صراحة ماأنصحك تحطين هدف أصلاااااااااا
لانه لو ماخطبك ولقى غيرك بتجيك صدمة انتي في غنى عنها,,,لاتحطين نفسك في موقف صعععععععععععب^^^^^^^^نصيحة مجرب!!!

صحح على الي قالت خليك متميلحه على طول

لان ميب زينه تتميلحين مع ناس و ناس ماتعطينهم وجه،،ترى يباان عالبنت

انا اقول يا حلوه...،اهم شي الشكل عند كثير من الحريم..
طولي الشعر..،وكحلي العيون...،الشعر سشوريه دايم وتعلمي كيف تسشورينه علشان بعدين لين تزوجتي....،،وش بعد....،يعني خلك على سنقة عشره ترى صحيح كلام مرت اخوك انا لو اشوف وحده كانها عجوز بشعرها و لبسها ما افكر اخطبها لاخوي او ولدي،..الا اذا تعرفت عليها زييين وتاكدت انها طييبه و اخلاااق

بعد ذلك يجي االسنع لكن السنع المقنن هههههههههههههههههههه لووول
يعني لاتجيبين الجهده ولاتصيرين طرما و كسوله لأ بالمعقول
اما تصنع الحياء مب زين خليك على طبيعتك اضحكي امزحي لكن بدون ميانه زايده ترى كثييير الي يدورون المرحه وصاحبه اللسان الحلو تجذب مهما كان

هذي اساسسيات لكل بنت مهب ضروري للي تبي تتزوج بالعكس حلو كلنااا نصير مثل كذا

مريت بموقف صعب نوعا ما يوم كنت ب اولى كلية كنت صراحة اتمنى ان ولد خالتي يتزوجني
وماشاء الله عليهم ناس عيالهم كلهم متعلمين ب جامعات برا وماشاء الله يصلون واخلاقهم عالية
وخالتي كانت بفترة ادور لولدها علي عروسة ايامها كانت امي عايشة الله يرحمها وخالتي تسكن هي وعيالها برا المملكة وماتنزل لسعودية الا اوقات الاجازات تخذ عمرة وتزور اقاربها وتحضر زوجاتهم وترد قالوا جاية هالمرة تدزر لولدها عروسة وانا صراحة من زمان وانا اقول يارب يتزوجني
ومرة من المرات اتصلت علي امي قالت بنزوركم واول مرة تزورنا بيتنا لان بالعادة تجتمع بيت العائلة
الي هو بيت جدي الكبير
هاد انا يقال اني فطينة قلت اكيد جاية تخطبني وتأكدة بعد متصلت علي بنت خالي وخبرتني ان خالتي جايا مخصوص علشاني وبتخطبني
وكان وقتها امتحانات نهائية
وامتزج شعور الخوف من الامتحان مع شعور اني بتزوج الي طالما تمنيته يكون زوجي وكان يوم الثلاثاء ما انساه هاليوم وكان الغداء عندنا لانها جاية قمت لبست لبس عادي ولا ميك اب ولا شي عادي بس من داخلي صراحة فرحانه وكنت استني علي الشباك علشان اشوف العريس
وصلت خالتي وولدها وانا اشوفه اقول معقول هذا بيصير زوجي كشخة ورزة
وانزل اسلم عليها واستئذنها لان وراي امتحان وصراحة مقدرت اركز بس افكر مو مصدقة ان هذا زوجي واحاول اخفي مشاعري عن امي صدق مشاعر الفرح للحين بداخلي لانها كانت من قلب
وياربي متي تروح خالتي بس ابغي اشوف الاخبار
مع اذان العصر راحت وانا علي الشباك اشوفه يكلم مع امي ومعاهم خالتي
وطلعوا وامي راحت لم ابوي بالديوانية ونزلت اطامر من الفرح وامسك نفسي علشان ميبين علي
ورحت للمجلس تبع الحريم لقيت ورقة فتحتها لقيت بطاقة زواجة علي بنت فلان ذيك البنت الملكة جمال
والله حزنت اكذب واقول بكيت طلعت بسرعة لغرفتي قفلت علي نفسي وكل مطقو الباب علي اقول مخلصت مذاكرة ومعروف عني ايام الامتحان ابكي لو المادة صعبة واطلع اتعشي وجلست ابكي وابكي قالت امي يبنتي هونيها وتهون الي كاتبة الله بيصير وان شاء الله بتحلين زين
بس حسيت اني احرجت نفسي حزت علي نفسي
وجلست اقول لية شنو فيني ومافيني لقيت فرق كبير انا فلانة الي جمالي علي قدي وهذيك بنت فلان الي سيرتها بكل مكان من جمالها شنويبون فيني وحدة عادية
جلست فترة طويلة حزينة بس حمد لله طلع كل شي عادي بس صراحة مكسورة الخاطر
وانا اتئمل بالله خير لان يمكن الله عز وجل مخبيلي الخير قدام

أويلاه الله يسعدك اول مرة اضحك كذا
يابنت انتي تستهبلين او جد تتكلمين شوفي لا تزعلين مني انا عمرها ماكانت ردودي كذا
بس صراحة انتي تحفه

دمتي بأفضل حال

والله أنا اشوف الموضوع طال زيادة عن اللازم وبحاول ألخص لك أشياء فهمتها من كلامك :

أولا باين عليك ماعندك ثقه بنفسك مع ان المفروض الوحده تطالع للي أقل منها وتحمد الله

ثانيا ياحبيبتي مدام ان أم الهدف محدد معناها المهمة سهله جدا كل اللي تحتاجينه ملاحظه دقيقه

لكلامها وسواليفا عن الناس يعني وش تحب وش تكره وش يلفت انتباهها وأهم من هذا كله وش
الألوان اللي تحبها لأن غالبية الحريم خصوصا الأميات على قولتك يحبون اللون الأحمرررررررر:7_18_2:

واذا كانت متعلمه بتحب القصات ومتابعة الموضه واذاتاجره بتحب اللي تفكيرها عملي ولبسها غالي

باختصار أي أم تطالع المظهر أولا و باختصااااار أكثر( كوني) طويله ونحيفه وشعرك ناعم (وأهم شي الغرة سايحه على الوجه):28:
دليل النعومه وبيضاء ولبيسه و ساكته رااااااح نبارك لك قريب غير كذا يفتح الله :07:

نسيت اقولك اني متزوجه وهذي خلاصة تجاربي الناجحه هاه وش رايك مااظنك بتحتاجين زود!!!!