وصلتني كثير رسايل على الخاص وطلبوني اني اعيد موضوع مكرونتي الباشميل
طبعا لا اعلم ما سبب الحذف ممكن بالخطأ عن طريق المشرفات او بسبب اصلاحات المنتدى الكثيرة
اعذروني تأخرت عليكم بسبب انشغالي الكثير وبسبب البرد الشديد = نوم كثير هههه :3_3_103:
المهم الطريقة بداية
ماشاء الله تبارك الله لا قوة الا بالله
مكرونتي الباشميل غير لاني ما اسوي الطريقة الي بيسويها الكل في سلق المكرونه والكل يمدحها والكل اخذ طريقتي لانها اعجبتهم مررة واليوم سويتها وقلت لازم اصورها
وينفع كمان للمبتدئات في الطبخ للي ما يعرفون طريقتها
اول شي
نخلط في الخلاط 1 فلفل رومي و 1 بصل و 4 فصوص ثوم
ونخلط في الخلاط 2طماطم
وبعدها نضع المكرونه في القدر وتحطون المويا الحار عليها ونقلبها شويه
وتحطون فيها شوية زيت
وحبة ماجي وملعقه ملح وفلفل اسود وتاخذون ملعقتين من الفلفل الرومي والبصل والثوم وتضعوها مع المكرونه وتقلبون
وهذا السر الي يبخلي المكرونه جناااااان لان الاكثريه بيحطو زيت وملح فقط بصراحه تصير المكرونه مالها اي طعم
ما تعجبني ابد وجربوها بتعجبكم
بعدها خلاص نغطيها ونبدأ في اللحمه
هنا نظفتها
بعدها نحط زبدة المراعي ريحتها وطعمها جناااااااااان افضل زبدة لاتحطو زيت لا زبدة مع اللحمه رووووووعه
بعدها حطو الباقي من خلطة البصل والفلفل الرومي والثوم
خلوها شويه
بعدها حطو اللحمه وحطو عليها فلفل اسود وصلصة والطماطم الي حطيتها في الخلاط وهرد لاتكثرون هرد وماجي وملح
اهم شي خلوها حمراء
وهنا بعد ما امتصت المويا كلللللللله خلاص صارت جاهزة
الباشميل
نجي للباشميل طريقتي فيها غير عن الكل لان الكل بيحط جبنه سايل وكيري ومايونيز
انا احط جبنه كرااااااافت اخذت طريقتها من شغاله اندونيسيه كلمة روووووووعة قليلة فيهاااا
اول شي تستخدمون حليب السعودية السائل
حطي منه زي ماتبغي اذا تبغيها خفيفة كثيري حليب انا احبها خفيفة احط علبه كاملة ونصف كوب دقيق
نضع الحليب في قدر واسع ونضع الدقيق والحليب بارد ونقلب حتى ما يتكتل
وبعد ما يذوب الدقيق نحطه على النار ونخلي الحليب يفور بعد ما يفور حطو ربع اصبع زبدة
وشوية فلفل اسود رشه بس وحركوا
بعدها الجبنة الكرافت قطعوها وحطو شويه شويه
منها وذوقو الحليب اذا ذقتو الجبنه الكرافت كويسه
خلاص لا عاد تحطو واذا حسيتوها ناقصه زيدو الين ما تجي على مزاجكم وحطو شوية ملح وذوقو اذا حسيتو الملح كفايه خلاص
وحركو الباشميل الين ما يثقل
وبعدها ابعدوا المويا من المكرونه وحطو منها شويه في الصينية
وحطو ملعقه كبيرة من الباشميل عليها وقلبوها
بعدها حطو اللحمة
وبعدها حطو المكرونه وفوقها حطو الباشميل
وبعدها حطوها في الفرن الين ما تتحمر من فوق
خلوها عشر دقايق تتماسك وتبرد
وباااااااااااالعافيه على قلوبكم
وهنا طريقتي في التحمير الباشميل
http://forum.hawaaworld.com/showthread.php?t=3100441
استودعكم الله الذي لا تضيع ودائعة :)
