حظ أوفر.. @hth_aofr_1
عضوة نشيطة
تناقضاااات وش تفسرونها !!
السلام عليكم
حابه استشيركم بموضوع شاغلني
عندي صديقه قديمه هي من النوع الي ماتشوف ميزات زوجها وكثييييرة الشكوى منه واخذت طبع زوجها صارت تخاف من العين مره ( هي الي اعترفت بهالشي) اصلاً مافيه احد ماصار يخاف المهم احسها تبين لي الجانب السي في حياتها وبالاخص السنه هذي .
اول كانت تتكلم وش يصير معهم وكنت اقولها زوجك حبوب يعني مو شديد مقارنة بزوجي وكنت اقصد والله اني اخفف عنها وابغاها تشوف الجانب الزين في زوجها .
الفتره هذي ابدددداً ماتتكلم عنه بالزين واي مشكله او اختلاف بسيط ارسلت تقولي ومن بكره وهم راضين او ناسين الي صار على قولتها .
الفتره هذي والله تقريباً يومياً او يوم وراء يوم ترسل تشكي منه ( مع اني كنت متفقه معها مانتكلم عن ازواجنا ومشاكلنا ووافقتني )
كانت من ضمن مشاكلها او مشكلتها الي انا فعلاً احسها تستاهل الاخذ والعطاء مشكلة الصرف -على حد قولها - انه مايصرف ابددد وان الاسبوع الي فات حتى حاجات اكلهم وطبخهم ماجابها الثلاجه فاضيه وملابس عيالها هي الي تجيبها.
مع ان الله منعم عليه وراتبه ممتاز ماشاء الله تبارك الله .
من يومين ندردش سواء قالت : زوجي يقول نسافر لدبي ؟ بس اني محتاره عشان بنتي الصغيره ما ادري وين احطها ،، بعدين تكلمنا عن موضوع الصرف وتقول انه يقول هذا الي عندي تبغين والا طقي راسك بالجدار !!!
وتسألني وش اسوي قلت لها لازم تاخذين موقف جاد وتدخلين احد من اهلك او اهله قالت مااقدر اكلم اخوانه واهلي مو فاضين لي (ابوها متوفي وامها كبيره بالسن وتعبانه) من ناحية اهلها صادقه ومتأكده من هالشي لانها سبق وزعلت وما استفادت شي .
قالت مالي الا الطلاق وباخذ بنتي الصغيره واخلي الكبار عنده قلت لها استخيري وانتهت المحادثه .
بعد 12 ساعه بالضبط ارسلت لها قالت مشينا ل دبي !!! قلت ياحليلكم امس متهاوشين واليوم مسافرين (ماشاءالله) انا قاصده اقول هالكلمه عشان تعرف ان الي يصير الحين والي تشكين منه تناااااقض.
قالت ايه احنا الزعل بس بالليل واذا صحينا رضينا ..!!!
استغربت صراحه واحد مايصرف عليهم يسفرهم وكل اجازه مسافرين .
هي موظفه بس راتبها قليل مره مايجي ثلث راتبه وتقول سفراتنا اغلبها علي ..!!!
انا والله احسها ماتكذب من ناحية ان زوجها ماسك حبتين عليهم بس الي يحصل هذا ايش!!!؟؟؟ ايش تفسيره!!
شوفوا لا احد يجي يقولي حاسدتها او هذي حياتها الخاصه ، الحمدلله انا عيني مليانه من هالناحيه جداااا وكل سنه نسافر وزوجي مايقصر ابد من الناحيه الماديه ، بس الي يقهرني ويحز في خاطري الوقت الي اقضيه معها في سماع مشكلاتها والتعاطف معها .
شبه يومي يا بنات مدخلتني في مشاكلها وتضجرها !!
هو لان زوجي شديد اكثر من زوجها احسها ماتبغى تبين الشي الحلو بزوجها وحبابته !!!
بعض الاحيان افكر اقول هذا طبع فيها انها ماتشوف الجانب الزين في حياتها والشين تكبره
وتضخمه بدون قصد (حتى هذا الطبع مزعج) فكرت اقطع علاقتي فيها او على الاقل اخفف اتصالاتي معها ،
انتم وش تفسرون الي يصير !!!
فيه رجال كذا مايجيب احتياجات عياله الاساسيه ويسفرهم ؟ او انها تبالغ ؟؟؟؟
انا لي حق لو قطعت علاقتي معها او لا ، ماودي اظلمها ولا ودي استمر بعلاقه مثل كذا مره متعبه بالنسبه لي ، وهي مرتبطه فيني مره ماودي اجرحها!!
1
654
يلزم عليك تسجيل الدخول أولًا لكتابة تعليق.
فلورنسيا
•
ياحلوه اكيد هي من النوع اللي تحب تشكي وتحب تفضفض ماتقدر تمسك نفسها لازم تقول لااحد بس انتي لاتشغلين بالج بمشاكلها والله يصلح مابينهم
الصفحة الأخيرة