تم تنزيل طرق الاكلات لعيونكم
العريكة
طحين اسمر ومويه فقط اعجنهم قبل ابدا الشغل بنصف ساعة ويكون ثقلها اثقل من قوام الكيك واتركها
وبعدين اصبها في صينية وادخلها الفرن وعلى نار واااااطية من تحت الين تنجح وبعد مرور نصف ساعة اشغل من فوق
الين تتحمر شوي
واطلعها واكبها في صحن وسيع
والبس في يديني اكياس لحم عشان اقدر اعجنها وانضف لكن قبل ما تبداين في عجنها حطي عليها كم حبة تمرة وملعقة عسل واعجنيعا تعطي طعم خياااال ورصيها زين في الحافظة ورصي فوقها كم حبة تمرة والسمن والعسل
وبالعافية
اتمنى انكو فهمتو الوصف
المبثوث
تحطين ع النار في القدر مويه وحليب نيدو بشرط انك تكثريييين الحليب يعني لو بتحطين 6 اكواب مويه حطي 3 اكواب حليب لان الحليب يعطي طعم حلو
وتبداين في تحريك الحليب والمويه الين تذوب وترخين النار
تروحين بعدين وتاخذين طحين اسمر في صحن ويح وتبثينه يعني تفردين الطحين وتحطين على يدك اليمين مويه في كاسه خلاص وترشن بيدك اليمين مويه ع الطحين وبيدك اليسار تفتتين الطحين باصابعك فهمتو عليتحاولين يصير الطحين على شكل دوائر صغيرةمبعثرة غير متماسكة
الين تخلصين وتحسين ان الطحين سار جاهز ومبثث
وبعدين تشوفين الحليب اذا بدا يغلي تاخذين المسواط او الخشبة في يدك اليمين والطحين تحطينه بالتدريج بيدك اليسار الي تخلصين طبعا تحطين الطحين وتحركينه بالمسواط الين تخلصين وبعدين تحطين الملح حسب الرغبة وترخين النار وخليه ينجح على نار هادئة لمدة ساعة وبين كل فترة واخرى تحركين وقبل ما تحضرينه ثصبين عليه شوية لبن تقريبا فنجال شاهي وتحركينه وتصبينه في الحافظة وتزينينه بتمر والسمن ما احب احط عليه عسل
وسلامتكم
وبعدين تفاهمي مع القدر حقه ههههه
حلا الشامواه
ترصين كيك العايلة بالشوكولاه وبعدين تحطين في الخلاط قشطة وبسكوت شاي وشوي نسكافيه وشوي سكر و3 ملاعق حليب نيدو وتصلحين كريم كراميل وكمان تصبينه معاها في الخلاط
وتخلطينه في الخلاط وتصبينه ع الكيك
وفي الثلاجة
وبعد ما يجمد تخلطين كريم شانتيه وقشطة وتحطينه فوقها وتزينيها بالي تحبين
والباقي جدا عادي
الي هي المكرونة كانت طبقات اللحم المعصج والمكرونة المسلوقة
والبتزا عجينة عادية جدا وفوقها لحم مكشن وجبن كرافت
وصينية الشاورما كمان عادية صدور دجاج مكشنة بدون طماط وبطاط مكعبات مقلي وخيار مخلل مكعبات
وفوقها جبن سايل مع قشطة ويرش ع الوجه السماق
اتمنى اني افدتكم وفهمتو علي
وترى هالاسبوع ماراح افتح النت باسافر
الله يرعاكم:39:
12
1K
يلزم عليك تسجيل الدخول أولًا لكتابة تعليق.
Um 5aloOofy
•
يعطيييج العافييه حبيبتي ..
احاول اجربهااا ان شاء الله مشكوره على الوصفاتاحاول اجربهااا ان شاء الله مشكوره على الوصفات
مشكووووره ياالغلا
الصفحة الأخيرة