تميتي عشرين يوم من الولاده حياك

السلام عليكم ورحمة الله وبركاته
كيفك ياحوامل وياوالدات :)
طبعا من العنوان عارفين عن ايش باتكلم
يعني كل وحده تقول ايش تسوي في نفسها لانه باقيلها عشرين يوم وبتصير محل اهتمام الجميع وبالذات ابو الشباب :arb:
اولا : الاعشاب اخذتيها في العشرين يوم الاولى واش هي اعشابك ؟؟؟؟؟؟؟
انا عن نفسي الحمد لله اخذت الاعشاب كامله :o
واعشابي جايبتها من حرمه معروفه عندنا والحمد لله احس نفسي زينه
وطبعا مانسيت التمر المعبوط بالرشاد واخذ ملعقه عسل في الصبح وملعقه قبل ماانام

ثانيا : الوضوء او الغسول ؟؟؟
انا في الاسبوع الاول بس الماء الدافي مع الملح وبس طاحت الخيوط " طبعا بعد مارحت للدكتوره وسالتها قالت خلاص سوي اللي تبينه ( متعقده لاني في ولادتي السابقه توضيت بالمر بعد يومين من الولاده وعينكم ماتشوف الاالنور شد الخيوط بشكل غير طبيعي صرت اصيح من الالم وبعدها حلفت مااستخدم شي الا بعد الخيوط ماتطيح لاني لو استمريت اتوقع انها تسببلي التهابات عاد ماني ناقصه خيوط وشاده وكمان ملتهبه الله يعين بس ) :icon33:
صرت استخدم الغسول اللي جبته من الحرمه اول ثلاث ايام كنت اجلس عليها بعدين صرت استخدمها غسول فقط مرتين في اليوم بس
ولاني اخاف مره بعد ماغسل بالاعشاب اذارحت دورة المياه (الله يعزكم) بعدها اغسل بالماء الدافي والملح زيادة حرص


ثالثا : ربط البطن
انا ربطت بعد اسبوع بقماش قطن لمدة اسبوع واللحين لي كم يوم اربط بالمشد الاندنوسي
وناويه ان شاء الله اشتري جهاز اتمرن عليه شفته في كارفور قبل الولاده وعجبني احسه يحرك كل عضلات الجسم


رابعا :العنايه بالجسم والشعر
انا ناويه ان شاء الله من بكره استخدم بعض الخلطات اللي اخذتها من المنتدى ( اذا تبونها من عيوني اكتبها لكم )
وقبل الاربعين بليله ان شاء الله بروح اقص واصبغ بس ماادري كيف اقص وايش اللون بس اذا رحت الصالون اشوف وايش اسوي بعمري

وطبعا ناويه اسوي للحلو ليله ماينساها بس للحين مافكرت كيف بتكون اذا عندكم افكار لاتبخلون علينا

وبسسسسسسسسسسسسسس هذا اللي انا بسويه يالله كل وحده تدخل وتكتبلنا ويش بتسوي او ايش سوت بعمرها





نسيت اسالكم كيف صغاركم انا الحمد لله بنتي من يوم جت وهي بسم الله عليها هاديه ونوامه حتى اخوانها كانو يقولون مانبغاها هي بس نايمه


لكن اللحين ماادري ويش جاها نومها صاير متقطع كل شوي وهي صاحيه :tongue3:
كانها عارفه اني ناويه اهتم بنفسي شوي وبالتفت لابو الشباب S_45: :S_45: :S_45 :hahahaa: