تمت ولادتي ولله الحمد ولكن؟؟

مساءالخير لكم جميعا....وربي ييسر لك حامل ويفرج عليها
بعد تعب الحمل والثقل الي مايحتمل وبعد ان دخلت فالعاشر ب عشرة ايام 
جات ساعة الانتظار ....يوم السبت بدائت معي الأم الطلق من الصباح وماقلت لاحد كانت امي عندي ...صحيت الساعة 11وجهزت فطور وقهوة وجلست مع امي الله يطول عمرها وكل شوية احس بوجع خفيف يحتمل ووالظهر جانا اخوية وجهزت مع امي الغدا وتغدينا وانا الله اعلم بحالي بس مازلت صامده  العصر اخذت دش وجهزت نفسي وصليت وخبرت امي اني بدا مع الطلق بس بستنى للعشاء واروح لان الالم يحتمل بعد العشاء زادكل بعد خمس دقايق يرجع ....طلعت للمستشفى بعد ماودعت امي وعيالي ...وصلت المستشفى الساعة ثمانية ونص تقريبا وانفكت الموية بعد مانمت ع السرير خبرت السستر ونادت ع الدكتورة وجات الدكتورة كشفت قالت الرحم فاتح 4سم والجنين تبرز لازم تولدين بسرعة ...ويمكن تحتاجين طلق صناعي زاد علية الطلق وصار مايحتمل وقاست الدكتورة قالت 5سم والالم ذبحني قلت لاتعطوني طلق معد اتحمل خلاص اذا ماولدت سوى عملية قالت استهدي بالله ان شاءالله ماتحتاجين واعطتني مسكن والساعة 11 كشفت وقالت 6 باقي مارح تولدين الحين وطول الوقت مجلسيني ع السرير عشان راس النونو ينزل طلعت الدكتورة من عندي بعد ماقالت تخطيط الجنين موكويس واخذت اوراق معاها والممرضات جهزوني عشان يمكن عملية وفي هذي اللحظة زاد الالم وصرت اصرخ ودخلت استشارية وولدتني بفضل الله وخرجت بنتي الله يحفظها ويصلحها وفرحت فيها ولله الحمد 
اليوم لي 6 ايام من ولدت وامي امس سافرت ونفسيتي الله اعلم بها كل شوية ابكي عندي بنت عمرها سنتين وبنت وولد فالمدرسة واحس المسئولية عليه كبيرة كيف اهتم فيهم والا اهتم بنفسي ...جسمي كلة يعورني وظهري من الحركة والشغل 
دعواتكم تعدي فترة النفاس ع خير 
معليش ع الاطالة بس محتاجة اتكلم مع احد وافضفض زوجي فلعمل ولاعندي جيران ولاقريب فالمدينة الي ساكنة فيها.يارب فرجك وعونك