السلام عليكم ورحمة الله وبركاته
تمنيت ومازلت أتمنى احد يضرب الباب شاركوني في احد مثلي
بقول لكم قصتي انا فتاه ابلغ من العمر 23 في نهاية 23 يعني
قربت ادخل الـ24 طالبه جامعيه
تمنيت لو مره بس احد يضرب الباب ويخطبني صرت احس بالنقص اغلب البنات اللي معي اللي مخطوبه واللي متزوجه توها واللي عندها عيال وانا لا معقوووله ومعقوله ولا مره احد جا يخطبني
دايم افكر انا شنو ناقصني عن غيري الحمد لله انا حلوه ومو ناقصني أي شيء علم واخلاق ودين
بس صحيح مااطلع كثير والناس ماتشوفني كثير لاني مااحب استعرض مثل البنات اللي لما يروحون مكان مايظل قطعه فيها مايكتشفون منهو فيها
البنات اللي معي بالجامعه يقولون لي كلام يجرح كثير واسكت
واكتم العبره داخلي مااحب احد يعرف بهمي وقهري ليه انا كذا
وتعرفون انتوو اذا البنت مانخطبت تحس بالنقص وبالاخص انا اهلها وربعها الكل تزوج واهي لا
كلام البنات يقهر كثير انتي ماعندك عيال انتي مو متزوجه بس بصيغه تستفز الوحده تخليك تصيحي بدون ماتحسي
سمعت كلام كثير يجرح واللي يقول اللي في عمرك تزوج واللي يقول اللي في عمرك تزوج وعنده عيال واللي يجلس ويجرح ويقول كلام يقهر كثثثثثثثثثثثثثير
واللي قاهرني بعض البنات يقولون اكيد تغار منا انا حنا متزوجين واهي لا مافي احد حتى خطبها
كل البنات يفكرون اذا خلصو دراسه بعيالهم بزوجهم بحياتهم انا مافي شيء افكر فيه احس كاني ناقصه
مرات لما اجي انامـ اجلس اصيح وافكر انا شنو نهايتي بخلص دراستي وبجلس كذا ودي ااحس انا معي شخص يسألني اذا فرحت واذا حزنت يواسيني ويحافظ علي من غدر الايام يحسسني اني انا حبه وحياته
ومرات اقول في نفسي اسمع البنات كل وحده يجي لها خطاب انا مااتشرط اهم شيء شخص يخاف الله فيني
كلي امل وانا متفائله بالله كثير انا مايجي شهر شعبان إلا وانا مخطوبه وبرجل يخاف ربه وفيه كل الصفات اللي احلم فيها واحسن بعد وعندي ثقه كبيره بالله انا رح يعوض صبري خير
وخير كثير والله قال وبشر الصابرين
ورح يجي اليوم اللي اكتب لكم انا حلم العمر تحقق باركولي
ياااااااااااااااااارب الله يرزقني على قد نيتي ويرزق جميع البنات
قولوا آآآآآآآآآآآآآآمين
ورح اقول لكم شعوري وانا مخطوبه وكيف انا فرحانه وكيف الحياه ابتسمت لي
بس اللي مضايقني بنات في احد مثلي ولا مره احد خطبها
ولا حتى بس نظره انا احد يبقى يشوفها انا قلقه من هذي الناحيه
يعني بس انا كذا ولا في احد غيري صار لها كذا ..
ياليت يابنات تشاركوني وتفتحون قلوبكم معي وتدعون لي ولكم
انا اللي يرزقني ويرزقكم بالزوج الصالح يااااااااااااااااااااااااااااااااارب ويرزق كل بنت مقهوره وصابره مثلي على الكلام اللي من كل النواحي جالسه اسمعه وساكته لكن اجري على الله واملي بالله كبيـر
وفي دعاء كثير كانو يقرأونه والله فرج عليهم وتزوجو وانخطبو ولقيته في احد المنتديات فما حبيت ابخل عليكم لان اتمنى لكم الخير مثل مااتمناه لي :
وهذا الدعاء:
اللهم إني أسألك رجلا زوجا صالحا دينا هينا قيما غنيا غنيا غنيا
جميلا جميلا جميلا في دينه وخلقه وأخلاقه
وألف بين قلوبنا فاجعله يحبني كما أحب رسول الله صلى الله عليه وسلم أهل بيته
واجعلني أحبه كما أحب أهل بيت الرسول رسولهم صلى الله عليه وسلم
اللهم لاتذرني وحيدا وأنت خير الوارثين
واللهم صلي على محمد وعلى آله وصحبه وسلم اجمعين
لو رددناه يوميا ماراح نخسر شيء بضع ثواني بس
وبإذن الله الله رح يستجيب دعائنا
ويااارب يحقق امنيتي وامنية كل بنت تدخل صفحتي وتقرا موضوعي
حلمـ العمر @hlm_alaamr_3
عضوة نشيطة
يلزم عليك تسجيل الدخول أولًا لكتابة تعليق.
