تمرة النفاس وطريقة عملها (تمرة امى )

السلام عليكم ورحمة الله وبركاته
يابنات اليوم انا خذيت من امى طريقتها فى عمل التمر الى تاكله الوحده بالنفاس (لان هالمره نفاسى رح يكون فى بيتى ههه ولازم اعتمد على نفسى بعمل اغراضى قبل لااولد واتوهق وشكلى بسوى اليوم كمن علبه واحطهم بالفريزر واذا احتجتهم اطلع منهم على علبه علبه المهم التمره طبعا النفاس مالها غناه عن التمر وكلكن يعرف فائدة التمر
انا قلت لنفسى خل افيد خواتى بالمنتدى فيها على استفيد دعوه حلوه منكن
طريقة عمل التمره هى كالاتى
تعجمين التمر وتحطينه بالمقلاة وتضعين عليه الدهن البرى (دهن عدان ) التمر يكون كيس او كيسين على حسب رغبتك بالكميه الى تبينها
وتضعينه على النار نار خفيفه طبعا وتضعين مسمار طبعا مطحون وكمون وفلفل ورشاد حب مو مطحونوحلبه مطحونه وسويدا مطحونه وكركم وزنجبيل مطحونين
ودارسين (قرفه ) مطحونه وابدى فى خلط التمر مع الاغراض الى حطيتيها الى ان تختلط واطفاى النار واذا بردت وزعيها فى علب الكميه الى تحطينها من هالاعشاب تكون على حسب كمية التمر اذا سويتى كميه كبيره وزعيها فى علب واحفظيها بالفريزر لحين الحاجه لان التمر مايخرب مع الحفظ ولا ياثر عليه شى وسلامتكم
(ارجو الدعاء لى بان يكون مافى بطنى غلاما صالحا واصير ام بندر بجد ولكن الشكر )والله يهون على كل حامل ويرزقها ماتتمنى