السلام عليكم ورحمة الله وبركاته
هذه تمارين خاصة لتقوية عضلات الساعدين = الزنود عند الحريم
طيب ليش بدأت في الزنود ؟؟؟ لأنو كتير اشتكو منها وكتير طلبو مني تمارين لها
التمارين جمعتها لكم من موقع أجنبي متخصص في التمارين الرياضية
رح أحط الصور وشرح لكل تمرين
وكلها سهلة وحلوة وجميلة
لازم نسوي التمرين بشويا شويا مو بسرعة
التمرين الأول
اوقفي وقفة صحيحة ظهرك مستقيم اشفطي بطنك وارفعي اليدين مع بعض بثقل مناسب وثبتي الساعد وحركي فقط الذراعين
ممكن واقفة أو جالسة وقت التمرين وممكن تسويه مرتين مرة وانتي واقفة ومرة وانتي جالسة
...................
التمرين الثاني
وقفة صحيحة ظهر مستقيم مع شفط البطن وارفعي بالتناوب وثبتي الساعد وحركي فقط الذارعين
وممكن تسويه مرة كدا ومرة كدا
...................
التمرين الثالث
وقفة صحيحة ظهر مستقيم مع شفط البطن وارفعي الأثقال للكتف بالتناوب
...................
التمرين الرابع
وقفة صحيحة وظهر مستقيم مع شفط البطن وامسكي يداتك وراكي وارفعيها لحد ما تقدري
هذه هي تمارين الجزء الأول سهلة وبسيطة
في الموقع ما هم محددين عدد المرات أو الثواني لكل تمرين
أقترح عليكم التالي
كل تمرين نسويه بالشكل التالي
مجموعة أولى فيها 10 مرات تكرار كل مرة نسمك الثقل أقل شي 5 ثواني وممكن 10 ثواني - 20 ثانية للي لهم وقت مع الرياضة
مجموعة ثانية فيها 10 مرات تكرار كل مرة نمسك الثقل فيها أقل شي 5 ثواني وممكن 10 ثواني - 20 ثانية للي لهم وقت مع الرياضة
يعني لمن ترفعي الثقل امسكيه 5 - 10 ثواني بعدين نزلي يدك وزي كدا
اذا كانت مشكلة الزنود عندك كبيرة أو هي مترهلة جدا
أقترح عليكي يكون لها 6 ايام في الاسبوع
3 ايام تمارين زنود
يوم راحة
3 ايام تمارين زنود
يوم راحة
موفقين جميعا ودعواتكم الصادقة لي أنحف بصحة وعافية واشفى من مرضي
وانتظرو الجزء الثاني من التمارين
" مادة الموضوع غير منقولة هي من ترجمتي وجمعي وترتيبي وتظليل الصور وتنسيق الموضوع كله هو من جهدي "
اقتراح وفكرة
ممكن تجيبي لوحة فلين وتطبعي دي التمارين وعلقيها على اللوحة مع باقي التمارين اللي رح تنزل في حلقات قادمة وتسير قدامك وقت التمرين وترفعيها لمن تخلصي
أنا كدا سويت وجدا مرتاحة التمرين قدامي أسويه في يومه المخصص له ..