تلاثــــ3ــــة في 1 ويصير بيتكـ، فووّاآحـــهْ

تلاثــــ3ــــةفي 1
أروع طريقة لتعطييير بيتك
"
السلام عليكم ورحمة الله وبركاته
حياكن الله أخواتي الفاضلات... اشتقتلكم وافتقدت منتداي الغالي (بيتي الثاني) بعدانقطاااع طويل بسبب ضروووف
والحمدلله تيسرت أموري وعدت لكم وكلي شووووق وحنييييين
استفدت منكم كثييييير وتعلمت كل جديد ومميز من هنا ...لي 11 سنة من عرفته منتداي الحبيب
وأصعب فترة بعدي عنه ما أطيقه
وماراح أقصر معكن بأي شي جربته واستفدت منه في كل جوانب الحياة سواء معي أو بتجارب غيري
"
ممممـ :) بعد هالمقدمة وآسفة عالإطالة
اليوم خ طر ببالي موضوع حبيت أنزله للفائدة يخص تعطير البييييييت
واتمنى كل من عندها تجربة بهالخصوص تشاركنا بها جزاها الله كل خير
تعطير البيت شي مهم ويختلف حسب كل ذوق بس يدل على شي وهي النظافة
حبيت أشارككم طريقتي:
سميتها 3 في 1 لأن الخطوات تكون فيهاثلات عناصر أساسية والي بتضيف أشياء بكيفها
(تهوئة× نظافة× تعطير = ريحة ثابتةومميزة.
(مطهر× معطر × طريقة صحيحة)= لمعه وعطر فواح.
<<معليش تحملوني شوي بشرحي والي تبي تختصر بكيفها
وأتمنى ماتملوا من موضوعي
"
عشان تكوني مميزة بريحة بيتك ع طول
وهنا التميز كأنك بمملكة عطور كلمادخلتي مكان تدوخك ريحته ..وراااحة نفسية وسعااادة لأسرتك ولكل من دخل بيتك.
"
كلنانحب النظافة والترتيب وأحلى شعور لما تخلصي يكون ريحة بيتك خيااال
من هالمبدأ إلي هي( النظافة ×النظافة ×النظافة)
فهي أهم عامل لثبات العطر وإعطاءه ريحة أروع من المتوقع
طبعاموقصدي أننا ما ننظف لأ..بس فيه أسباب ماتخطر بالبال تغلب ريحة العطروتعدمها
وأهمهاالغبار وريحة الطهي والرطوبة وسوء التهوئة ...وغيرهاااا..
(التهوئه اليومية* التنظيف الشامل * التعطير) = ريحة ثابتة ومييزة.
والطريقةسهلة
وهي بعد ما تخلصي الترتيب والتنظيف العميق سواء كل يوم أو تنظيف عميق إسبوعي أو شهري يعني في كل مرة
..نرتب و نمسح الغبار من فوق لتحت.إبتداء من اللأسقف والحيطان للنجفات(الثريات)والأثات
والسجادات والأرضية.
ملاحظة/
أسهل طريقة عشان تختصري الوقت والجهدخلي معداتك(أدوات التنظيف) جنبك وخلصي بالغرفة وماتطلعي منها إلا تكون تمااام
"
بسم الله
نبدأ
غرف النوم/
إبدإيب التهوئة ورتبي وغيري المفارش أو شمسيها وهويها يوميا وإسبوعيا حيب نظامك
ومسحي الغبار من فوق لتحت
وغسل المفارش وتعطيرها وتبخيرها وهي رطبة تزيد ثبات العطر بس ما نكثر لأنها أقرب شي للتنفس
ولتعقيمهاالكوي والشمس المباشرة .
نظفي الدواليب والكمدينوات والتسريحة(الزيانة) وحواف السرير وتحته والنافدة والباب والأرضية بعد مسحها أو كنسها وشفط الغبار
والتهوئةمهمة بعد التنظيف وقبل التعطير...
نمسح المرايا والزجاج بمعطر زجاج مخلوط معه شوي ديتول. ونفرش فوق الدواليب جرائد نرش عليها بودرة وفوقها أي عطر مركز تحبينه وغيريهم من فترة لفترة
ميزتهاتمتص الروائح الكريهة والرطوبة
ثم للتعطير/
بعدتهوئة الغرف نرش عليها من البخاخ المعطر الخاص بكل غرفة من صنعك وطريقتي المميزةوالثابتة وأتمناك تجربيها
مخلوط من ملين ملابس كومفورت أو داوني أو أي نوع تحبيه وماء ورد بكميات متساوية وقطرات مسك أبيض سائل و كمية من أي عطر مركز ع حسب ذوقك
تاخذينه من محل العطور زيتي مركز خالي من الكحول وخصصي لكل غرفة ريحة وتفنني بالذوق.
