تكيسات اثناء الحمل

السلام عليكم ورحمة الله وبركاته
سبق ونزلت موضوع ان صار معي نزيف.. اليوم نزل معي دم وقلت خليني اروح مستشفى حكومي افضل من دكتورتي اللي لها اسبوع ما سوت لي جديد

المهم رحت المستشفى وتفاجأت باهتمامهم وبكمية التحاليل اللي طلبوها .. عملولي تحليل لسيولة الدم قالو لازم نعرف سبب النزيف..
بعدها عملت ليا الدكتوره اللي بطوارئ سونار.. الغريب ما كان همها كيس الجنين والجنين انشغلت بشي ثاني قلقني اشويه وراحت نادت دكتوره ثانيه معها.. قالو انتي عندك تكيسات وتنشيط البويضات مره عالي كان واضح لهم بالسونار
المهم طمنتني عالجنين قالت كل شي كويس لكن اخذت مقاسات التكيسات وقالت لازم اسويلك تحاليل للاحتياط قلت لها هل التكيسات تأثر عالحمل قالت لا ان شاء الله بس احتياط ونتأكد لان ممكن تصير مضاعفات واخذو مني دم وتحاليل للكبد والكلى وطلبت تحليل بول..

بعد ساعتين طلعت النتيجه قالت كل شي كويس معك لكن معك بكتريا بالبول لازم نسوي لك مزرعه بول المهم رجعت المستشفى مره ثانيه وعطيتهم عينه من البول عشان يعرفو ايش نوع البكتريا


طبعاً اكتشفت ان المستوصفات الخاصه ما يهمهم المريض بصراحه انقهرت كل اسبوعين من حملت اروح لدكتورتي ولا مره فكرت تسوي لي تحاليل لا بول ولا دم .. حسيت اني جالسه اغلط نفس غلطتي بحملي لاول

كنت متابعه معها وللاسف اهملتني ما عملت ليا ولا تحاليل وجاتني ولاده مبكره بالشهر السادس والسبب بكتيريا فتحت كيس الجنين طيب هالبكتيريا من وين جات وانا متابعه معك طول وقتي...


سؤالي يا اخوات..
كيف ممكن اتعالج من هالبكتيريا غير ادوية المستشفى والمضادات لاني باخذهم اكيد بس ابغى شي ثاني يساعدني بالعلاج
لاني خايفه افقد هالحمل بسبب البكتيريا مثل ما صار معي بحملي الاول.. بس الحمدلله اني هالمره اكتشفتها ببداية الحمل

ومين مر عليها هحكاية التكيسات وتنشيط البويضات اثناء الحمل وخاصه الي حملت بالتنشيط مثلي وهل اثر على حملها ؟