تمريتي بجميع النكهات ،،،، حياكم ،،،

الحلويات الشرقية والغربية

السلام عليكم ورحمة الله وبركاته


DSCF1493



هالمره جايبتلكم تمرية إنما إيه بجد لذيذة وتذوب بالفم :p .. وأنا أتصفح النت أدور على طريقة حلا بالتمر بحكم إني بغربه وأبي شي من ريحة الوطن :( .. طحت على موقع محل تمرية اللي موجود بالسعودية :o ويوم شفت الصور اللي بموقعهم حييييل أشتهيتها مع إني ماعمري ذقتها من عندهم بس تخيلتها و لقيت شرح مبسط للطريقة حقتهم بمقال مسوين مقابلة مع صاحب المحل وقام المخ يشتغل :cook: .. ويوم سويتها فعلا لذييييييييذة وكل اللي ذاقها من صديقاتي يقولون نفس الطعم حقهم وأحلا بعد :o .. عاد قلت مايغلى عليكم لازم أشارك حبيباتي بعالم حواء وأفيدهم فدييييييتكم :D ..


الطريقة والمقادير سهلة جدا آنا سويتها بالحشوات المتوفرة عندي ( أوريو .. زبدة الفول السوداني (بينت بتر) .. جوز الهند .. سمسم .. شعيرية باكستانية ) أنتي تقدري تبتكري وتخترعي نكهات جديدة ..



المقادير :

كيلو تمر منزوع النوى ( اللي يجي معاه شوية دبس سوري بس مدري وش يسمونه )

4 ملاعق طحينية

كوب دقيق أسمر

نصف كوب حليب بودرة

نصف كوب بسكويت مطحون

إصبع زبدة

ملعقة هيل مطحون

نصف ملعقة زنجبيل مطحون

علبة قشطة الحجم الكبير


الحشوات:

* أوريو مطحون

*زبدة الفول السوداني (بينت بتر) وبسكويت مطحون منفصلين

* شعيرية باكستانية محمصة

* سمسم

* جوز هند مبشور




الطريقة:

يحمص الطحين والحليب البودرة والبسكويت لين يشقر ..

يضاف إليه الزبدة ويقلب جيدا حتى يذوب ..

يضاف التمر ويقلب حتى يختلط تماما ..

نضيف القشطة والطحينية والهيل والزنجبيل ويقلب حتى يتجانس الخليط جيدا ( ممكن لو حسيتي الخليط لسه مو متماسك مره معاك تضيفي شوية زبادي أو لبن بيعطيه نكهه حلوه ) ..

تشيلي عن النار وتخليه يبرد شوي ..

تكوني مجهزة حشواتك وتقسمي خلطة التمر لأقسام متساوية وتاخذي كل قسم وتخلطي معاه شوية من الحشوة عشان تطلع النكهه أحلى من جوا وبرا ( بالنسبة للبينت بتر نضيف عالقسم الخاص فيه بسكويت مطحون عشان يتماسك بيصير لزج أكثر من الباقيين ) ..

ناخذ كل قسم ونشكله دوائر متساوية بالبداية بعدين ناخذ كل دائرة ونحاول نشكلها مربعات باليد بالضغط عليها من جميع الجوانب بالأبهام والسبابة ..

نقلب كل مربع بالحشوة الخاصة فيها ..

ترص في صحن التقديم الخاص ..

تغرس أعواد الأسنان او الأعواد المتوفرة عندك لسهولة التقديم ..


* ممكن مضاعفة الكمية مثل ماودك وإضافة إضافاتك الخاصة اللي تحبيها ..



تاكدي ضيوفك راح يحبوها والشكل العام جدا يواجه للضيافة مع القهوة :p




ماشاءالله تبارك الله

DSCF1491



DSCF1487



DSCF1499



DSCF1498



DSCF1493





وهني وعافية على قلوبكم ..

ولاتنسوني من دعواتكم :26::26::26:


365
106K

يلزم عليك تسجيل الدخول أولًا لكتابة تعليق.

تسجيل دخول

عالم الابتكارات
مبدعة روووعة الله يسعدك ويسخر لك
غلاهمـ*
غلاهمـ*
جنااااااااااااااان ماشاءالله

شي خيالي

يعني لو تقدمي صينيه لضيوفك واااااو راح ينهبلووون

الله يحفظك
shmokh22
shmokh22
السلام عليكم وااااااااو شكله حلو ويواجه وفعلا يبيض الوجه للتقديم وعندي لك اقتراح يسهل عليك التشكيل ضعي الشفاف حق التغليف في القالب اللي تبين وبعدها ضعي التمر واضغطي اللين ياخذ الشكل واقلبي وراح يطلع معك بسرعه ويعطي نفس الشكل والحجم وكملي الخطوات الباقيه وبغيت اسال وشو بينت بتر وجزاك الله خير
استغفر الله العظيم الذي لا اله الا هو الحي القيوم واتوب اليه
دلوعه ماجد
دلوعه ماجد
السلام عليكم وااااااااو شكله حلو ويواجه وفعلا يبيض الوجه للتقديم وعندي لك اقتراح يسهل عليك التشكيل ضعي الشفاف حق التغليف في القالب اللي تبين وبعدها ضعي التمر واضغطي اللين ياخذ الشكل واقلبي وراح يطلع معك بسرعه ويعطي نفس الشكل والحجم وكملي الخطوات الباقيه وبغيت اسال وشو بينت بتر وجزاك الله خير استغفر الله العظيم الذي لا اله الا هو الحي القيوم واتوب اليه
السلام عليكم وااااااااو شكله حلو ويواجه وفعلا يبيض الوجه للتقديم وعندي لك اقتراح يسهل عليك...
يسعدك يارب عالدعوات الحلوة ياقمر ..





حبيبتي والله تسلمين كلك ذوق ياعسل ..








هلا بك ياقمر .. فعلا فكرتك حلوه وبتسهل وقت بس وقتها ماسويتها ماكان عندي القوالب متوفرة بس إن شاء الله بجربها المره الجاية :39: .. البينت بتر هو زبدة الفول السوداني أعذريني على عدم التوضيح ..
ام لجونة المزيونه
ماشاءالله تبارك الله