تلقفت وقلت حق زوجي

السلام عليكم ورحمة الله وبركاتة

انا اعاني من مشكلة نفسية وهي الوسواس وهالمشكلة متعبتني ومقصرة بحق زوجي
كنت اطالب زوجي باني ازور استشارية نفسية لكنه يرفض ويعتقد انه اللي فيني مس بس انا متاكدة مية بالمية انه اللي فيني نفسي لاني عادي اقري قران ولا احس باي شيء والحمدلله ومو مقتنع بموضوع الاستشارية النفسية

اليوم الصبح فتحت له الموضوع لاني شفته رايق وقلت له باروح واختي اللي بتوديني
والحمدلله وافق
وبعد عشر دقايق غير رايه وحلف اني ما اروح للاستشارية
وقالي خلك بخبالك وجنونك
والسبب اني بس سالته
زوجي طبعه غثيث اي سالفة يقلبها هوشه
يمكن انا غلطانه بس والله ما اقصد اني اعكر مزاجة
السالفة اللي سببها رفض عدم روحتي للاستشارية
انه على الريوق قعدنا نسولف عادي وشفته رايق وقلت له
باروح مع اختي لاستشارية وافق
طبعا قالي من الاستشاريه للبيت وما فيه طلعه لامني ولا مناك قلت له ان شاء الله
المهم وقلت له البنات عادي تري اخليهم عند اهلي او اخذهم معاي
قال لا انا اخذهم
قلت له عادي اذا تبي يروحون معاي مافيه مشكلة
انا قلت هالسالفة قام وعصب انتي تبين تطلعي الريوق سم
انتي تبيني احلف بعد ريوق ما اتريق معاج والله لاستشاريه هذي ماتروحين
واتحدي اي احد يجي ويناقشني اني ما وديتك وقام يغلط على اللي يجي ويناقشه
انه زبالة اعزكم الله
طبعا اكيد منو اللي يجي ويبي يناقشه غير اختي
وانا كله ساكته
ويوم طلع قالي انتي زوجتي وانا مسؤل عنك
وان عصبت عليكي فابي لج الزين
اي زين وهو دايم يسوي لاتفه الامور مشكلة وسب
وبعد ما يجرحني بالكلام يجي يعتذر
طبعا اهو مضغوط من ديونه بس مو معناته مضغوط يفرغ كل شحناته على
واذا على الضغط انا بعد مضغوطة من سوء معاملته ومن رفضه لعلاجي ومن ذكريات الخيانة اللي مو راضية انساها
قولولي منو الغلطان
وكيف اخليه يغير رايه ويوافق
وهل اروح بدون علمه بس اخاف يدري وتصير مشكلة اكبر
خصوصا انه درى اني باروح

وترى انا ما اقدر ازعل ولا اروح لاهلي لانه عارف نقطة ضعفي مرضي واهلي مايدرون بس اختي وما ابي احد يعرف لان اتعرفون نظرة المجتمع المتخلفة للمريض النفسي واولهم زوجي قام يعايرني ويقول خلك بجنونك وخبالك