تمت العملية بنجاح !!!!!!

مرحبااااااااااااااا يحلوات :27:

شحالكن احلى بنات باحلى منتدى في العالم العربي :) <<<< والله من قلبي

صار لي كم يوم وانا العلاقه بيني وبين زوجي شوي متوتره يعني كان دايما يجيب طاري الزواج الثاني وينغص علي حياتي لاني معقده جدا من هالموضوع وهو يدري بهالشي :(
وكنت طول الوقت متنكده وضايق خلقي ومكتئبه واصيح :icon33:
ولما اسمعه حتى لو يمزح مع حد من اهله ويقوله عقبال مااخذ الثانيه يطير عقلي واعصب واصارخ واهدد :angry2: وكنت الاحظ عليه لما اسوي هالحركه يزيد ويغيضني ويقولي انتي ام العيال والاولى ولك كل حقوقج انتي وعيالج ومن هالكلاك اللي يسم البدن
ولما اساله انت ليش تجيب طاري هالموضوع يقولي بس مافيها شي اقوله لا اكيد شي براسك او لاقيلك حد يقولي لا مالقيت بس لو لقيت شو فيها :lick1:
بيني وبينكم كنت اتنكد على طول واقعد متضايقه بس بعدين بفضل الله سبحانه ثم انتو خواتي قدرت اتجاوز هالمرحله بشويت نجاح يعني امس مثلا قريت موضوع لوحده من الاخوات متزاعله هي وزوجها وبعثت له مسج كاتبتنه وحده هني في المنتدى والمسج وايد حلو وزوجي صار لما اعصب من موضوع الزواج الثاني يزيد اكثر ويهجرني في الفراش يعني يكون تعامله معاي بشكل رسمي يعني احس انه يبي يخليني ارضى بالواقع او يبي يذلني :(

رحت كتبت المسج وفيه كلام حلو واخر هالكلام انه لاتستغل نقطة ضعفي وهي قلبي اللي يحبك عاد هو ماصدق دق علي وما رديت عليه بصراحه كنت اتغدى وهو بعده مارجع من الدوام في الطريق لان دوامه بعيد وايد :10_8_9:
ولما دش البيت حاول انه يتصرف عاااااااااااادي معاي ولا كنه صار شي بس اختكم تعاملت معاه بجفاف ورسميه مثل ماكان يتعامل معاي

عاد هو يوم شافني جي حط راسه ونام وقال في باله مصيرها تجيني وبذلها :40:
بس انا سويت نفسي نايمه ولا عطيته ويه

في الليل بعد سويت نفسي ولاااااااااااااهمني اتعامل عادي مع عيالي وبكل حب واضحك وهو بس قاعد يطالعني ولما جيت بنام بدلت ملابسي ولبست بجامه حلوه ومغريه بنفس الوقت هو يحسبني بذل نفسي وبجيه بس هذا باحلامه ( دا كان زمان ) قام يسوي نفسه نايم ويشخر بصوت عالي وانا ولا همني اكلم عيالي وانيمهم وبعدين اتصل اخوي وقعدت اسولف واضحك معاه هنيه عاد وقف الشخير :S_45:
واول ماصكيت عن اخوي انقلب صوبي وقام يتلصق قلت له خير قالي شو ممنوع المسك قلت له لااااااااااا بس توك نايم وشخيرك طار الغرفه قالي اتصدقين عاد شخرت شخره قويه واخترعت منها جان اقوم :baby2: <<< على ميييييييييييييييييييين هالكلام
وتعاملت معاه عادي جدا عطيته حقه بس بدووووووووووون اي انفعال مني يعني صرت مثل اللوح وهو كل شوي يسالني شوبلاج واقوله ماشي خلصني وانا اللي كنت قبل اسوي له كل شي واجننه بحركاتي وماخلي شي ولا حركه الا واسويها حتى لو ميته تعب
واول ماخلص قمت اغتسلت ونمت ولا عطيته ويه

واليوم توه متصل فيني يحاول يراضيني ويسال عني ومن حركات الرجال اللي تعرفونها كلكم

المهم خواتي انا طولت عليكم بس ابغي اقولكم نصيحه قريتها امس في هالمنتدى الرائع لا تخلين محور حياتج كلها زوجك وبس فكري بنفسج وعيالج واهلج وصديقاتج ولا تصيرين عفوا هبلا مثلي الجيب واحد وكل شي اتنازل عنه واراضيه واطلب راحته ورضاه بكل شي لدرجه انه مايصرف علي ولا يدري عني ولا حتى يجاملني في عيد بهديه كله انا اقوم بكل شي وانا اللي اسويله واصرف عليه وعلى عياله وبيته وبعدها بشو يبغي يجازيني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يهددني بيتزوج علي وبعد مايتزوج بيعطيني حقوقي انا وعيالي ولا راح يقصر علي اذا كان هو اللحين راسي براسه مايعطيني شي ولا يدري عن شي باكر اذا تزوج راح يتذكرني انا وعيالي ؟؟؟؟
وطول هالسنين وهالعشره وهالمشاكل والتنازلات اللي قدمتها ومشاكل اهله وتقصيره وشايله عنه كل المسؤوليه لدرجه ماتتصورونها يبغي يجازيني ويجيب علي وحده ثانيه يعني بدل مايقول لي جزاج الله خير واللحين بريحج مثل ماريحتيني وانتي الاولى والاخيره وام عيالي يقولي انتي الاولى بس مب الاخيره !!!!!!!!!!!!!!!!!!!!
نصيحه ياخواتي تراني من اليوم كل شي بسويه بحساب وبشوف نفسي وعيالي وبس وبلزمه يصرف علي وعلى عياله ويشيل مسؤوليتنا مب بس فالح يصرف على نفسه وهواياته واهله اللي مب محتاجين وعندهم الخير والرزق ويقصر علي انا وعياله حتى بفك بنص درهم مايفرحهم فيه بدخلته على البيت

ومن اليوم قررت التالي اتعامل معاه بما يرضي الله وبس يعني دلع زايد وتنازلات ماشي وعياله هو المسؤول عنهم ومثل مايعطي امه ولا يقصر عليها يعطيني ويصرف علي وبشتري كل اللي نفسي فيه وبسوي العزايم وبطلع مثل ما امه تعايرني وتتمدح قدامي باللي تشتريه وبحفلاتها وهداياها اللي بالاف وانا فلس ماعندي وانا موظفه راتبي مبلغ مب هين يعيشني احسن عيشه

ومن اليوم بحسسه كيف المسؤوليه روحة حق عياده ومستشفى ودائر حكوميه بداله مابروح مجاملات لاهله واهلي من جيبي مابدفع راتب خدامات واقساط مدراس مابدفع اغراض جمعيه وعيد وغيره مابشتري من فلوسي يشتري هو من جيبه وخله يعطيني حقوقي اللحين وبعدين بكيفه اذا قدر يتزوج بدل الوحده ثلاث :07: