تمنيت اخذت رقمها ....

السلام عليكم ....
قبل اسبوعين كنا باستراحة اتفقوا اختي وصديقاتها بالدوام كل وحدة تجي هي واخواتها ...
وكان ضمن الحاضرات إنسانة راقية جدا جدا ....ماني من الناس اللي حريصة على التواصل
على ان دائرة علاقاتي واسعة بس اغلب علاقاتي تكونت صدفة بدون سعي
الحقيقة في الجلسة كان عددنا كثير شوي وكان عندي نية على الاخذ والعطا وبعدها افكر اطلبها وسيلة تواصل ..
لكن بسبب الزحمة وناس رايحة وناس جاية ونسبح وعشا ماقدرت اطلبها ولا كان وقت مناسب ....
ممكن تستغربوا وش فيني حريصة ...الحقيقة ماعمري مر علي إنسان حسيت بأريحية له وإنسجام مثل كذا
يعني ممكن فيها كل الصفات اللي اتمناها بصديق او شخص يكون بيننا معرفة واخذ وعطـا ...
تمنيت ماتفوتني حقيقة فرصة التعرف عليها لانه بالفعل أعجبت جدا فيها الله يوفقها ....
لو مكاني بتسعي للتواصل مع شخصية اعجبتك وارتحتي لها ...او تحسي خلاص ماله داعي تفكري تتواصلي معها والموضوع انتهى
مستصعبة اطلب رقمها بعد الجمعة احس عيب ،،،يفترض لو حابة اتواصل معها كان بنفس اللحظة حتى اعرف اذا لها رغبة بالتواصل او لا ....