلت جهازي وقلت اصلي كم ركعه لله ابرك ولا اطلب الحل من الخلق اطلب الله يفرجها ونمت الحمدلله مرتاحه

ولما طلع النهار صحيت الساعه 8 على تليفون من عمتي قالت بجي اتغدا عندك وجت وقالتي كلام عمري ماانساه في حياتي انتي بنتنا واحنا مانرضى عليك وكلنا نعرف انا وبناتي بسلفتك وحركاتها بس طنشنا عشان ولدي لان ولدها تزوج كبير عمره 33 ومصدقو يتزوج ياعمري عمتي تبي تشوف عياله وصبرت على زوجته عشانه وتقول توقعناك اطنشينها بس ماتخيلنا انها تكذب على زوجها وتوصله كلام ولما كبرت علمناه كل شي وانتهت السالفه
وقالت اصبري على زوجك تراه يحبك ويموت فيك بس الشيطان دخل بينكم وصدقيني بيرجع ويعتذر منك وانتي على عينا وراسنا واي شي يصير تعالي علميني انا ياام فلان انحرجت من كلامها وخنقتني العبره لانها كانت رسميه معي ولما راحت جتني حاله من البكى حسيت صدري برد وغسلت كل همومي وزعلي وبعدها بساعتين ويرن جوالي رقم عمتي وارد وتطلع المفجأه حماي بنفسه داق يعتذر لا اله الا الله سبحانه قال ادعوني استجب لكم وانا طول اليل ادعي ياربي افرجها وسخر لي زوجي

ولما خلصت صلاه العشاء ويرجع زوجي وراضاني وقال انا ماكنت فاهم السالفه زين ووعدني ان سوالف الحريم مايتدخل فيها ااااااااااه ياخواتي سبحان مغير لحال من حال الى حال امس كانت هموم الدنيا علي واليوم موقادره انام من الفرحه

الله يجزاكم الفردوس الاعلى على وقفتكم معي وجعل هليدين ماتمسها النار وكل اخت غلطت علي الله يسامحها
يابنات وكلو امركم لله والله مافيه احن منه على عبيده
ادعولي ربي يدومها علي سعاده ويخلي لي عيالي وزوجي ويشفى عمتي ويخليها لنا