السلام عليكم ورحمة الله وبركاته
أهلا فيكم أخواتي الكريمات
نظرا لكثرة الطلب على تمارين تقوية عضلات الصدر
قررت أني أنزل الموضوع لكم
" تنبيه : لكل وحدة عندها أي مرض أو مشكلة صحية مؤقتة أو مزمنة ضرورة سؤال الدكتور المختص عن مدى إمكانية أن تمارس التمارين منعا لأي مشاكل ممكن أن تحدث ...ودا الكلام يمشي في كل مواضيعي الله يرضى عليكم "
التمارين تشتغل على عضلات الصدر ..
بسم الله وعلى بركة الله نبدأ
يلا شدو الهمة نبغى أجسام حلوة زي جسم دي المدربة ...هي سار جسمها كدا بعد سنة من التمارين
لاحظو صدرها كيف ...زي ما الكل يتمنى ...يعني لا خلطات ولا شي
طبعا جميع التمارين اخترتها لكم من الموقع الأجنبي المتخصص في الرياضة ودي التمارين خاصة للمبتدئين
وهي كثيرة جدا لكن اخترت لكم الأسهل واللي بدون أجهزة رياضية خاصة بالنوادي
وقرأت في منتدى تاني كلام مدربة رياضة انو الأثقال لازم ما تكون فوق 1,5 كيلو عشان ما يطلع لك عضل
طيب يعني لدي التمارين ولتمارين الزنود الأثقال تكون 1,5 كيلو
التمرين الأول
اوقفي وقفة صحيحة وظهرك مستقيم واشفطي بطنك بنفس الشكل اللي أمامك ..امسكي العصاية وارفعي وانزلي وانتبهي ما تقوسي الظهر ..
التمرين الثاني
اوقفي وقفة صحيحة وظهرك مستقيم واشفطي بطنك وحط يد على الثانية واضغطي حتى تشعري بالشد في عضلات الصدر
عدي 10 -20 مرة بعدين ارخي شد العضلات ..
التمرين الثالث
اوقفي وقفة صحيحة وظهرك مستقيم واشفطي بطنك وحطي يدك على خصرك وبعدين
رجعي يدك لورا كأنك تبغي الأكواع تتلامس ..لكنها ما رح تتلامس عدي ل 10 -20 مرة
التمرين الرابع
جيبي الكورة حقت التمارين
وامسكيها بنفس الشكل ...يكون الكوع فوق الكورة ...واسندي الجسم باليد الثانية
انزلي لتحت بنفس الشكل وعدي ل 20 -3 0 مرة
نامي على ظهرك يفضل يكون على بساط التمارين ..امسكي ثقل في يدك زي ما اتفقنا 1,5 كيلو
امسكيهم فوق ونزلي اليد الأولى لتحت بعدين ارفعي وثبتي يدك فوق ونزلي اليد التانية
التمرين السادس
اوقفي وقفة صحيحة وظهرك مستقيم واشفطي بطنك ويدك على قدام زي الصورة
ومدي يداتك لورا كأنك تبغي تصفقي لكن بدون تصفيق ...رجعي اليدين لورا يعني كأنك تصفقي بشكل كبير ترجع يدك لورا زي الصورة يعدين لقدام
التمرين السابع
دي التمرين من تمارين الدرجة المتوسطة يعني اللي ما تقدر عليه تتركه ..حسيت إنو مفيد فنقلتو لكم
لازم يكون عندك كرسي زي دا أو حق تمارين البطن كنج أب ينفع لمن يتمدد
حطي ظهرك من فوق على الكرسي بنفس الشكل
امسكي ثقل 1,5 ..لكن انتبهي عشان ما يطيح على راسك
ونزلي يدك لورا حتى تشعري بالشد في صدرك