تمزق من الدرجة الثالثه وناسور مهبلي ، من مرت بنفس وضعي

السلام عليكم
كيفكم ان شاء الله بخير
انا دخلت اكتب موضوعي لاني مكبوته كثير واحتاج اشوف تجارب احد مر بوضعي وايش صار معاها
اول ولاده لي وانا بكر كانت قبل ٥ سنوات
اغتريت بكلام وزارة الصحه وان قص العجان غلط ووووو
وطلبت وقت ولادتي عدم القص
جاني تمزق بالعجان من الدرجة الثالثه والدكتوره خيطتني
بعد اسبوع جاني امساك شديد وبسببه جاني تمزق داخلي اللي هو ناسور مهبلي وكل البراز وانتو بكرامه دخل ع المهبل والخياطه وتفككت
سويت عمليه بنج كامل خياطه داخليه وخارجيه
ومر نفاسي كله فوبيا وخوف من الاكل والحمام كنت ابكي طول الوقت وكل يوم رايحه افحص لكن الحمدلله عدى ع خير
الحين اكتب لكم وانا حامل بعد ٥ سنين وكنت اتابع عند الاستشاري اللي سوا لي العمليه الحين انا بالشهر التاسع لكن للاسف الاستشاري جاته ظروف صحيه وحولوني ع دكتوره ثانيه احس اني دخلت دوامة ضياع كنت متابعه معه ومتطمنه بس الحين خفت لان موعدي معه يسوي لي فحص للمنطقه ويقرر اذا اقدر اولد طبيعي او يحولني قيصري
الدكتوره جلست اشرح لها من اول وجديد وسوت لي فحص
وقالت توصيتي لك ناخذ الخطوه الامنه تولدي قيصري لان المسافه بالمنطقه الداخليه الي هي كانت الناسور المهبلي اقصر وممكن ماتتحمل ضغط الولاده وراس الطفل


انا الحين خايفه اخذ قرار وخايفه وقت الولاده وش يصير لي
وخايفه من القيصريه والووم نفسي ع قراري بولادتي الاولى ماثره علي بجوانب كثيره بحياتي
احد يطمني قد مر عليه نفس اللي مر علي ؟؟؟
رجع لي الخوف والرعب الي مريت فيه قبل
واطمن نفسي اقول القيصري افضل ولا اولد طبيعي لان فيه احتمالات يضرني يكفي اللي صار قبل
وارجع افكر اذا ولدت قيصري يعني ولاداتي كلها قيصري ؟
هل بياثر القيصري ع حياتي ؟ هل بياثر ع شكلي ؟هل ممكن اولد طبيعي المرات الجايه ؟؟
والله اكتب لكم وانا مدري وش ابي طبيعي او قيصري ولا ابي اقرر وخايفه احد غيري يقرر


طمنوني الله يطمنكم