تكيسات المبايض معاناة واستفسار

صباحكم سعاده وتوفيق باذن الله ،،
انا بسألكم عن تكيسات المبايض واتمنى القى عندكم الاجابه الشافيه  ،، انا عندي ولد وبنت
لله الحمد
الولد حملت فيه طبيعي والبنت منشطات لاني استخدمت حبوب منع حمل وطولت عليها
بعد بنتي تركت الموانع من تقريباً ثلاث سنوات ومن سنه حملت واجهضت وقبل مااسقط رحت لدكتوره لما تاخرت ماحملت ولما سوت لي اشعه خامس يوم من الدوره قالت عندك تكيس بسيط ،، استمريت عندها شهروطلعت ورحت للدكتوره كويسه في مستشفى التخصصي الطبي وقالت لي لا التكيسات ماتقاس بالاشعه تقاس بالهرمون وفعلاً حللت لي الهرمون وقالت عندك ارتفاع بسيط يعني بداية تكيس ،، كتبت لي جلوفكاج وكلوميد استمريت معاها شهرين وسافرت فاضطريت اغيرها واروح لدكتور في الحبيب وعمل لي اشعه وحلل الهرمون وقال عندك تكيس بسيط وقال استمري على الجلوفكاج وعطاني كلوميد ولما رجعت له الشهر اللي بعده في وقت التبويض قال انت ماعندك تكيس راح خلاص لما قلت له كيف راح بهالسهوله قال اصلاً التكيس امر طبيعي هي بويضات صغيره ماتلقحت وعملت حويصلات على المبيض ،،وكل النساء ممكن يكون عندهم تكيسات،، والتكيسات  هذا الشهر موجوده  والشهر اللي بعده مافيه والشهر اللي بعده ترجع ،، قال انت مافيك شي وطلعت من عنده بعد كم شهربديت اراجع عند دكتوره في مستوصف قالت انت ماعندك تكيسات ولاحاجه شوفي المبيض مافيه شي بس عطتني حبوب لهرمون الحليب قالت مرتفع عندك شوي وحملت في نفس الشهر وسقطت بعد الاجهاض بسنه بديت اراجع وطبعاً ملييت من هالدكاتره اللي مايفهمون وعملت بحث ورُشحت لي الدكتوره لمياء في دله والدكتور عبدالعزيز الشهراني في ذريه رحت للمياء وعملت لي اشعه وقالت عندك تكيسات بسيطه جداً ولما استفسرت قلت كيف تكيسات قالت لي خلاص لاتستفسرين موضوع مايسوى ماينحكى فيه طبعاً نفسيتها خااااايسه مرره ولاتحكي ولاتبيك تسألين ، قالت بما انك تاخرتي قبل حملك وبعدين حملتي  واجهضتي معناها التبويض عندك ضعيف بكتب لك منشطات وفعلاً كتبت لي ثمان ابر وقالت راجعيني يوم 12من الدورة طبعاً انا طلعت من عندها نفسيتي زفت بصرحه زففففت في التعامل ونفسيه خايسه سحبت مني الف ريال وتعاملها معاي كأنها تتصدق علي لما جاء يوم 12 من الدورة استخرت ورحت للدكتور عبدالعزيز الشهراني ،،وفعلاً دكتور رائع وفاهم ومتفهم شرحت له وضعي ولما عملت اشعه قال عندك تكيسات واضحه مثل الشمس بس بسيطهةماهي قويه وهذي علامه ايجابيه معناها عندك مخزون بويضات كبير وهي تاخر الحمل طبعا ً قال ثمان ابر قويه مرره عليك خصوصاً انك سبق لك الانجاب والحمل وعطاني ابره تفجيريه وباقي لي اسبوع على الدوره طبعاً ماعطاني علاج للتكيس قال اذا مومسبب لك سمنه ودورتك منتظمه مايحتاج  سؤالي بعد ماصدعتكم بقصتي تكيسات المبايض تأخر الحمل كثير ؟وليش بعض الدكاتره قالوا عندك تكيسات وبعضهم قالوا لا؟وتقاس كيف بالهرمون ولا بالاشعه ؟