تنافس الاحياء في الرياض

السلام عليكم ورحمة الله
عندي موضوع شاغلني من فتره وحبيت اتكلم فيه لعل وعسى ان تتغير نظرة بعض الناس في الحكم
بعض الاحياء بالرياض خصوصا
قريت باحد مواضيع عقار ستي عن وحده اشترت بيت وكان عاجبها الحي لكن بعد فتره غيرو جزء من الحي وضموه للحي اللي جنبه وكتبت شكوى انها شاريه الفله على اساس الحي المكتوب في العقد
مع انه ماتغير لا جيران ولا ارض ولا شي الا لوحه مطقوقه في الجدار
وكانت مقهوره لان بيتها راح ينزل سعره لو تبيعه بسبب تغيير اسم الحي و غير كذا نظرة الناس انهم شارين بالحي الفلاني اللي مش ولا بد سببت لها عقده
طبعا انا حسيت باحساس هذي الحرمه لما اشترو اهلي بيت في حي جديد وسعره مناسب لهم لكن سمعته عن الناس مش ولا بد
شفت الجيران ونعم الجيران ولا حصل الحمد لله اي مشاكل بالعكس ناس محترمين جدا
بس مشهور عند الناس ان سكان هذا الحي اغلبهم همج وناس بيئة مع اني ماشفت احد قريب لبيت اهلي من هالنوع
لكن كل من سالني وين الحي وقلت له يحاول انه ينتقص من الحي واللي يقول مالقيتو غيره واللي يكشر واللي يقول الله يعينهم يعني لازم اقولهم مامعنا فلوس تكفي عشان يقتنعون

يعني انا ابي افهم ليش بعض الناس الا يجبر نفسه الا يسكن حي راقي وهو ماعنده ومتخوف من بعض الاحيا مع ان الاحيا الراقيه لاتخلو من السرقات والمشاكل
وليش بعض الناس تحاول تنقص من الحي وهي مو دافعه شي معروفه الاحياء الزينه بتكون غاليه كل واحد واستطاعته وبالمعقول حتى
بعض الاحياء طلع المتر فيها 3000 والله لو انها بمكه ..
تفكير الناس تغير وزادت العنصريه بشكل واضح حتى بالاحياء الجديده وصارت الدعوه تنافسيه
الحمد لله على العافيه والله يكفينا شر العقوبه بس