تمارين الشق .. للبنات🤔..

مدرسة بنتي يسوون تمارين للبنات من صبح ربي . والتمارين هذي شقه تفحز رجليها لين تصك جبهتها بالارض ؟؟؟...
وانا من يومني ورعه اسمع هالحركه تضر البنت .... يوم صار حفل تفوق الطالبات جات وقت الفقره . وشغلو اغنيه وقامو البنات يسوون التمرين هذا بطريقه ياربي عفوك .... تخيلت انهم طول السنه مادرسو الا هالحركه الخايسه....


الحين سؤالي الحركه ذي تضر البنات ولا ....لان بنتي حتى بالبيت صارت تسويها . وانا كبدي تندبل واسكت .... والله اني منغثه...


وهالموضوع دايم ببالي . ويوميا عندهم بدنيه وهالتمرين اساسي فيها . واللي تكفخ القاع بسرعه هذي هي اللي تفوز... رجل يمين رجل يسار ..وتحط راسها بالارض وتسوي حركات تحيه بيديها 😖...


اكلت من امي الله يرحمها تكفيخ على هالحركه لين قلت بس . لانها تضر البنت .... والحين مدري محتاره بين افكاري القديمه وتربيتي ان هالشي خطر ... ولا مدرسة بنتي اللي يدربونها تسوي هالحركه 😩....