تناقشت مع زوجي بموضوع التعدد وزعل

بنات انا كتبت لكم مشكله صديقتي قبل فتره اللي زوجها كان يبي يتزوج وهي كشفته وصارت مشاكل بينهم
المهم اني من الغباء اللي فيني قلت افتح الموضوع مع زوجي واشوف ويش يفكر ويش يقول
المهم اني فتحت معه الموضوع وقلت مشكله صديقتي انها مي مقصره وزوجها يبي يتزوج قام قال حقه اهم شيء يعدل
وانا انصدمت من كلامه واسلوبه ويشوف انه حق من حق الرجل والمره مالها دخل ابدا الا في حاله انه ماعدل انا صرت مثل ذا الفيس😳😳
قلت يعني ممكن تسويها قال ممكن قلت ايش قصرت معك قال مشكلتكم يالحريم ماتفكرون الا بقلوبكم هذا شرع الله وحق للرجل حتى لوكانت زوجته كامله والرجال مايتزوج عشان شهوه عشان اشياء ثانيه وقعد يعدد منها تنوع النسب واذا كبر من يقوم فيه اذا تعبت زوجته ووكمان تساعد زوجته وتهتم بعياله في مرض او غياب الزوجه الاولى احسن من الخدامات وبلاويهم ومن ذا الامور
المهم تناقشنا وطال النقاش وانا عصبت وقلت طيب ابغى اعرف اذا فعلا في عقلك ذا الموضوع او لا
قال ليش تبين تعرفين في البدايه قلت بس كدا بس يوم قهرني بكلامه قلت عشان انا باقي صغيره لو فعلا في عقلك ذا الموضوع وجاد طلقني الحق عمري الحين اقدر اتزوج واتوظف واشوف حياتي
المهم عصب جدا وتغير وجهه وقال لاتخليني اكرهك بكلامك قلت هذا اللي بيصير ياحبيبي ولا يكلف الله نفسا الا وسعها انا ماعيش مع ضره هذا الشيء فوق طاقتي قام رفع صوته وقال سكري الموضوع لاتخليني اسوي شيء تندمين عليه سكت وقمت ونام وهو زعلان
فكرت اكتب له رساله ع الجوال اعتذر منه واحيانا اقول خليه يستاهل
انصحووووني وادعو لي 😘😘