تمرخت وشوفو وش صارلي

لي سنتين متزوجه و ماحملت ورحت تمرخت هذا الشهر لاول مره عند وحده اسمها ام سلطان ساكنه في التحليه بالرياض هي حرمه كبيره بالسن وشكلها يوحيك بالثقه
اخذت رقمها من المعالجه الشعبيه ام خالد اللي بمكه هي اللي دلتني عليها وقالتلي انها تعرف اذا فيني ميل او هرمونات او اي مشكله تعيق الحمل

رحتلها من اول يوم الدوره قالتلي انتي عندك سدد خفيف وميل بسيط للرحم من جهة اليمين وابي امرخك لمدة ثلاث شهور بس ثلاث ايام من كل دوره وانشاءالله بعدها تحملين مع العلم اني سويت اشعة الصبغة وكل شي سليم بس قالت مايبين سبحان الله الميل بالاشعه
انا في البدابه استكثرت المده وقالتلي احتمال بس شهرين على حسب الرحم
وطلبت انها تسويلي كاسات هوا وقالتلي انتبهي ولا تفكرين تسوينها لانها تسحب الرحم من مكانها
وسألتها عن عشبة القشعه لاني استخدمتها ثلاث شهورومره ماشاء الله مناسبتني لاني احس انها تنظف الرحم بس مانصحتني استمر فيها لان كثرتها تكشط الرحم
وكنت رافضه استخدم اي علاج منها لاني ابي اتمرخ بدون اعشاب بس هي اقنعتني
وعطتني لهوم اخذه مرتين كل ايام الدوره ,وعبائة السيده انقعها مره في اليوم لاخر يوم من الدوره
وكبو قالت تدخني منه بس ماداومت عليه, وتحاميل بس مااستخدمتها لاني موسوسه شوي
و تمريخها مره مريح ماحسيت باي الم تمسح بطني بزيت وبعدين تسدحني على
بطني مايخذ ربع ساعه

والمشكله ان دورتي قلت الشهر هذا ومانزلت وكان لونها بني ولمى قلتلها استغربت قالت الاشياء اللي عطيتكياها تنظف الرحم خاصة اللهوم وتنزل الاوساخ الله يكرمكم وقالت داومي علبها لاخر يوم من الدوره بس مانفعت معاي واحس اني مانظفت زين الشهر هذا لان السدد مانزل, وهي مرة مستغربه لانها استخدمت نفس العلاج مع ناس كثير واستفادو منها وماحسيت بالام الدوره
وش اسوي انصحوني بنات,
اللي تمرخت قبل كذا الدم كان معاك غزير او طبيعي؟
وهل التمريخ الممتاز لازم احس بألم؟
وتنصحوني اكمل معها او اغيرها؟
او المشكله من اللهوم
بديت اشك بعمري اللهوم ماتناسبني, ولا الخلطات لان قد جربت خلطة عيون وليد ودمعة سفر وصارلي نفس الشي حتى الحبة السوداء اكلتها وصارت لي نفس المشكله ليش ماينفع معي شي ماناسبتني الا القشعه تنصحوني استمر عليها
الله يخليكم انصحوني وش اسوي ادري اني طولت عليكم والله يرزقكم بالذريه الصالحه ويرزقكم بالحمل السليم المعافى ياااااارب