تمرة امي انقذت بنتي للعظه والعبره ادخلوا حياكم

يابنات قصتي قصه والله العظيم من الرعب صار لي شهر وانا ماخليت احد ماقلت له شي يخوف كانت بنتي تتعذب ولا كنت حاسه كانت وهي نايمه تجيها كحه غريبه لدرجه انها تختمها كانها بترجع وساعات ادخل ايدي ابغاها ترجع وكانت ريحة فمها خايسه قلت يمكن اسنان ومافيه فايده والغريب انها تكح وتعطس وراء بعض وانا خبر خير مطنشه وعلى هالحال شهرين غير وهي نايمه تبلع بلعه لها صوت اول شهر عادي مطنشه قلت اسنان وثاني شهر رحت لاهلي وقلت لامي قالت يمكن شعر بحلقها قلت لا تعطس وتكح بنفس الوقت ليش وتضحك علي امي تقولي مافيها الا العافيه ورحت من حالي جربت القطره الانفيه قلت اذا فيه شي ساد المجرى يطلع ولا يطلع شي وكل هذا مافكرت اوديها طبيب حتى اختي الصغيره قالت بلعتها كبيره وبصوت اكيد حلقها فيه شي وانا متحمله وبنتي صارت ماتنام زي اول وتزيد الكحه وهي نايمه واذا جاء غبار اقول اه حساسيه واعطيها ادويه غبيه ماني عارفه وش في بنتي وياعمري عليهم هالصغار مايشكون ولا يعبرون المهم وانا رايحه من عند اهلي اعطتني امي كيس تمر تقول انه حلو مافيه عندكم زيه المهم سبحان الله يوم جعل هالتمره شفاء لبنتي واخذت التمر معي للبيت ويجي ذاك اليوم واحط من هالتمر وازين ذيك القهوه ونتقهوى وصارت بنتي زي المجنونه تبي من التمر وكل شوي تجي وتسحب الصينيه وابعدها وتبكي وترجع تسحبها واخذها منها لين مابردت خاطرها واخذت تمره واخليها كسرت خاطري للعلم بنتي عمرها تسع شهور المهم وكلت التمره وناديت الشغاله وقلت خليها عندك لاتلعوزنا واذا خلصت غسليها وجيبيها اخذنا ربع ساعه وجابتها الشغاله تقول ان قطعه كبيره دخلت حلقها وبالموت طلعت قلت ايه هذا التمر مايصلح خلاص وتجلس عندي بنتي تزحف وشوي تبكي وشوي تكح واخوي يتفرج عليها يقول شكلها بترجع واقول لا كالعاده وهي كانها شرقانه ومره متضايقه قلت يمكن تبي تنام واخذتها بنومها وماقدرت ترضع نامت جوعانه بس تصيح ويالله نامت وديتها سريرها يمكن نص ساعه ولا اسمعها تصيح بقوه وتكح واركض والاقيها مرجعه شي موطبيعي ومن الخرعه اخذتها للحمام وكملت ياويلي وش طلع تقطع قلبي عليها بغت تموت وجهها قلب اسود اخذت ابوس فيها واضمها احسها خلاص بتموت والله يابنات طلع من خشمها شي اسود كبير وغير الي طلع من حلقها قطع بيضاء كنها مناديل اتري هذيك الكحه الي يوم كان عمرها سبع شهور لين ماوصلت تسع شهور سببها مناديل ومسود وريحته مقرفه وشينه كان ساد خشمها وحلقها ياحياتي تتعذب لها شهرين وتمرة امي انقذتها وكانت التمره فيها خير عظيم وانا مادري الله يجزاء امي كل خير وربي يعطيها الصحه والعافيه يابنات كلما اتذكر بنتي وهي تسحب الصينيه تبي التمر واعيي عليها ابكي وشلون كانت تدري انه بينقذها سبحان الله سبحان ربي الرحيم بخلقه رحم هالبنيه الله يحفظها ويبارك فيها يارب