مجرد مشاعر @mgrd_mshaaar

محررة

تلقت أعصاااااااابي بجدددد وبعدين معكم يالسعوديين إلى متى ؟؟!!!

السلاام عليكم ورحمة الله وبركاتة

بدون مقدمات ولا لف ودوران أنا بدخل بالموضوع اللي كل يوم عن يوم يزيد و الوضع خطير والأعصاب ما عاد تتحمل اكثر من كذا

اخواني قائدين السيارات وبعدين معكم
بجد انا أعصابي ما عاد تتحمل

نفسي يوم اطلع لمشوار ما القى سيارة تتعدى سيارتنا

نفسي يوم اوقف عند الاشارة وما اشيل هم اللي على جهة اليمين او اليسار لا يكون ناوي يلف علينا

نفسي يوم أروح لمشوار وأنا متسنده ومرتاحة دايم على اعصابي وشوي اسوق بدل السواق <<< سواقنا يعرف يسوق الحمدلله بس ما يعرف حركات ربعنا الله يهديهم

والله العظيم انا ما عاد اقدر اتحمل هالوضع اللي يصير بالشوراع

ليه قلة الإحتراام والذوق ،،، ليه كل واحد ما يمشي في طريقة ويحترم السيارات والشارع اللي هو فيه

من جد إلى متى الواحد ما يقرر يلف إلا أخر لحظه وما يهمه اذا كان في اقصى اليمين وبيلف أقصى اليسار <<<<<<عادي هذا قمة الفهلوه والمرجلة عنده انه يتعدى هالسيارات كلهم ويلف

نفسي يوم اوقف عند اشارة وما القى المسار الأيمن مغلق !!! <<<المفروض هذا المسار يكون مفتوح في التقاطعات للي راح يلف يمين ما ينتظر الإشارة )
واللي اغلقة واحد مسوي ذكي وبيعدي السيارات كلهم الواقفين ينتظرون الإشارة
واللي وراه يضربون له علشان يفتح الطريق وهو ولا همة ابداً يسبب زحمة وربكة ويسبب رفعة ضغط !!!!!!

وإلا قممممممممممة الذوق والإخلاق لما يشوفون اللي يسوق السيارة سواق أجنبي !! كأنهم مو شايفين أحد

يتعدونه ويضربرون عليه بواري ويلفون عليه <<<<< مصاقط بلهجتنا

بجد ودي ابكي من القهر لييييييييييييييييييييييييييييييه كذا يا نااااس :( :(

نسيتو قول الله تعالى " وعباد الرحمن الذين يمشون في الأرض هوناً "

هوناً : يعني بسكينة ووقار ما يتعدى على حقوق غيره ولا يتعدى على مسار غيره ولا يضايق غير

نسيتوا ان القيادة ذوق وفن وين الذوووووووووووووووق يا نااااس

كم مره بغينا نروح فيها والسبب هالتعدي على السيارات والتكبيس من ورى <<<<يعني وخر عن طريقي لا ارجفك وهذا نجده بكثرة في الطرق السريعة :(

لو كل واحد يمشي بطريقة ويعرف وين هو بيروح ويمسك المسار اللي يبغاه بدون ما يلعب بالسياره كانه في ملاهي مره يمين ومره يسار كأنه دودة !!!!

ليه لما نسافر برى ما نشوف مثل هالحركات البهلوانية في السيارات
مع ان شوارعهم جداً ضيقة ولا عندهم أرصفة مجرد خطوط على الشارع
ومع ذلك ما تخطو هالحدود

احنا ربعنا ينطون الرصيف وهو كأنه جدار!!!!!! :30:

عندهم إحترام لقواعد المرور والأنظمة

والمفروض أن أحنا المسلمين يكون عندنا هالإحترام وندرسه للإجانب

هذا غير اللي يعطي ولده اللي طوله شبرين ونص يسوق السيارة
واذا قلنا له ليه حرام توه صغير على انه يسوق سيارة ؟!!

يقول خلووه يصير رجااااااااال !!! وش هالمبدأ التعبااااااااااااااااان :09:

يعني يصدم ويعرض اروح الناس للخطر بس علشان يصير رجاال !!!

والمشكلة اللي بجد قاهرتني اني ما شفت موضوع ينتقد هالتصرفات اللي تصير في شوارعنا وكأن الوضع عاجبهم :42:

واحد من المواقف اللي تعرضنا لها والحمدلله انها عدت على خير بس بعد ايش بعد ما طلعت روحي
واقفين عند الإشارة وولعت خضراء ومشينا واللي جمبنا منسجم في رسالة جته على الجوال وتشوف الابتسامة شاااقة وجهه
ووهو يقرأ الرسالة ولا همة السيارات اللي حوله
وشوي إلا سيارته لفت على سيارتنا والى الآن وهو منسجم في رسالته ولا يدري وين سيارته راحت له !!!!

ولولا لطف الله ثم ملاحظتي للسياره اللي كل مالها تقرب وصرختي للسواق انتبـــــــــــــــــه :eek: كان راحت فيها السياره !!!

صارت شوارع الرياض الآن زحمة ومو متحملة تهور السائقين

يعني ما صارت زحمة وبعد بتتهورون

مو كافية هالزحمة اللي كل يوم تزيد !!!!!

