السلام عليكم ورحمة الله وبركاته
اخباركم والله من زمان عن المنتدى اشتقت لكم المهم اليوم زاد الكيل عن حده ودي افضفض وماقدر اقول لاحد من العائله لاني احبه بس بدى يخف حبي له مالكم عن الطويله امنيتي اللي كنت اتمناها اني اتزوج واحد من الجماعه بس مايكون قرايبي وتحققت ولله الحمد واكثر شي كنت اتمناه وادعي ربي انها تتحقق اني اسكن في نفس القريه اللي عايشين فيها اهلي وتحققت ولله الحمد والشكر انا الوحيده من اخواتي اللي سكنت عند اهلي والله انهم يحسدوني حتى خواتي من ابوي فديتهم الله يقربهم كلهم ان شاء الله قولو امين لكن تحسفت وتمنيت انها ماصارت تدرون ليه صار لي سنتين ونص متزوجه والله ماجلس يتعشى معي غير يمكن 10 مرات تدرون ليه لازم يجتمع هو واخوانه وجماعته في خيمه مسوين حواليها جلسه اشبه بالاستراحه يتجمعون كل ليل فيها ويسمرون ويتعشون من بعد المغرب الى الساعه 12 وفي الاجازات الى الساعه 2 او 1وكل ماقلت اجلس عندي نتعشى سوا خلنا نطلع نروح مشوار سوا بروح الخيمه ولاقلت جب الاغراض اللي وصيتك قال بتاخر على الخيمه والله بتطلع روحي مليت ملل غير طبيعي والله احسها مثل الجاره تخيلوا عزمته مره يتعشى عندي يابلفيت ووافق عقب طلعة الروح ولمن دق اخوه قاله وينك منت جاي تتعشى قال لا معزوم عند واحد من اخوياي تخيلوا والله اني قلبت ذيك الليله عليه ليه مستحي من اخوك انك ببتعشى بالبيت اعوذ بالله والله صرت اكره اخوانه واهله واليوم طفح الكيل وصيته على اغراض ضروريه للبنات قال انا في الخيمه ولاني بجايبها الا بكره لاجيت من الدوام فدعيت عليه وعلى الخيمه قلت جعلها تحترق فعصب علي بغى يطلع علي مع السماعه فسكرت في وجهه اف ملل لاتقولون كل الرجال كذا لا والله هو بزوده صرت اكرهه هز ثقتي في نفسي عارفين ليه لاننا على هالحال من اليوم اللي جينا فيه من اسبوع العسل امحق عسل والله ماكذب سالته كذا مره فيني شي موعاجبك تكره الجلسه معي قل لي صارحني قال لا والله من يوم شفتك وانا منهبل عليك قلت الله اكبر من الهياط باين مره منهبل علي يعني والله اني احس اني ماقصرت عليه اول ماتزوجنا بس مو باين في عينه انا اقول يمكن عقده فيه مايحب يجلس في البيت وفعلا صار عقده بس مو فيه هو الحاله في اخوانه كلهم والله اخوه متزوج من شهرين وزوجته تشكي لي تقول مايجلس معي قلت الحال من بعضه مو انتي الحالك شوفو لي حل لان صار عندي حاله اكتئاب ماعاد اهتم ولا احس بشي ابد واسفه على الاطاله بس هم وانزاح وشكرا.
أم هيونه الحلوه @am_hyonh_alhloh
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
هذه قاعدة رئيسية ..
ولوك بعيدة انتي وايا كان تفرغتوا لبعض اكثر!!
الله يعينك,,مشكلتك مالها حل.
صعب انه يخليهم ويقعد عندك اصلا بيقعدون يعيرونه انتي قدري موقفه..