كيف حااالكم يااحلوااات وكيف يوم الاجااازة معااكم
هادا الله يسلمكم مادرينا عن الاجازة الا متأخر يوم الجمعه في الليل انه السبت اجازة
قلت لزوجي الله ياريت نروح للرايس وفجأة سكت لاني افتكرت انه سيارتنا العزيزة في الورشه
الا قال يلا قومو .قلت له والسيارة. قال خلاص اكلم اخويا .والحمد الله اخوة ماخيبنا .
وقمت وعبيت اغراااضنا .قالي اتصلي ع مامتك تطلع معانا .اتصلت ع ماما والا هيا في سااااابع نومه
ع فكرة كانت الساعه 2 في الليل .كلمتها قلت لها طالعين الرايس تطلعي قاالت وهيا نعسااانه
رووووحو الله معاااكم .قلت له طيب كلم اهلك يطلعو معانا .طلع لهم فوق لاقاهم نايمين .
طيب سمينا بالله ومسكنا الخط الرايس تبعد عن المدينه تقريبا 192 كلم وهيا عن طريق ينبع نسافرلها
المهم وصلنا هناك تقريبا 4ونص الفجر وروحنا مكان مرررة حلو مسوينه مثل الارصفه المهم جلسنا فيها وزبطنا الشااهي
وجلسنا وكاانت قمرة والجو ماشاااء الله جونااان بس كان شوووويه بررررد
كااان شكل القمر ع البحر روووووعه ماشاااء الله
هنااا وقت شرووق الشمس الجو كاان خياال بس كاان بررررررد
وبس كاان ولدي ياامن الا يبغى يسبح من يوم جينا وهو ماما ابغى اسبح قلت له لما تطلع الشمس
ولمن الشمس طلعت فرررح مسكين الا يبغى يسبح اقوله بعدين دحين مررررة برررررد
ابداا مو رااضي يفهم الله يهديه وقعد يبكي علينا مسكه زوجي وقاله تبغى تسبح تعاال
قاله شوف السمك شوف ابو مقص بعدين يعورك في رجولك خخخخخخ الا الولد مسكييين بطل مايبغى يسبح
اصلا مااقدرنا نجلس من البرررد وروحنا دورنا ع شقه مفروشه وجلسنا فيها
اول اوووكشين سااار عليناااا:::
زوجي مانام مزبووط قاعد يتقلب ويتقلب طالع في الساعه لاقاها 12 الضهر قالي اقولك انا اروح اصيد سمك
وارجع لكم وانا قلت له رووح الله وياك ونومت مادري عن نفسي صحيت لاقيتها 4 العصر
ولما صحيت مالقيت زوجي بصراااحه مررررة خفت ولطف من الله انه سيب جواله التاني عندنا
لان جوالي الخدمه مخلصه ومااشحنته وجوالي وجوال زوجي خلاص الشحن ع شرررطه
الموهيم دقيت ع زوجي واطمنت عليه وسلامتكم من العصر الين ماجا عندنا وانا اتصل عليه ويقولي
خلاص انا قرييب :09:
واللي محزني يامن ولمار الا يبغو يروحو البحر ويسبحو واحنا محبسوين في الشقه :angry2:
اخد مفتاح الشقه معاااه
ترى اذا بتساافرو اول شي :لاتخلي بعلك يرووح مكان ويااخد المفتااح معااه
وتااني شي الجوال عبيه رصيد وشحن بطااريه خخخخ عشان لايسير مثلي
هنا اوريكم صورة كان الجو ابدااع
شايفين البحر كاان شويه قرييب علينا
وهادا سور مركز الرايس
الموهيم حزرو متى جانا السااااااعه 8 ع اذان العشاء وانا خلاص قيد مليييييييييييييييييييت
ومررررررررة زعلت ع الوقت اللي راح علينا الموهيم وقالنا يلا وروحنا ع الكورنيش اتغدينا ااقصد اتعشينا
وجلسنا الين السااعه 12 في الليل تقريبا ورجعنا الشقه قلنا يلا نام ونصحى بدري عشان يودينا البحر
يعوضنا يعني
تاني اوووكشين ساار:::
زوجي فجأه صخت عليه يده الاعصاب ساارت تألمه يمكن من الصيد ترااااه ماشاء الله صيااد بس مو يعني يصيد هواامير خخخخخخخ
واللي زاد عليه اللام لان كان يوم الربوع في الرايس مع اولاد عمه رحله صيد وماشاء الله زوجي بينهم يعتبر فنان
يااربي والله شكله يقطع القلب وهو يتألم اول مرررة اشوفه كده وانا بعدين ساارت معدتي تعوووووورني
ورااااسي شويه وينفجرررر وبنتي لمار تبكي من بطنها تقول تعورهااا
راح جاب بندول وشربهم وبرضو مافيه فاايده
تاالت اوكشين :::
نومنا يمكن ماكملت ساعه الا صحى زوجي وفتح الانوار وهاتك ياطاخ وطيخ يموت في النااموس خخخخخ
ياااربي وانا ابغى انااااام ويوقلي انتي كيف نايمه كده والناموس والله يبنات الحمد الله ماقرص فيا كتير
لاكن زوجي وولدي وبنتي بددددع فيهم وبعدين قرصه يعور وكانه مكانه حبه محمممر
واستمر مسلسل الطااخ والطيخ في قتل الناموس تقولو خلص الا مادري من فين يطلع
حطيت راصي ونومت واللي صاحي أنين زوجي قطع قلبي وهو يتألم من يده صحى قال ابغى اروح المستوصف
وقلت له هاات المفتاح عندنا المهم اخدته وقفلت الباب ونوومت خخخخخ وهو ياعيني جاء وساعه يفتح الباب وكاان معصب مني لاني مافتحت الباب بسررعه
وفطر عشان يااخد الدواء واطل في الساعه الاقيها توهااااا 9 الصباااح اااااااااااه ليله اعوذ بالله ماهي راضيه تمضي
ونومنااا وصحينا 3 الضهر ولازم نفضي الشقه الموهيم عبينا اغرااضنا وروحنا اخدنا غدانا وروحناا عند البحر مكان السبااحه وسبحو
بس خسااارة جواااالي الزفت ماهناااني اصور كل شويه البطاريه ضعيفه مررررة انقهرت
وجلسنا الين 5 العصر وبعدين سمينا بالله ومسكنا الخط ورجعنا لبيتنا خخخخخخخخخخ الحمد الله
اعذرووني طولت عليكم
