حبيت أشارك معاكم في المسابقة بتلبيسة لبراد الشاهي
وأستخدمت غرزة اللووب ..
أنا عن نفسي ما كنت أحبها لإني ما حسيت لها إستخدامات كثيرة ،،
بس أمي الله يخليها ويشفيها عملت تلبيسة للبراد بنفس الغرزة وطلعت مررررة حلوة ،، والحين قررت أتعلمها عشان خاطر عيونكم وعشان المسابقة << شكلي طولت في الكلام
ندخل عالصور:::
ماشاء الله لاقوة إلا بالله
وهذا براد أمي ::
وصورة جماعية هههه::
وهذا باترون الغرزة ::
وهنا رابط لدورة أم عزيزان الله يبارك في عملها وبه توضيح بالفيديو :::
http://forum.hawaaworld.com/showthread.php?t=2034635&page=179
إن شاء الله عملي يعجبكم ودعواتكم لي ،،
هذه طريقة مختصرة للعمل تابعوني::
أولا: نعمل القاعدة للبراد عبارة عن دائرة عادية بنفس حجم برادك::
هذه الخطوة نسيت أصورها معليش !!!!!
ثانيا : راح نعمل قطعتين نفس الشكل والحجم وأنتبهوا للعدد أنصحكم كل مازدت في توسعة الدائرة تكتبوها في ورقة ((عشان لا تورطوا زيي صارت معاي واحدة أكبر من الثانية ))
نبدأ ::أول شي نعمل دائرة ب 8 أو 10 سلاسل ونغلقها ،،
ثم نعبيها عواميد تقريبا 20عمود
وكمان نعمل دور ثاني من العواميد بنفس طريقة الدائرة المعروفة ::
بعد كذا نعمل غرزة اللووب ولازم يكون شكل ((الشراشيب على الوجه وإنتوا تمسكوا العمل من الخلف))
كذا عملنا أول دور من الشراشيب
وفي الباترون الدور اللي بعده تعمليه حشو لكن أنا قررت أعمله عواميدوتشتغليها على الوجه ((عشان يخلص بسرعة وماياكل علي خيط كثير )) ونشتغل على الوجه
لازم تنتبهوا وتعملوا التوسعة للدائرة بنفس الطريقة المعروفة في كل السطور حتى الشراشيب في نفس الغرزة نعمل 2 حتى توسع طيب..
هذا الدور الثاني من الشراشيب ::
لاحظوا شكلها من الخلف ::
وهكذا نكمل الدائرة مرة شراشيب ومرة عواميد حتى توصلي للحجم المناسب للبراد ..
آخر سطر لازم يكون شراشيب ..
بعد كذا نعمل حشو فوقها (( بس 15 حشو )) وأطلعوا فوقه عواميد 15 عشان نعمل الراس للبراد
أنا عملت 5 أدوار بعد الور الثاني زدت عند كل نهاية عامود حتى ياخذ الشكل المنحرف ...
وآخرشي نعمل غرزة الحشو على داير مايدور العمل كله ..
الشكل من الخلف ::
تابعوني ...