تملك زوجي رايكم خواتي اجلس معها ولا اطلع لحالي //اكتفى من الردود

السلام عليكم ورحمة الله وبركاته

كيفكم اخواتي جزاكم الله الف خير على وقفتكم معي بدعاء لي ومواساتي والله انكم اخواتي التي لم تلدهم امي اللهم يامن جمعنا في هذا المنتدى اجمعني بهم في جنات النعيم
مرت يوووم الملكه وهي اصعب يوم مر علي بحيااااااااتي لاحد يسال وش كان شعوري
الاربعاء من العصر لين العشاء في المستشفى ثلاث ايام لا اكل ولا نوم واغمى علي قال الدكتوره جاها انهيار عصبي طلعت من المستشفى على طول لبيت اهلي دووووووووووووووامه حزن والم واحس اني حيل حيل مكسوره
الخميس طووووووووووول ويومي بس اصلي وادعي اللهم يامن جعلتى النار على ابراهيم سلما اجعل زوادجه على قلبي سلما اقراء سورة البقره وكل ايه اخلص منها ادعي يامملك في السماء لاتملكه والخيره ياربي فيما اخترت جلست على هالحال لين اذن العشااااااااااااااااء
هنا دق قلبي بكل مافيه وبردت لطرافي وحس يا الله اخذ نفس انسدحت ورفعت رجولي قلت اكيد ضغطي انخفض وكنت اسمع الاذان واكرر معه ودموعي تنزل خلص الاجهشت بالبذان رجعت لسجادتي وصليت وصليت وبا البكاء ودعيت ربي يثبتي ويصبر قلبي
خلصت صلاتي وجالست اقراء قران واقراء واقراء الين هداء نفسي
دق علي زوجي على الساعه 10 ودق ودق ولا رديت ابد لان لو رديت بنهار وبجلس ابكي
دق على امي وقال خليها تكلمني رفضت انا
جاء لبيت اهلي على الساعه 12 جلس مع امي وحب راسها وقال ماراح اقصر معها بشي جتني امي
قالت لي اسمعي ولد الناس ماقصر معس والحين الاخوا وهو الاخو ما يتحمل اخته روحي مع زوجك واقصري الشر لا هو الي ذبحك ولا هو الي راح للحرام جلست اتناقش انا وامي وقلت لها والله لو ابوي مسوي هالشي ماجلستي معه انتي بس على حياة ابوي قالك باخذ بنت خالتي تعبانه ويتيمه ومالها احد قومتي الدنيا وقعدتيها وجلست عند اهلك لين هون وانتي عيالك كبار ونا الي توني صغيره تبيني اصبر وانثبر وارجع له قالت البنت مالها الا بيت رجلها والحين مو مثل اول ماحد يتحمل احد خلاص هنا حزت حزت حزت بخاطري هالكلمه واسودت بوجهي وقلت لها الله يرحم ابوي ويغفر له وصدق ان عز البنت ابوها
نزلت وماتكلمت معه ولا كلمه وقالي عن كل تفاصيل الملكه ونا مابكيت ولا دمعه وقالي انه حددوا الزواج وقلت له بشرط لاتجيبها في بيتي
قال ظروفي ماتسمح ابد ببيت ثاني اصبري علي كم شهر وطلعها من عندك التفت على امي قلت انتي تبين موتي قهر جزاك الله بالجنه بابمه انا بروح لجل ارضيك وراضاك والجنه ولا انا ادري انه موتي يايمه حبيت راسها وطلعت من عندهم ونا خلاص اجر رجولي جر كني شلت هموم الدنيا كلها مكسوره حيل موجوعه رقيت واخذت اغراضنا وطلعت معه
جيت للبيت بس رن جواله وحسيت وجه ةتغير دريت انها هي بنااااااااااااااااااااات بموت بموت بموت هذا وهي ماجت بس دقت رحت للحمام وجلست ابكي وابكي وكل ماذكرت كلام امي انقهر اكثر
طلعت خلاص انفجرت فيه وحلفت يخبرني متى الزواج قال لين لقيت اول شي قاعه هنا وقف قلبي بعد بتحط زواج
قلت له ورثي جعل ربي مايحللك فيه ولا قرش ونا لي الله جعلي اطر عند المساجد بس ماجلس معك وقت الزواج قام يحلف لي ان مامعه الحين ولا ريال وانه بيرجعها لي بعد سنه قلت له انا مابي اكون في البيت وقت زواجك بموت حسره منه قال بكل برود خلاص دوري احد يسلفك وانا بقصدها له وخذي لك شقه مفروشه وماراح اخليك بمرك كل يوم حتى انا خايف على نفسيتك ااااااااااااااه حسبي الله وكفى حسبي الله وكفي
قام يقولي اني منيب رخيصه عنده سالته ومدري وشلون طلع السوال امانه هي حلوه قال والله العظيم انك تدسينها في خفس ولاهيب لمك ولانتيب لمها انت احلى بكثير

المهم بنات شوروا علي هل اوافقه الراي وتسلف وطلع بشقه موقتن لين استوعب الامر وارضى بالامر الواقع ولا اجلس ووكل امري لله وكلت امري اليه وفوضته شوروا علي مالي الا الله ثم انتم امني شان خاطري حيل عقب كلامها
والشي الثاني ابي انشغل عنه باي شي عطوني رايكم وش اسوي كل يوم ادعي ربي ادخل غيبوبه لين تعدي هالظروف كلها
انا عندي بنوته جبتها بعد وفاة كم طفل لي وسويت لي ربط وحاله ومن مستشفى لمستشفى والحين بسم الله على قلبها دخلت ثلاث سنين وش رايكم ابد مشوار جديد للعلاج وفاجئه لانه متزوج يبي عيال
تكفووووووووووووون عطوني رايكم محتاره وذبحني التفكير محبطه حيل حيل


دعواتكم لي ان الله ينصرني عليه ويرزقني من اوسع ابوابه اللهم ارزقني وافتح لي ابواب رزقك وغنني بفضلك عمن سواك اللهم ارزقني من حيث لااحتسب اللهم يامن بيده الخير كله يامن تقول كن فيكون يامن امره بين كاف ونون يامبدل من حال الى حال اللهم اجعلني من ذل زوجي للبيت الحلال وغننيه عنه وعزني بعزك الي لايضام

دعواتكم ابداء حياة جديده تغنيني عن زوجي واهلي بواسع رحمته