الله يرزقني ويرزقك بالزوج الصالح التقي النقي مخموم القلب
وبإذن الواحد الأحد يكون زواجنا في عيد الفطر
وجميع بنات المسلمين أجمعين
وبإذن الواحد الأحد يكون زواجنا في عيد الفطر
وجميع بنات المسلمين أجمعين
حبيبتي يقولون البخت في اول واحد يعني كثر الخطاب مايدل على شي اهم شي يوم ايي واحد يكون مناسب وفيه الصفات الي تتمنينه وانا بعد واثقه انج مابطولين وبتعرسين قريب يارب
بس شوفي هو الاستعراض مثل البنات هل ايام مب حلو
بس بعد حلو الوحده تكشخ في المناسبات وتعلمي تحطين ميك اب حافظي على بشرتج وكل شي صدقيني الجمال والاخلاق مهم
ادعيلي وياج يارب يرزقنا يالازواج الصالحين عاجل غير آجل
بس شوفي هو الاستعراض مثل البنات هل ايام مب حلو
بس بعد حلو الوحده تكشخ في المناسبات وتعلمي تحطين ميك اب حافظي على بشرتج وكل شي صدقيني الجمال والاخلاق مهم
ادعيلي وياج يارب يرزقنا يالازواج الصالحين عاجل غير آجل
اولا اختي حلم العمر اللي صاير لك مو نهاية العالم و ابشرك اختك في الله لها نفس مشكلتك بس التحلي بالصبر و الثقة بملك الملوك هي الصح
صحيح نتعرض لكلام مستفز و اللي تقول لك انت ليش ما انخطبتي و كانه الشغلة بيدنا اقول يا اختي الله هو الرازق و هو ما كتب للحين بس ابشرك ان شاء الله بيرزق قريب
اما عن مضايقاتهم فلا تديرين لها بال تدرين لما كانوا زميلات الدراسة يقولون لي نفس السؤال كنت
ابتسم
ابتسم اي و الله لانها احسن اجابة بعد الاجابة الاولئ
خلك من الامور الصغيرة و تذكري بانه الزواج رزق من الله و اللي رزقهم قادر يرزقك بس الرحمن
كاتب لكل واحد رزق وين ومتئ يجيه
عشان كذا احسن شي تسوينه هو انك لا تفكرين بالامور الصغيرة هاذي و تذكري بان الله سبحانه الرزاق راح يرزقك ان شاء الله بالخيرة
و عشان تفرحين اكثر ثقي بالله و صلي و ادعي و احسني الظن ""عجبني فيك حسن الظن"" و سلي الرحمن الرزق الحسن و العفو و العافية
و باذن الله ما راح تخيبين و كمان تذكري ما ضاقت الا فرجت
و كثرة الخطاب يا اختي مو مقياس المهم يجي انسان متدين و خلوق يخاف الله احسن من ان يجيك اكثر من واحد ما له علاقة بالدين او فيهم مواصفات مو زينة فالخيرة دايما فيما اختاره الرحمن
صحيح نتعرض لكلام مستفز و اللي تقول لك انت ليش ما انخطبتي و كانه الشغلة بيدنا اقول يا اختي الله هو الرازق و هو ما كتب للحين بس ابشرك ان شاء الله بيرزق قريب
اما عن مضايقاتهم فلا تديرين لها بال تدرين لما كانوا زميلات الدراسة يقولون لي نفس السؤال كنت
ابتسم
ابتسم اي و الله لانها احسن اجابة بعد الاجابة الاولئ
خلك من الامور الصغيرة و تذكري بانه الزواج رزق من الله و اللي رزقهم قادر يرزقك بس الرحمن
كاتب لكل واحد رزق وين ومتئ يجيه
عشان كذا احسن شي تسوينه هو انك لا تفكرين بالامور الصغيرة هاذي و تذكري بان الله سبحانه الرزاق راح يرزقك ان شاء الله بالخيرة
و عشان تفرحين اكثر ثقي بالله و صلي و ادعي و احسني الظن ""عجبني فيك حسن الظن"" و سلي الرحمن الرزق الحسن و العفو و العافية
و باذن الله ما راح تخيبين و كمان تذكري ما ضاقت الا فرجت
و كثرة الخطاب يا اختي مو مقياس المهم يجي انسان متدين و خلوق يخاف الله احسن من ان يجيك اكثر من واحد ما له علاقة بالدين او فيهم مواصفات مو زينة فالخيرة دايما فيما اختاره الرحمن
الصفحة الأخيرة
ماشاءالله رغم انك متتضاايقه ماشاءالله كلامك يجيب العافيه لانك متتفائلة
أما ان في احد زيك ماحد دق بابهم فكثيررررر ياقلبي
اولهم آنا واخوووواتي ماشاءالله علم واخلاق وادب الحمدالله بس ولاعمر احد دق الباب ومع كذا نقووول النصيب بعد
ماجااااا للحين ان الله كتب بيجي وماعلينا في احد
وان شاءالله مايجي شعبااااااااااان الاوانتي واحناا مملكين يارب ويرزق بنااااات المسلمين