ليكن كلامك وتعليقك مميزاً وراقياً مثلك 🌷

السلام عليكم ورحمة الله وبركاته

أنا ما اعرف شو سالفتج لكن دام وصلتم للطلاق خلاص صفحة وانطوت وشو تبين بالافكار والمحاتاه يرد لج او لا لو كان فيه خير ما وصلتم للطلاق أطلعي من دائرة الافكار فيه أطلعي عسب تبدين حياتج الجميلة بشكل أجمل .. وبتشوفين كيف بتقولين لو تتطلقت من زمان كان أفضل
أعرف الطلاق صعب ومهما كان الرجال قاسي ولا يحتمل لكن الانثى ماتتحمل الفراق والطلاق .. بالعكس الطلاق بداية جديده تشوفين نفسج وتنمي شخصيتج وتتثقفين وتدخلين النادي وتكملي دراستج
والله البناء النفسي والبدني أجمل بكثير من الحياه الي كلها مشاكل وحساسيات ..وأنتي لازم تشوفين الموضوع بشكل ايجابي لج أنتي
إذا حن قلبج له تذكري منه اي شي انتي حاولتي معاه انه يتغير ولا تغير عسب مع الايام تطلعين من جو الافكار هذي ولا تدعين يرد لج ولا شي أدعي ربي يسهل امورج للخير ولراحة بالج وسعادتج ويصرف عنج شتات التفكير ..ويرزقج الخير


وسلامتكم جميعا

اسال الله لك الخيره في امرك كله والله يصبر قلبك ويرضيك

الله يسعد كل من ردت
ويجزاكم الف خير
وكل من دعت لي بظهر الغيب اللهم اسعدها ووفقها
الحمدلله بديت استوعب ان طلاقي خيره
وبديت اتذكر سلبياته
الحمدلله رب العالمين اللهم انزع حبه من قلبي وذاكرتي يارب العالمين للأبد .


والله اني كثيره عليه مدري كيف تأثرت منه
صبرت وصبرت وصبرت وجات منه
واهله مستكثرين عليا انه يلبي لي رغباتي رغغم صبري على ولدهم
وهم عارفينه وخابرينه زين مو صاحي وهم نفسهم ما يتحملونه
بس حسد لي اعوذ بالله منهم اذا شافوه صار طيب معايا قلبوه
واذا شافوه ضدي وقفو معاه وزادوه
الله ينصرني عليه وعليهم ويرد لي بناتي الحبيبات وهو خل اهله ينفعونه وخل الي حرضوه يتحملونه 😊
الله يغنينا انا وبناتي عنه وعن العالمين ♥️
يارب ادم عليا نعمة الراحه والاستقرار ولا تجعل للشيطان واعوانه مدخل ليحزنني .