ولو السواق كان ماهر في القيادة يبغى تدريب خااص جداً على شوارع الرياض والمتهورين فيها

يا شباااااااااب اتقو الله في انفسكم وفينا واحترموا الشوارع والسيارات

يعني احس ان صار في شعري شيييب وانا توني صغيرة واذ استمر اوضع على ما هو عليه

مدري وش بيصير في اعصابي

يعني يمكن تلقون وحده تنزل من السيارة وتتضارب خخخخخخخخخخخ <<<<الله لا يقوله

صرت اكره اطلع والسبب اللي يصير في الشوراع :(

الله يخلييييييييييييييييييييييييييييييييكم تكفووووووووووووووووووووووووووووووون

أحترموووووووووووووووا الشوارع أحترمووووا الأنظمة واحترموا القوانين من جد إلى متى

ترى والله شوي وببكي واعصابنا ما عاد تتحمل من نطلع الى ما نرجع وويدنا على قلوبنا لا يجنا واحد متهور ويصدمنا !!!

وكونوا عباد الرحمن الذين يمشون في الأرض هوناً

ولا تنسو قول الرسول صلى الله عليه وسلم " أعطوا الطريق حقة "

واخيراً انا قلت بعض مما في خاطري والآن الباقي عليكم قولوا اللي في خاطركم وهل الشيء اللي صاير بشوراعنا يرضيكم !!!!!

وش الحل مع قليلين الذووق والإحترام ؟؟؟!!!!!!

انا دلوي ودليت به الباقي انتو ادلو بدلوكم وشاركوني

معليش يمكن كلامي ملخبط بس لاني مقهورة كتبت بدون ترتيب وتنسيق بس اهم شي المفهوم يوصل لكم

وكلمة أخيرة : أناا أكره التعميم ولكن هذي ظاهر موجوده في شوارعنا وأكيد مثل مافيه متهورين وقليلين ذوق فيه المحترمين جداً جداً وهنا انا اشكرهم من كل قلبي واقول لهم خليكم على ما انتوا عليه ولا تتأثرون بقليلين الذوق والأدب ،،

وشي أكيد ان المحترم وصاحب الأخلاق الرفيعة راح يكون محترم في كل مكان حتى في الشارع

يلزم عليك تسجيل الدخول أولًا لكتابة تعليق.

تسجيل دخول

سانجا • 18 سنة

اعصابك يا قلبي والله ما عندك احد

كلامك كله صحيح بس وين الناس اللي تفهم ....

كله كوم واللي يمسك يمين وهو بيروح قدام اويسار تعالي شوفي اعصاب زوجي شوي ولا وده

ينزل يمصطه بالعقال ويقعد يهاوش ويصايح وهذي ناس ماتفهم ويبغالهم جلد ومن هذا الكلام

بس الله يلوم اللي يلومه في ناس فعلا ماتحترم القوانين ولاتفهم فيها يبغالهم دوره في احترام

القوانين والانظمه..........بس على قولة زوجي الشرهه مهي عليهم الشرهه المروراللي احيانا

يكون متواجد في نفس الموقع ولا يسوي شئ والمفروض انهم يعطونهم مخالفه وياخذون عليهم

غرامه واذا تكررت يقطونهم بالسجن لين يخيسون..(ولا يطلعونهم بواسطه).

hayuof • 18 سنة

هههههههههههههههه ياحبيلك ذكرتيني بالوالده الله يخليها لنا ..
هي مثلك دايما متابعه مع السواق كأنها هي اللي تسوق ودايما على اعصابها ..وانتبه وشوي شوي ..وغيره كثير ...
تصدقين المشكله الاساسيه انه مافيه مخالفات وعقابات قويه .. اذا امنت العقاب فافعل ماشئت :30: .. شوفي دبي لو مشيتي والاشاره حمرا على طول مخالفه واذا تجاوزتي السرعه المطلوبه ماتلاقين غير هالفلاش وماخذلك احلى صوره :) ومخالفاتهم كثيره وتخلي الواحد يتأدب .. والشي الثاني هالصغار اللي يسوقون .. متهورين ويحسبون نفسهم فلتة زمانهم ... المفروض الواحد ما يسوق الا وهو تام العشرين

مجرد مشاعر • 18 سنة

سانجا

اي والله انك صادقة ما عندي احد بدليل محد عبرني :( ورد

وفعلاً الشرهة مو عليهم على الشرطة اللي تاركه الحبل على الغارب

واسعدني ردك ومؤازرتك لي

hayuof اي والله ما اتهنى بالطلعة على اعصابي طول الوقت

وفعلاً مرور دبي قمة في النظام يعني تروحين وترجعين ما شفتي حادث مشاء الله تبارك الله
وتصوير المخالفات اتمنى انها تكون بكل اشارة علشان ياخذون صور للمماليح

شاكره لك ردك ومرورك يالغالية وسلمي لي على الوالدة

نونة حبيبها • 18 سنة

كلامك صحيح

انا من اطلع مع خطيبي ايدي على قلبي..حتى هو اوقات يقولي انا اشك انهم يشوفون سيارتي

ماتشوفي الا واحد لاف علينا ولا واحد مابينا وبينه مسافة حيييييييل لاصق فينا.

والله طول مانا بالسيارة وانا اقرا قران خوفي اموووت من هالسوواقة المحترمة..

أم رزونة • 18 سنة

هههههههههههههههههههههههههه
ذكرتيني بحالنا واحنا في السيارة
سب وشتم ودعاوي
صادقة والله اني اكون على اعصابي الين انزل من السيارة وسعاتها ارتاح
الله يستر علينا ويحفظنا من شر حوادث المرور......................................آمين