السلام عليكم تكمله لقصتي اللي كتبتها
شكرا لردود اللي تجرح واللي تفهم لوضعي..
عشان ماتقولون مطلقه سوت وسوت وان الاتهام موجه لها انا ماقلت مطلقه لاني ماسميتها وراح اسميها لكم اسمها مريم والمتزوجه اسمها جيهان
اليوم انا جبت ولد وعمرة سنه و5 شهور وامي ازورها ماخليها وان مازرتها بسبب عمل زوجي ودراسته الا اني اكلمها
من حوالي شهر قلت بروح اتعشى عندهم لاني والله من انخطبت وتزوجت ماعمري اكلت وجبه عند امي واتصلت على امي وقلتلها بس يمه لا تكثرين قالت حياكم طبعا انااللي ماقلتلها اني متصله على اخوتني اقولهم تعالو نسويها لمي مفاجاءة ونجمع من جديد تميت حوالي اسبوع وانا اغنع فيهم بالموت قالو خلاص ورحت وقلت لمي ترا بنجي نتعشى عندكم يوم الجمعه قالت حاكم وكنت مكلمتها يوم السبت بدايه الاسبوع اللي بروح لهم فيها جاء زوجي قالي ترا ماقدر اروح قلت ليه قال بروح اودي هندي للمطار يوم الجمعه وصعبه اخلي ابوي يودية لانو كان ابوزوجي مسوي عمليه بعيونه واخوانه كلن راح لعمله برا المنطقه قلت اوكي اتصلت على امي يوم الاثنين قلتلها يمه ماقدر اجي يوم الجمعه وعطيتها العذر وقلت راح نجيكم يوم الاحد وقالت يمكن اصير مشغوله او اروح المستشفى قبل ماتجون اتصلي علي قلت ان شاء الله بس اذا انتي مشغوله ماله داعي خليهامرة ثانيه قالت اتصلي ونشوف وكانت تكلمني وكانها رافضه وكان يمي زوجي وكنت فاتحته سبكر وسمع الكلام وقالي يابنت هين اذا رحتي قالي احلق شنبي اذا قالت تعاللي قلت لا انت سامعه قالت حياكم بس اتصلي
قال بتشوفين وعدا الاسبوع وجاء يوم الجمعه وكان يمي زوجي وكلمتها وقلتلها هاة نجي يايمه قالت عطيني مهله قلت يمه اذا مشغوله قوليها على بلاطه قالت عطوني مهله حسيت انها ماتبي يوم غصبتها تقول وش عندها قالت لاتجون خلوها مرة ثانيه قلت خير ان شاء الله حسيت بغصه بحلقي خنقتني العبرة وطالعني زوجي وقال ماقلتلك انها راح ترفض بس لنتي اصريتي
ومر يوم السبت واتصلت على اخواني وقلت لهم امي مشغوله يوم الاحد خلوها مرو ثانيه قسم بالله ماقلتلهم وش سوت
وجاء يوم الاحد الساعه 9ونص الا اتصالمن امي وافتح الخط ياهلا ومرحبا قالت لش ماجيتو قلت يايمه انتي قلتي خلوها مرة ثانية ونفت الكلام اللي قالته كانت مريم بجنبها وتسكر الخط 3 مرات بوجهي وتشحن امي كلام وترجع تتصل وتهزء وتسمع الكلام اللي قالته وربي انا ساكته ماقلت شي كل هذا خوف على امي خليتها تتكلم لين خلصت وتقفل الخط بوجهي وانا بذيك الليله ضاقت فيني الدنيا وربي النوم ماذقته من البكي والم الراس لانو تعبت من التفكير ويقوم زوجي من نومه ويدلك راسي ويقرا علي وراح الدوام واستاذن واطلع المستشفى لاني تعبت وصدري قام يوجعني ممن القهر
ومر اسبوع كامل لاتصلت ولاشي وقلت لزوجي اني مو متصله بروح لها عشان تتفاجء فيني وروح لهل يوم الخميس وادخل وربي انها وقفت قامت تطالع فيني لاني ضنت اني بزعل ولاني جايه وانامتعمده اني اسوي هالحركه ابي رده الفعل وش بتكون
وقفت وقامت تطالعني بستغراب وشلون بعدهالكلام اللي قلته لها جايه وتزورني
وانتظرت اسلم على مريم كانت تصلي وانتظروانتظر ابي تخلص قلت لا شكلها زايده العبادة نزلت وقلت لامي سلمي عليهم ورحت لبيتي..
