كنت حامل بالخامس وعندي استقبال ومسويه شعري ومكياجي بصالون غالي ولبست بدله مع شال كبيرغطيت فيه بطني
المهم لما رحت الاستقبال جتني وحده سلمت علي وسألتني انتي العروس؟؟؟؟
عاد انا طرت من الفرحه ورحت على طول دقيت على ابو الشباب وقلتله تدرون شقالي؟؟؟
قال :: خوش عروس حامل حشا صبوحه
خطبها نصيب !!!!!!
**************************************
موقف موتني من الضحك على زوجي مرة انا كنت حاطة كحل ابيض على عيوني جان يقولي: انتي ما تغسلين وجهك من الصبح ليش هالغمص بعيونك ؟؟؟
قمممممممة الاحباااااااااااط ّ!!!!!!!!!!
**************************************
مره كنت شاريه كريم حق الايدين على ريحه ليمون يبيض و ينعم عاد ذاك اليوم حاطته بالليل ونمت بفراشي ,,, ماشوف الا هاللي يشمشم شفيك؟؟؟ شصاير؟؟؟الا هاللي يقول : ما كني داش غرفة النوم جني داش الفرضه (شبرة الخضره) لووووووووووووول>>>
***************************************
مره قعدت من النوم مبكر وقلت خليني اقعد زوجي من النوم بنعومة كان اقوله باذنه احبك ....
تدروووووووون شنو رد على؟؟
قالي :: حبيني بعدين بنام الحين !!!!
**************************************
يفشلني زوجي لما نروح محل ألعاب اومكان فيه العاب حق الجهال اقوله خلينا ناخذ هذي اللعبة حلوه عشان ولدنا يتعلم ويستفيد .. يقولي قدام اللي يبيع:: خلصيني قولي انك تبين تلعبين فيها هههههههههههههههه
***************************************
الله يسلمكم انا يعني اسكت امسوية ليييييييييييييييله
وقايمه ماخذة العصيان المضيئة وقاصتهم لونهم وردي نفس غرفتي وامنثرتهم بالغرفه وامسكره الليتات
وانا لابسه لبس فرعوني ايهبل ولابسه باروكه نفس مالت الفراعه وخاطه الكحله واقولكم حاااااااله
وقاعده علىالكرسي الهزاز انطره المهم سمعت الباب رحت اركض واندس ورى الباب
فتح الباب لقى الغرفة فيها شي فسفوري يلمع على الغرفه كلها
ولقى الكرسي الهزاز يتحرك لحاله لاني قمت ابسرعه
يناديني وانا ساكته دخل وسكر الباب ولا انا وراه
وينقــــــــــــــــــــــز نقزه من الخرعه بغى يوقف قلبه
جان يقول ::
يماااااااا كنك كليوباتراههههههههههههههههههههه
***************************************
انا واجد زوجي يعلق كله تعليقات احباط بس مو ذاكره شي معين الا يمكن اني كنت مزينه الغرفه بالشموع وموسيقى هاديه دش الغرفه
والا يقول :: بسم الله الرحمن الرحيم شنو بتحضرين ارواح؟؟؟
***************************************
ومره كنت لابسه التراجي المدورة حيل كبار واول ماشافه ولا يقول::
بسم الله شنو هالتراجي فيه اسد بينط منهم؟؟
***************************************
مرة كنت لابسة قميص نوم طويل اللي يصير كأنه فستان سهرة
المهم رافعة شعري وحاطة المكياج ولابسة اكسسوار ولبست عزكم الله الجوتي الكعب ولا الحبيب يقول لي بكل براءة:
هاا بتطلعين وين بتروحين؟؟؟
وااااي انا لابسه قميص نوم كاشخة لك واهو يقول لي وين بتروحين ؟؟؟
**************************************
مرة علق على بيجامه شاريتها من لاسنزا قالي :-
خبازنا مضيع سرواله اليوم أثاريه عندك.!!!
**************************************
شريت بجامه مقلمه من بي اش اس... ما وعيت إلا زوجي يقول لبنتي شوفي هالشرشف شنو يشبهه بالغرفه ؟؟
لا وأنا رازه ويهي وأقول الفوطه ؟؟كان يقول : لا
وإهي تقول المخده كان يقولها : لا
عجزنا وإحنا ندور .... جان يقولها :: شوفي صروال أمج!!!!
الدفش ما يعرف حتى يقول بنطلون أمك وإلا بجامتها والله عقبها حرمت أشتري شيء مقلم والسبه هو!!!!
**************************************
مره رفيجتي تقول لابسه شورت ولونه أزرق وفيه خط أبيض تقول لمن شافني زوجي قالي :: أيوه أيوه سامي ...يمررها لياسر ووووقوووووووووووووووووووووووووووووووووول !!!!
منقول بتصرف
قوس قزح2007 @kos_kzh2007
محررة
يلزم عليك تسجيل الدخول أولًا لكتابة تعليق.
الصفحة الأخيرة
الله يسعدك ضحكتيني ..