تلبسون اولادكم البس الرسمي في العيد؟؟

اختي الولد في العيد حلاته بالثوب وخاصة سن ولدك ولو انه بيوسخه على طول بس حلو جدانه يشوفونه مشخص بالثوب والطاقيه وخلافة وخذي حسابك علي غيار بدله مرتبه تكون معك

والبنوتات حلاتهم فساتين مزهزهه وخليهم يفرحون بالعيد اصلا مايحس بالعيد الا هالصغيرونين الله يحفظهم ويصلحهم

انا بنتي صباح العيد وبالصلاه البسها فستان رسمي (منوش شوي مع شنطته)

وعيدنا بيت اهلي بالليل البسها فستان حلو وناعم
خواتي عيالهم بالنهار ثوب وبالليل جمعت الناس والحوسه والطراطيع بدل
وكل سنه وانتي بخير

أحلى ثوب يكشخ فيه نهار العيد وجمعة الليل بدله

عاد ولدي يموت في شي أسمه ثوب لكن بصراحه احب البدل اكثر

لكن العيد غير يبغى يكون مثل عيال عمانه

والبنات أنا أشوف التنانير المزركشه احلى اموت فيها مع الشنطه والجزمه الطقم

الله يعيدنا رضى ربي

الولد احلي له الثوب...

وهذاني أدور أبي أفصل له ثوب محترم...

والبنات أشتريت لهم فساتين طقم موردة أحمر ووردي وحزام أورقنزا وشريت لهم تاج ورود حمراء وحطيت عليه فراشة نعومة أحمر بأبيض وشريطة ساتان...
والجزم ما قدرت أطقم لهم<<< فرحانة إن عندي بنتين عشان التطقيم...

جبت لهم من ستي بلازا الكبيرة أبيض وأحمر والصغيرة فضي وأحمر...

العام جبت للكبيرة تاج فضي للعيد يوم عيت تلبسه لبسته أنا :)

هذا للصباح...

لليل بنروح إن شاء الله لمنتزه أو إستراحة شريت للثلاثة من سيرجنت ميجور... البنات تاييرات ناعمة والولد أوفرول...

وسلامتكم!
:)

مشكورين الله يجزاكم خير
والله اني كنت ماعرف شي
يعني اشتري البنتي زي الزواجات احسها ماتصلح في العيدهي الصغيره سنه ونص
ومالها شعرزي الولد