ملاحظة:
أخلطي كمية من فترة لفترة عشان ماتتعبي كل يوم
لكل لتر ماء ورد نفس الكمية ملين ملابس ونخلطهم وتتقسم على أربع بخاخات حسب عدد الغرف وكل بخاخة حطي فيها من 3 ملل وأكثر من عطرك المركز الزيتي.
وخصوصاغرفة النوم أنا أخذ عطور رومنسية هادية ومن فترة لفترة أغير نوع العطر وأخلط بين نوعين وأروع شي جربته
عطرإسمه فاطمة مع عطر مس ديور ومع مسك...شي خيااااال ...وكذلك استخدم عطر زواجي على مفرش السرير والمخاد ..بعض المرات لتجديد الذكرى وإضفاء شعور رومنسي.. ^_^
ولتعطيرداخل الدواليب قومي بفرش جريدة أجنبية فيهاكلام إنجليزي مو عربي عشان ماتنهان اللغة العربية رجاء..هالشي مهم
ورشي على الجرايد عطر مركز كل دولاب وشو تحبي..مثلا دولاب زوجك روائح أنواع العودولخزانتك تقدري تحطي من عطرك الخاص عشان بيثبت بالملابس
ولدواليب الأطفال روائح الفواكه والزهور والياسمين..
وأدرج الملابس الداخلية حقي أنا وزوجي أخذ منذيل معطر وأسكب عليه مسك أبيض سائل وحطيه بين الملابس أو تفرشينه تحتهم ولا تخافي مايترك أثر وما أوصفلك الريحة..
وأدرج ملابس الأطفال الداخلية أقوم بطحن صابون جونسون وأسكب منه تحت الدرج فوق القاعدة أو أحطه بكيس قماش صغير وأربطه وأحطه بين الملابس.
ولدواليب الأحذية عطر اللافندر أو خشب الصندل رشيه مع بيكربونات الصودا على الجرائدالأجنبية مفروشة على كل درج ...
ولدواليب وخزانة الفوط والمناشف والشراشف راوائح الزهور والورود والعطورات الصيفية أحطها على منذيل معطر وامسح فيها جدران الخزانة من داخل.
وللمجالس حق الضيوف
بعد كنس وشفط الغبار وتهوئتها نعطرها بريحةالعود مخلوط مع ماء وملين ملابس معه عطر ثاني ع ذوقك وبخريها بعد ترشي من البخاخ عطول تكون رطبة قبل تجف عشان تثبت وسكريه يعني غلقي كل النوافد والأبواب لثبات الريحة... وبعد ساعة هويها شوي لو حسيتي بضغط ..
أبدعي بذوقك.. وتميزي بتعطير بيتك..
وبصدق هذه أفضل طرق جربتها وميزتني بين أهلي وصديقاتي وجيراني. الحمدلله مو مدح لنفسي
بس بغيت أشارككم تجاربي الناجحة.
"
نجي للمطبخ ....
*للتنظيف/
مكنسة+ممسحة+ وطشت أو سطل أو إناء فيه ماء مخلوط فيه
(كلوركس +شوية فيري أو جل العملاق أو ديتول الأخضر+ وخل أبيض<< لاتستغربوامهمممم للتلميع و ريحته تروح بالتبخر )
وبديل الخلطة بخاخ زماك بالليمون مزيل الدهون لو ماعندك وقت ولو حابة تضيفيه للخلطة عشانالتنظيف الإسبوعي العميق بيكون أحسن..
(قطعةقماش أو فوط مخصصة للمسح+ليفة ناعمة وخشنة+ مكنسة للأرضية وفرشاة أسنان للأماكن والشقوق الضيقة)
بعدلا تخلصي تنظيف كل الأماكن من فوق لتحت الدواليب والحيطان والأرضية والفرن والثلاجة
وتشطفي وتمسحي وتجففي كل شي .......تهوييييه قبل التعطير
نجي لأخر مسحة مع التعطير
ملاحظةمهمة وإختيارية / قبل التعطير بعد تخلصي تنظيف وقبل التجفيف النهائي قومي بوضع إناء صغير عالنار فيه للنص ماء وحطي فيه ملعقة كبيرة فانيليا يفضل سائلة وملعقةبيكربونات الصودا وأنفاص ليمون يعني قطع قشر الليمون مستعملة 3 أو 4 ع حسب الموجودوكذلك البرتقال نقدر نستخدمه نفس الطريقة أو الإثنين مع بعض
أحطها بالفريز ما أرميها بعد العصر وأستخدمها لهاالغرض وغيره.. وأخليهم ع نار عالية تغلي وبالهفترة أغلق النوافد والباب وأرجعلها بعد 10 عشر دقايق أو ربع ساعة واطفي النار و ومن ثم كبيهابالحوض وسمي الله قبل كل شي
ثم ارمي أنفاص الليمون ومسحي المطبخ وهو رطب بالبخار
تستفيدي من هالطريقة انها تمتص الروائح الكريهة وتزيد ثبات العطر ولما كبيتيها بحوض الغسيل راح تعطر المواسير وتذيب التكلسات بسبب الليمون والبيكربونات..
