صراحة ماقدرت اكمل الردود لانها ترفع الضغط تتكلمون عن المولودة كانها قطعة اثاث او لعبة تفكر تحتفظ فيها او تتخلص منها.  قلب امه وانين السحر وغيرهم تذكروا انكم محاسبات عن كلامكم وذنب البنت الضعيفه يمكن يكون برقبتكم طول العمر وكلامكم جا على هوا صاحبة الموضوع. عندي كلام كثير بختصره قد مااقدر انتي قبل ماتحذفين بنتك وتعيش يتيمة وامها موجودة. فكري ليه الله عز وجل ترك الحضانه للام. سبع سنوات لان الطفل احوج مايكون لامه بهالفترة. واذا خايفه بنتك تعرقل زواجك ياما مطلقات معهم اربع وثلاث وتزوجوا وكملوا حياتهم واذا قلب امه عندها قصص لامهات ضحوا باعمارهم ومالقوا شي وجالسه تحرضك ترمين بنتك. بدعوى قوي قلبك من الاحاسيس هذي قمة الانانيه فكرتي بنفسك ومافكرتي بطفله رضيعه من يرضعها وينومها ويحن عليها اكيد عيالها بحضنها والدليل من الاسم ولاحست وش معنى طفل يعيش بدون ام اقولك اذا عندها قصة انا بعد عندي قصة بنت عمي نفس حكايتك زوجها طلع صاحب مشاكل واول ماولدت رمى ابوها الولد على جدته وابوه عشان البنت تتزوج ولايوقف نصيبها طبعا انهارت وبكت وتعبت بالنهايه رضخت مو مثلك بترمينها بكيفك والى الان ماتزوجت ولاانخطبت صار لها عشر سنوات والطفل محرومة منه يمكن ذنبهم في الطفل المسكين وحوبته. 

تخليت عن اولادي غصب عني والله يا منظر فيهم يقطع القلب
وفيه من عيال عمهم يبون يتحرشون فيهم بس علمتهم وفضحوهم وفضحناهم اجل كيف بنتك
من يحمي شرفها من يغطيها من ياكلها من اللي بتخدمه من صغرها
وهي اللي تتحمل تبعات الطلاق
وتمسكت بالبنات حاولوا من هنا وهنا ورفضت
الحضانة لك واذا تزوجتي تصير لامك هذا النظام الجديد مو سبع ولا عشر

اذا تزوجت بكيفها تروح لابوها

واذا طول لسانه سجلوا عليه فيديو واتصلو على الشرطة تلعن خيره وارفعوا عليه قضية

والنفقة غصب ينفق عليها والا شهدي شهود عليه انه يتهجم ويتوعد يحرمك منها
وخذي عليها صك ولاية ما يقدر يطالب فيها

النظام تغير يا حبيبتي

والزواج لو جاء نصيبك بتتزوجين


ارحمي هالضعيفة

تضحين فيها عشان اهلك ولو فيهم خير وقفوا معاك وسالو عن زوجك قبل زواجك وتخيرو لنطفهم
مو يوم وقع الفاس ف الراس طلبوك تتخلين عنها عشان زواج مستقبلي او علشان اخوك البالغ الوحيد بابنتك الوحيدة
والزواج ما تدرين هو خير والا شر لك


بيربي بنتك على الشر والخبث ويمكن تكبر ويقولها ماتت امك
واهلك اذا كانوا تخلو من البداية فلا تنتظرين منهم زيارتها او شوفتها ما قدرو عليه وهي معك بيقدرون عليه وهي بعيدة عنك


بنتك لا تفرطين فيها واللي يبغاك يقبلك بنتك

دامك موظفة وقادرة تنفقين عليها فلا تتركينها

اذا تعلقتي فيها ربي قادر على ان يربط على قلبك مثل ما ربط الله على قلب ام موسى
وردها الله لها

على الاقل سويتي اللي عليك واذا راحت لابوها لا تمنعينها
بس عارفة اللي لها واللي عليها
ومصيرة ترجع لك شئت ام أبيت


اصلا اول ما يدرون الناس وش بيقلون الا همك نفسك وميتة على الرجال
باعت بنتها علشان شهوة
قلبها على العرس

ربي وتهني فيها وتمتعي وخلي بكرة على الله
ما تدرين يمكن يموت بحادث ينشل يتزوج يعقل يتنازل عنها


لكن تطاوله يبغاله الشرطة وبس بيتأدب حتى شوفتها ف الحقوق المدنية دقايق وينقلع مو شرط يشوفها ف البيت ومن حقكم تطلبون وقدام الامن بعد ما يقدر يسوي شي

قدمي شكوى وطالبي بحضانتها وخوذو تعهد عليه عند الشرطه انه مايتعرض لاهلك الى متى هالضعف الامتى المحكمه وشوله حاطتها الدوله حاطتها صوره حاطتها عشان ناخذ حقوقنا فيها

شوفي بقولك كلام احلاهما مر
ان خذا البنت منك اول،شي،بيحرمك منها وبيعلمها عليك وبيكرهها فيك واذا تزوج بسجل البنت باسم زوجته وساعتها انت انتهيتي من حياة هذي الاسره
وممكن تتزوجي وتعيشي حياه افضل بس تكوني خسرتي بنتك😔
الشي الثاني اذا انت ربيتيها وكانت بحضانتك وكبرت عيدك
غير بنتك حياتك واكيد هو بياخذها ساعات بس مردها لك ومافي زوجه اب تقبل بنت بس معين وتربيها
بس اذا سلمتيهم البنت الحين سهل تربيها وتكبر البنت وتفتكر ان هذي امها
وطليقك الله يكفيك سره ربي يتولاه ويحاسبه
خلي امك تستخير عنك او استخيري انت والله يقومك بالسلامه

الله اكبر عليكم اش اللي عطيه قبل تتعلقين فيها:08:

حسستوني تتكلمون عن لعبه....جربتو الامومه انتم؟

بلاش انانيه فكرتوا بالعريس المستقبلي ولا فكرتو بالبنت المسكينه ..ترميها على ناس يكرهون امها :mad:

من حق البنت تعيش مع امها سنواتها الاولى لان مافي اي احد بالدنيا يقدر يعطيها اللي انتي تعطيها :mad::mad:


اتركي التفكير بالعريس حاليا ....مابينفعك الرجال ترى