تلميحات للزاوج من بنت عمك

السلام عليكم ورحمة الله وبركاته

مسّاكم الله بالخير يا اهل منتدى حواء ، يعلم الله اني استفدت منكم واني مافتحت حساب الا ابي مشورتكم ونصحكم لأخوكم المسلم

المسألة بدت يمكن من سنتين وبالعلم حنا عائلة مافيها اي مشكله تتزوج من برا الاقارب ، لكن خلال السنتين هذي لاحظت الوالد احيانا اذا جابوا طاري البنت يقول ويلمح ذي زوجتك وفتره كذا تجي كل شهر او حوله ، وبدت الوالده بعد مدة بكل ماذكر سالفة لعائلة عمي تجيب طاريه بمزح وانه زوجتك قدام اخواني وصاروا اخواني زيهم ، والفتره الماضيه بديت الاحظها بعمي نفسه !! شفته بالعرس يقولي يافلان متى ؟! اقوله سم وش بس ؟ يقول متى المباراة😂 وأنا من ناحية الزواج منها مبدئيا ماعندي مشكلة بنت من عائلة محافظة ، بس اللي ابي رايكم فيه ان الوالد قالي من قريب ان عمي بالفتره الجايه يبي يكلمن بس مدري متى، ونا مادري افاتح امي اني اسأل عن بنت عمي تعرفون اوصافها واخلاقه وكذا ، لاني ماودي يسألن عمي واعطيه كلمه وانحرج منه بعدين ……. والموضوع يعني مب الحين الزواج توي بالجامعة ، فهل افضل افاتحهم الحين بالموضوع ولالا ؟