تمشكلت انا وزوجي اليوم ....

السلام عليكم
المهم البارح كلمتني سلفتي عندها مراجعة في المستشفى وتبغاني اجلس مع بنتها وكلمت زوجي ووافق ورحت لها اليوم
وحنا بالبيت قلت له ترى جوالي مافيه نت اشحن لي جوالي قبل اروح قال طيب اروح عند الوالدة ساعة وارجعلك واجيبلك معاي بطاقة شحن
ووصلت هناك انتظر انتظر ما جاء كلمته قال انا ماني جاي قلت خلاص لا تجي بس ارسلي شحن قال اشحن لك ما عندي استطاعة قلت كلها ٢٠ ريال بس انا هنا طفشانة قال لا مافي
وسكت ولا عاد دقيت عليه ابد دقت سلفتي قالت انا راجعة من المستشفى ما راح ينوموني لانها توقعت ينوموها عشانها حامل وينزل عليها دم وهي قالت لا اقول لزوجي انها حامل لانها توها بالبداية وما تبغى احد يدري
ويوم جت وحنا راجعين في السيارة زوجي عصب وقام يصارخ يقول ليش كل شوي تدقين وانا عند الوالدة قلت وش فيها قال احرجتيني قلت وش الاحراج انا قلت ارسلي شحن واجلس عندها عليك بالعافية
وانت من اول قلت بسلم ويجيبلك معي بطاقة شحن وبعدها تسحب علي وهي كلها ٢٠ ريال اللي طلبت
وزوجة اخوي حامل وما علمتيني قلت الحرمة امنتني ما تبغى احد يدري وانت وش بتستفيد اذا عرفت وقام يصارخ علي
انا مررره متضايقة طفشت من المشاكل
وش رايكم