..السلام عليكن ورحمة الله وبركاته..
أخباركم أخواتي
من فتره وأنا أعاني من تساقط الشعر
وطبعا لاني كنت أصبغ شعري فكنت أبتعد عن الزيوت والحنا
وخلافه.
ولما شفت جارتي الي كانت تشكي من التساقط:icon33: صرت أشوف جلدة راسه من قلة شعرها..
ومسكينه مانلتقي الا وتشكي من تريقة زوجها ومن همها
لان تخيلو من كثر ما طاح وتقطع وقسم بالله انها تجمعه في قفاها بشباصه صغيره حقت بنوتات صغار
تخيلتوايعني خصله صغير هو كل شعرها ياحرام وهي توها ماعندها الا بنت وحده
وطبعا على قولها أنها قصت عند وحده غير مسلمه بصراحه مادري وش ديانتها
وتقول كانت تقلب بشعرها وتقول: كثير هذا شعر..
ومن بعدها تقول بدا يتساقط ويتقطع
وراح شعرها:icon33:
المهم غبت عنها حول الثمانيه شهور
لأني نقلت وتلخبطت أمورنا شوي
بعدها جمعنا ربي ألا وشوف شعرها بسم الله ماشاء الله كثيف وناعم ويلمع وماشالله قاصته كاري
بس رووووووعه
الله يحفظه لها قولوا ماشالله معي.
ونسولف وأسالها قلت وش سويتي
تقول مابقيت شي الا سويتها ومافي فايده.
أخر شي أنتظمت أحني شعري بحنا وسدر وأخلطه بموية بصل وثوم مغلي وأحطه بشعري واليوم الثاني تزييت بزيت جوز الهند وزيت زيتون مقري عليه
وتقول الحمد لله رجع شعري..:icon28:
المهم أنا شعري طيب وماعليه بس اني دايم أصبغ وأقص
وأحب التغيير
وهذا عدم شعري وطبعا بما أني ألحق ورا القصات والصبغ فطبيعي الزيوت ممنوع والحنا ممنوع
ولكن بعد ماشفت الي شفته غيرت رأي
ومشواري بالحياه
وقلت شعر باهت وتعبان وحالته حاله ماراح يزينه لون ألا يبي له أهتمام
وخاااصه أن لي تقريبا شهر أعاني من التساقط
فرحت وجبت لي حنا وسدر وزيوت
وتصفحت في منتداي الحبيب
وشفت نصائح الحبيبات في هذا المنتدى الي بقول أن الله يجعل دربها خير ويرزقها سعادة الدارين الي تسعى لمساعدة أخواتها هنا
نرجع لمحور حديثنا
وجمعلت لي خلطه ومشيت عليها
والحمد لله
رجعت لمعت شعري والملمس الناعم وخف التساقط من أول مرره...
وخلطتي عباره عن:
حنا بقدر طول شعرك
وسدر بمقدرا نصف الحنا
وبيضه وحبة البركه مطحونه
وشوية مايونيز للترطيب وشوية زبادي
وحمام زيت فاتيكابمقدار ملععقه
وخل تفاح ملعقه
ونسكافيه ملعقه
وخلطته بموية ميراميه" يعني غليتها لين صارت الموية خضرة على صفار"
طبعا شعري طوله تحت كتفي شوي
يعني المقادير تحكمي فيها على حسب طول شعرك ونوعيته
لانالشعر الجاف والباهت يعني المتعب من الصبغات يكون محتاج ترطيب
والمايونيز والزبادي وحمام الزيت عشان يترطب الشعر
والخل والنسكافيه عشان يغمق لون الحنا مايصير برتقالي يصير أحمر غامق
والباقي يعالج فروة الشعر ويغذيه وبتالي يمنع التساقط
المهم "
أخلطها وأحط بشعري أقل شي أربع ساعات
والطريقه تخلطي المواد مع بعض وأذا تبن لون الحنا يغمق بشعرك للي فيها شيب أو صبغه قديمة تضيف نسكافيه
وعلى حسب رغبتكم
وأزيته اليوم الثاني بزيت السمسم لأنه كما سمعت يرطب ويعالج الشعر التاف
والحين والحمد لله شعري صار حلو ومتغذي
بس باقي عندي مشكله صغيرونه وهي
أن شعري الون الي فوق أسود محمر حمار حلو
بس الي تحت أحمر على بني غامق
لأن بقايا الصبغه فيه
ولا ودي أقص ودي يطول
وطبعا ذكرت خلطة جارتي وخلطتي
عشان كل وحده تاخذ الي يناسبها
لان بصراحه البصل والثوم خفت من ريحته فعدلت بالخلطه شوي
وبما أن شعري طيب بس يبي أهتمام دورت للأشياء الي تغذي وتوقف التساقط
بس الي شعرها معدوم وتبي تكثف شعرها خلطة تاخذ خلطة جارتي .
أتمنى أني أكون أفدتكم من تجربتي.
ولاتنسوني بدعوه بظهر الغيب أن الله يجملني بعيون زوجي ويسخره لي ويرزقنا من حيث لانحتسب
حتى لو ما رديتي كتابتا
أدعي بينك وبين نفسك لأختك كتبت تجربتها سعيا ورأ دعوه قد يستجيب الله لكي ويفرج عنا ويرزقنامن حيث لا نحتسب.
ويناولك اللي في بالك انتي وجارتك وكل البنات والحريم
عزيزتي خلطتك قريبه من خلطه جوانا 42
هنا
والميرميه مفيـــــــــده مفيده مفيده للشعر
والسدر يجعد الشعر :)
جزاك الله خير