ومرة من المرات كنا شارين ارض من ورثنا من ابوي الله يرحمه وكنا حاطه فيها انا واخواني 3 يعني اربعه من توفى ابوي الين تزوجت وبعد ولادتي اتفاجاء بتصال الصباح من امي وارفع الخط واكلمها وقالت تعالي خذي ورثك حنا بعنا الارض وعالي خذية انا استغربت ماقدرت ارد ليه يسون كذا ليه ماشاووروني قبل لايبعونها وبعده باسبوع رحت البيت وعطتني مريم ورثي
من دوون ارباح قلت خيربسكت بس مولله عشان امي وبعدي الموضوع واخذتها تصدقت فيها
ودفعت البلاء عن ابوي وامي
ابقولكم شغله ترا مريم معقده نفسيه لانوكان زوجه يضربها ويغلط عليها وكانت تبي تمشي كلشي بالبيت بكيفها ولاحد يقولها لا
مع العلم ابوي مات وهو زعلان منها لانها كانت محرضه امي على ابوي وتهاوشت امي وابوي لدرجه ان ابوي كان تعبان وبوة جلطه وينام بدور الاضي لامكيق ولاحاجه حتى الاكل ماكان ياكل معنا بسببها واالله انه كان يغسل ملابسه لحاله ولا كانه ابو البيت كان يجي يشكي منها لي ولجيهان وحتا نتككلم بس امي دايم مغلطتنا ومطلعتها اللي هي مريم الصح
وربي ماتدرون وش عايشين بالبيت معاها والله انها ذابحه امي بكلامها وشكها فينا لدرجه امنا قامت تكرهنا بسببها وهي عندها اسلوب مقنع ولوكانت هي الغلط وانت الصح تطلع من عندها انت الغلط وهي الصح
وهي اللي ذابحه مني اني معطيتها اذن صمخه ماأسمع لمشاكلهم لتصلت علي جيهان تكلمني وتقولي حصل وحصل اقطع عليها كلامها واقولها انتي اختي على عيني وراسي بس مشاكل صراحه ماني ناقصه بتكلميني اسألي عني وغير كذا لا تقولين وهي استغربت مني ليش اقول كذا فريحتها وقلتلها عن سالفة المستشفى وتعبي اني طحت مغيبه مادريت الا وانا بالمستشفى وحسيت اني من قلت لها كذا اتصلاتها قاله ماقامت تكلمني زي اول حسيت انها زعلت لية سكتها بس بصراحه معي الحق لاني مو ناقصه تعب ولا انتو وش رايكم ؟؟
يلزم عليك تسجيل الدخول أولًا لكتابة تعليق.
ولاء الزمن
•
كثري الدعاء لوالدتك واختك ربي يهديهما ...وكوني لطيفة مع أمك واختك وأعطي اختك هدية وحاولي تكوني لطيفة معها وأكسبيها ..مادام أنها كانت متعذبة مع زوجها ..وربي يوفقك لكل خير .
كثري الدعاء لوالدتك واختك ربي يهديهما ...وكوني لطيفة مع أمك واختك وأعطي اختك هدية وحاولي تكوني لطيفة معها وأكسبيها ..مادام أنها كانت متعذبة مع زوجها ..وربي يوفقك لكل خير .كثري الدعاء لوالدتك واختك ربي يهديهما ...وكوني لطيفة مع أمك واختك وأعطي اختك هدية وحاولي تكوني...
وربي ماخليتها لاني انا احبها مومعناتها اني كتبت الموضوع اني اكرها بلعكس انا شفقانه عليها وعلى رغم اللي سوته فينا بس اقول بسبب حالتها ماازعل منها بس اشرة على اللي تسويه فينا وبس
الصفحة الأخيرة