تمر النفاس.. ينفع للي تبي تولد؟؟

السلام عليكم خواتي

عندي استفسار و يا ريت اللي عندها خبرة تعطيني الجواب الشافي..

انا حاليا حامل في الاسبوع الثاني من الشهر التاسع.. و هذا ثاني حمل لي..

في حملي الاول كثرت من اكل التمر من ثاني اسبوع من التاسع.. و الحمدلله ولادتي كانت ميسرة و سريعة.. ما شاء الله لا قوة الا بالله .. الحمدلله..

فنويت اسوي نفس الشيء في هالحمل.. بس المشكلة ان كل التمر اللي عندي سويته للنفاس.. بعضه للنص الاول و الباقي للنص الثاني..

عاد انا ناوية ابدي اكل من تمر النص الاول للنفاس لانه ما عندي تمر صافي.. و هالتمر حطيت فيه حبة السودة و حبة الحلوة و كمون و دبس و جوز... بس خايفة لا يكون اي من هالمكونات لها تأثير عكسي على الولادة و تعسر ولادتي.. :(

يا ريت اللي عندها خبرة تفيدني و تقول لي اذا اقدر اكل من تمر النفاس اللي عندي و الا لا؟؟

مشكورات مقدما