تمنيت الأرض تنشق وتبلعني من الإحراج

اهلين بنات

ياكثثثثر المواقف اللي تصير لي احررررج ناس بحسن نيه وفي النهايييييه اتمنى تنشق الأرض وتبلعني بسبب لقافتي واسالتي اللي مالها داعي

الموقف الاول
في يوم رحت استراحه وعزييييييمه كبيرا بالصدفة شفت زميله في المدرسه صار لي 7 سنوات ماشفتها ومتغيره كثير وجسمها متغير سمنانه يعني اللي يشوفها يقول متنها بسبب حمل وولاده لإنها كانت رشيقه ماشاء الله ---المهم لمن شفتها وسلمنا على بعض قلت لها وانا اضحك كل هذا سوى فيك الحمل والعيال غيروو جسمك وين الرشاقه ياسبحان الله الا قالت لي لسه الله مارزقني ادعي لي قلت لها الله كريم


الموقف الثاني
لما بديت اداوم بالمعهد تعرفت على شلة بنات واحنا جالسين في الكافتيريا كل وحده تسولف عن نظامها الجديد مع عيالها والمعهد وشغل البيت المهم وانا اتكلم قلت ارجع البيت وابتدي اطبخ وعيالي طلبااتهم ماتخلص الا وحده منهم قاطعتني قالت لي حتنا مثللك اتعب (انا من لقافتي قطعتها وقلت لها كم عندك عيال؟ ---الا قالت لي ماني متزوجه والله وجههههههي صار ملوون وتمنيت الارض تنشق وتبلعني

الموقف الثالث
بيت اهل زوجي سوو عزيمه وجت وحده من اهل زوجي جلست معاي وتسولف وانا ارتحت لها وهي كذلك وجابت طاري ان عندها اخت توفت قبل 20 سنه وعيالها كانو توهم صغااار سألتها شسبب وفاتها هي غيرت الموضوع بس مانتبهت من غبائي ورجعت اسالها قالت لي ( اخوي كان عنده مسدس ينظفه اطلق عليها وهو مو منتبه والله يرحمها ) وانا دورووووني ماتحصلوني من الإحراج

من هالمواااقف صرت احاسب لكلامي وماسال اسئلة عشوائيه ابدا




يالله اكتبو مواقفكم مع تمنيت الأرض تنشق وتبلعني من الإحراج