عالي الصوت مقهور @aaaly_alsot_mkhor
عضوة جديدة
تكه لومي ايرانيه رووووعه
تكهــ لومي ايرانــــــــــــــــية
السلام عليكم أخواتي العزيزات ورحمة الله وبركاته ....
هذي وصفة لتكة لحم ايرانية .... مشهورة وتقدم في كثير من المطاعم الشعبية في البحرين وغيرها .... واكيد اغلبكم جربها لأن طعمها رائع و مميز .... خصوصا لما تنتظرين الطلب ويجي العامل ويقدم لكم صحن فيه كم سيخ (( مجانا ))على بال ما يخلص طلبكم .... تعرفون عاد ريحة المشوي تصك الراس وتخليكم تدوخون ... لذلك هم ماخذين احتياطهم بكم سيخ زيادة مجهزينها للزبائن اللي تنتظر على نار ....
وكل مطعم لازم يكون بجنبه خباز ( تنور ) .... وبقالة صغيرونه .... حتى يقدمون التكه مع الخبز والخضرة ومعاها علبة بيبسي باردة حتى تكون عشوة محترمة ومتكاملة....
المهم بعد السوالف و اللمحة التاريخية السريعة نجي للأهم وهي مقاديري
كيلو لحم غنم او خروف مدهن مقطع قطع صغيرة بحجم مفصل الاصبع ...
قطع شحم اذا كان اللحم غير مدهن
كوب عصير ليمون تقريبا 4 ليمونات كبيرة
5 الى 6 حبات ليمون اسود ( لومي عماني ) مفصصة و منزوعة اللب ...
بصله صغيرة مفرومة ناعم
فلفل اسود
قرفة مطحونة
فلفل احمر بودرة
2 ملعقة زبادي ( حسب الرغبة )
اسياخ معدنية للشوي
الطريقة :
نخلط عصير الليمون مع لب الليمون الأسود والبصله المفرومة في الخلاط قليلا .... هذي الخطوة ما عملتها لأن الخلاط عندي تعطل ...
نمزج خليط الليمون مع اللحم ونضيف رشة فلفل اسود وفلفل احمر ورشة قرفة ... والزبادي ( طبعا ما تذكرت اني احطه ) هو اختياري بس يعطي نكهة حلوة ويطري ايضا من اللحم ....
المهم نخلط اللحم حتي يمتزج مع التتبيلة ونخليه في وعاء زجاجي او بلاستك ونخليه بالثلاجة ليلة كاملة حتى يطرى ويمتص النكهة.... وهذا شكله قبل لا ادخله الثلاجة ....
في اليوم التالي .... نشك اللحم في الأسياخ .... وهذا بعد ما خلصنا ....
طبعا المفروض اشويهم على الفحم حتى الطعم يكون ألذ وأطيب بس ما عندي شواية فحم واستخدمت الفرن بدلها ....
شغلت شواية الفرن ...وخليته ساخن ....واستخدمت صينية فرن تستوعب عدد الأسياخ .... وحطيت طبقة من ألمينيوم خاص للفرن .... وممكن تستخدمين المينيوم عادي وتمسحينه مسحة بسيطة بالزيت ....
ودخلت الصينية الفرن على الرف الثاني من فوق ..... وخليتهم يتحمرون شوي .... وبعدين اقلبي الأسياخ على الجهة الثانية لكن انتبهي ... الأسياخ تكون حارة جدا ...
وما يستغرق الشوي غير دقائق لأن قطع اللحم صغيرة وبسرعة بتنضج .... وهذا بعد ما طلعوا من الفرن]
وقدمي التكه مع خبز التنور .... خبزته قبل شوي الفحم ... ولا تنسون البقل ( الكراث ) لذيذ مع التكه او الجرجير ... للأسف غير متوفرين عندنا .... لذلك قدمته مع البصل الأخضر كبديل
و بالعافية عليكم ..
ولا تنسوني من دعائكم الحلو .... ولكم بالمثل أحبتي
18
11K
يلزم عليك تسجيل الدخول أولًا لكتابة تعليق.
Last On
•
تسلم يديك ويعطيك الف عاااافيةتسلم يديك ويعطيك الف عاااافية
حلاها في حياها تسلمين سامحوني لان اول مره لي مشاركات و****لله اكون ما اخيب الظن بالمزيد الله يرحم الوالد ويسكنه جنة الفردوس يارب
هذا موضوعي منزلته من فترة وهو خاص بي في منتدى عالم حواء.... ومعاه الصور ولم انزله في اي منتدى ثاني .... وهذا هو الرابط ....
http://forum.hawaaworld.com/showthread.php?t=1281042
وللامانة المفروض يا أختي تكتبي منقول حتى لو ما تعرفي مصدره ....
http://forum.hawaaworld.com/showthread.php?t=1281042
وللامانة المفروض يا أختي تكتبي منقول حتى لو ما تعرفي مصدره ....
الصفحة الأخيرة