تمزق الرحم للبكريه

كيفكم حبايبي
انا بكريه ويالله لك الحمد تمت ولادتي وجبت احلى بنوته الله يحفظها لمامتها المشكله انو وقت الولاده واثناء الدفع شديت ع نفسي حبتين وصار عندي تمزق في الرحم ع كلام الدكتوره قعدت بعد الولاده يجي ربع ساعه تخيط ومعها وحده تشيك عالوضع الزبده اني تطمنت ان شغلها كويس بس خرعتني يوم قالت تمزق جيت بحثت بالنت وبمواقع اجنبيه واللي فهمته انو تمزق الرحم سيم سيم تمزق المهبل هل هالكلام صحيح ؟!
طيب انا من ولدت اول 4 ايام كان الم فضيع لكن يالله لك الحمد بعدها خف والغرز من اليوم الخامس طاحت اول غرزه وللان 3 طبعا مايحتاج اقولكم احس بثقل اسفل بطني وخااايفه مره من حكايه نزول الرحم اخاف يهبط عندي وعندي كم سؤال


الاول : تمزق المهبل هو نفسه تمزق الرحم
الثاني : طبيعي تطيح الغرز من اليوم 5
الثالث: هل ممكن يجيني هبوط بالرحم خصوصا اني احس بثقل اسفل البطن
الرابع : وش سبب هالتمزق يعني الدكتوره ماسوت توسيع وشق للعجان عشان كذا صار تمزق ؟
الخامس : احس الغرز واصله لاخر العجان يعني قبل فتحه الشرج بشوي تتوقعون الحاله حرجه ولا عادي
السادس : شكل المنطقه هل بيتاثر يعني ي بنات بعد التئام الخياطه يرجع كل شي زي ماكان ولا كيف قريت بمواقع اجنبيه وطبيه عربيه يقولون يرجع كل شي مثل ماكان عليه بالنسبه للشكل واجي اتصفح المنتديات الاقي كلام يخوف
السابع : تمارين قاع الحوض نفسي ابدا فيها عشان خايفه من هبوط الرحم تتوقعون الوقت مناسب للبدء فيها لي اسبوع ونص والده ؟
الثامن : بنوتتي ماترضع طبيعي حاولت بشتى الطرق الله يصلحها مو راضيه تعودت عالحليب الصناعي فصرت اشفط الحليب من صدري واحطه لها بالرضاعه والحمدلله تشرب ابي اعرف هل فوائد الشفط مثل فوائد الرضاعه الطبيعيه مباشره من الصدر او لا ؟