تلاحقني وتتبع اخباري اوف منها 😤

يابنات ابيكم تعطوني طريقه اتعامل مع هذي الاشكال

في وحده من المعارف علاقتي فيها سطحيه
لما تطلقت جت عندنا تركض هي وامها يتشمتون وتقول شفتي ماقلنا لك مايصلح اصلا واضح من شكلك تعبانه طيب اكيد بيضيق صدري ماكملت ٣ شهور وتطلقت


وبعدها انقطعوا


بس كل فتره تجي البيت فجأه تقول هاه انخطبتي والله لو ماقلتي لي اني لا ازعل

لازم تقولين لي اذا صار اي شي

المهم كل فتره تجينا البيت تداهم تشوفني تزوجت وانحشت وماعلمتها والا حاطه يدي على خدي انتظر العريس


يوم تم الموضوع وانخطبت وحددنا كل شي صارت هوشه كبيره بيني وبين امي بسببهم مابيهم
ولا ابي اشوفهم بعرسي
ما حاس حياتي الا اللي يحظروني عروسي وهي منتفخات وقلوبهم مشحونه حسد اللهم ياكافي

وكان في نفس هذي النوعيه وقطعتهم
وبقى هذي ابي اقطعها ولا ابيها اتحضر امي اصرت

والله العظيم يابنات وجهها يوم العرس وهي تسلم علي مقلووووب مره


واقول لاهلي لو فيهم خير ماشمتوا بطلاقي كان قالوا كلمه فيها خير او سكتوا


يقولون لي انتي ظنك سيء


المهم تزوجت ورحت كل فتره اجي القى منها اتصال مرات ارد ورات اطنش بس قلبي يصير كاش منها


اخر شي صرت ما ارد


راحت تدق على اختي وتدور اخباري منها

قالت لاختي عازمتكم بالعيد بسوي حفله وجمعة بنات مع العلم انها ماتحب تعزم ابد تحب تنعزم بس او تجيك مداهمه

اوكي عزمت خواتي كلهم عن طريق اختي هذي وقالت وفلانه لازم تجي فلانه اللي هي انا
قالت لها بعفويه والله فلانه ماظن تحضر بتسافر مع زوجها قالت : وين بتسافر ، قالت لها اختي بتسافر برى السعوديه


انا ما كان عندي علم باللي صار بينهم


انا بمنطقه بعيده عن اهلي

المهم

دقت علي زوجي كان جنبي قال وش فيك ماتردين قلت وحده فاضيه قال ردي شوفيها وش تبي رديت


وقاعده تسلم قالت ترى بالعيد نبيك تجين لمنا ومن هالحكي قلت ان شاءالله ان صرت موجوده جيت


قالت شلون ان صرت موجوده في احد مايعيد مع اهله

قلت لها يمكن اروح انا ورجلي مشوار قالت وين قلت قريب وقفلت الموضوع

تأجلت سفرتنا.
ورحت لم اهلي قلت لاخواتي لاتقولون لها اني جيت انتو روحوا انبسطوا وسعوا صدوركم
وهي سحبت على خواتي ولا كلمتهم ولا حددت لهم اي يوم بالعيد مره سحبه


ليلة العيد القى منها اتصال واطنش

ثاني العيد اتصال


خامس العيد اتصال

اول يوم بالدوامات اتصال تبي تتأكد انا سافرت والا لا
زين وش دخلها ياربيه من هالاشكال الكريهه

طيب وخواتي اللي عازمتهم مررره مادقت عليهم ولاعبرتهم

انا وش تبي بأخباري وش تستفيد

صرت اكره وجود رقمها بجوالي