هالطريقةما إستخدها دايم...بس تنفع بعد القلي والشوي
*التعطير/
ناخذكوب ماء +ومقدار غطاء مطهر ديتول +وملعقة كبيرة زيت الليمون أو اللافندر
ناخذبخاخ نحط فيه خلطة التعطير وقطعة قماش جافة لمسح كل مكان نرش عليه من الخلطةللثبات والتلميع بنفس الوقت..تنفع للدواليب والسيراميك والفرن من برا والميكرويفوالثلاجة وباب المطبخ لاننسى وحتى الطاولة والكراسي..
خلصناالمطبخ وعطرناااااه ونخليه مغلق نص ساعة أو ساعة من كل النوافد والباب لاتهويه عطول عشان تثبت الريحة
التهوئةبعد التنظيف وقبل التعطير وبعد التعطير بساعة ممكن لو حسيتي بكتمة.
"
* نروح للحمام ( دورات المياه):
وانتوابكرامة.. أدري كل وحدة وطريقتها ومعداتها وما أبي أتفلسف بس من باب الأمانة أذكربعد التفاصيل ..!
أفضل وقت لتنظيفه بعد الشاور يكون فيه رطوبة من ساسه لراسه لقاعه << ههههه حلووو الوصف :)
المهم يكون أسهل ..
وأنظفه بعمق مرة باليوم أو كل يومين أو مرتين بالإسبوع ع حسب..
وكل وحدة وطريقتها...أنا إستخدم ديتول الأخضر أو العادي مع سائل تنظيف بريحة الصنوبر وجل العملاق أو فيري يعطي لمعة ولما أخلطهم إستغنى ع الكلوركس ..وللأرضية نفس الخلطة ضيفيلها شوي كلوركس أو بيكربونات الصودا مقدار بيالة شاي ع حسب كبر الحمام...واستغني عالفلاش الي يخرب السيراميك والخطوط الفيضاء..
وللمرحاض أستخدم هاربك الأسود..وبصفة عامة هاربك أفضل شي استخدمته
وبعدتخلصي دعك لكل زاوية والمغسلة والحوض والأرضية ...تشطفينه وتنشفيه وتهويييييه
*للتعطير/
بخاخفيه ديتول مركز مخلوط بملين ملابس كومفورت أو داوني بنفس الكمية وشوي ماء
وإذاماعندك بخاخ خلطيهم بكوب خاص بالحمام
رشي من البخاخ شوي شوي عالجدران السيراميك والحوض والمقابض والباب ومسحي زيين بقطعةقماش قطنية خاصة بالحمام تكون جافة
والصنابيرأفضل شي بعد تغسلينها جففيهاو لمعيها بنقاط ديتول مركز أو زماك الأبيض رووووعه..
*المدخل والصالة /
بعدتنظيفها ومسحها من الغبار وتلميع أرضياتها بديتول الأخضر أو أي منظف ومطهر تحبينه وأحلى شي مطهر ومنظف برامر الي يستخدمونه في الحرم
والتهوئةلا ننسى بعد التنظيف وقبل التعطير
رشي على الموكيت والسجادات بودرة السجاد قبل النوم والصبح أشطفي الي تبقى ..هالطريقة مرةأو مرتين إسبوعيا
ومرةإسبوعيا قومي بفرك الموكيت والسجاد بفرشاة غطسيها في طشت أو إناء كبير مخلوط فيه ماء وخل أبيض وديتول الأخضر
إفركي السجاد لتنظيفه وتلميع الوبر وهويه وشمسيه .
لمعي الأثات الخشبي بكريم دهني خفيف أو زيت مخلوط معه قطرات عطر مركز
ولمعي المرايات والتحف الخزفية بملمع زجاج مخلوط معه عطر دهني مركز ع ذوقك وقطرات خل
ولتنظيفالحيطان خلطي ملمع زجاج وديتول مخلوطات بالتساوي= يزيل كل البقع.
ودايم أختارلتعطير الصالة فواحة ورود وياسمين والمدخل كذلك
وأبخرها بعد رشها بمعطر خفيف المهم قبل التبخير يكون المكان فيه رطوبة لثبات الريحة.
ومايكون فيه غبار ويكون مهوي ...
"
في الختام آسفة ع الإطالة
وأتمنى أكون وفيت بشرحي وأفدتكم بتجربتي.
أعذروني لو ما رديت أو تأخرت بالرد فربما لا أدخل يوميا أو ما ألقى وقت أمر ع مواضيعي
والي تبي إستفسار ضروري تراسلني عالخاص.
وفقناالله لما يحب ويرضى
"
حقوق الموضوع محفوظة لمحدثكم
( العطر الثمين)
"