السلام عليكم يا غاليات
أخواتي قلولي اش أرد والله احترت في زوجي المتناقض
تصدقوا لي 12 سنة متزوجة وأحس لسى مافهمت زوجي صح ! هو طيب بس مافي إنسان كامل مقصر في بعض الأمور ويأجل أمووور كثييييييير أحتاجها وأنا أصبر لأني اتبعت منهج إني أنظر لإيجابياته لتستمر السفينة في المسير فلو كل زوجة لا تنظر إلا إلى سلبيات زوجها والعكس صحيح لما استقر بيت ولا استمر زوجان في عش الزوجية
الشاهد من الحديث عندما تحدث مشكلة بسبب طلبات مني سواء أثاث للمنزل أو شيء آخر يقول أنا مو مقصر معاكي اللي تبيه أعطيك ما أحرمكم من شي انت ما تلاقي إنسان مثلي و...........و........و.......... طبعا أكثر شيء يدفعه لقول هذا الكلام لو قلت له أنا صبرت عليك أكثر من عشر سنوات ما طلبت منك تغير الأثاث ولا ضغط عليك بمصروف شخصي ولا أطلب تشتري احتياجات البيت شهريا كل هذا تقديرا لظروفك بس الآن ربنا فتح عليك أبغاك تسوي لي وتسوي وتجيب وتخصص لي مصروف شهري المهم يقووووووول اللي هذا الكلام إنه هو مو مقصر ولا شيء وإنه مستحيل ألقى مثله يعني بالعربي (أحمدي ربك على إني زوجك)
فجأة يجي يوم يشوفني ساكته وأقوم بواجباتي كزوجة طبخ نفخ وتربية أولاد والمذاكرة والاهتمام به وبهم فيقوول لي والله إني مقصر معاكي انت تستاهلي إنسان أحسن مني يعيشك عيشة أحسن من اللي انت فيها
ساعتها أتعجم :09: مدري والله اش أرد عليه أسسسكت أقول في نفسي قبل كم يوم سمعني كلام والآن عكسه
اش رايكم هل أسكت ولا أرد واش أفضل رد في هذه المواقف؟؟؟؟؟؟؟؟؟؟؟؟؟
مودتي لكم انتظر ردودكم يا حبيبات
آلم وعشناه @alm_oaashnah_5
عضوة نشيطة
يلزم عليك تسجيل الدخول أولًا لكتابة تعليق.
((رندا))
•
خليك ساكته احسن من المشاكل والله يهديه لك بس لاتحاولين تظغطين عليه انتي شايفه الوضع كل شي غالي واذكنتي بيت اجار اتركي الاثاث عنك والكماليات ترهق الميزانيه وشوفي الاهم منها والله يوفقك يارب
شكله يوم قالك تستاهلي احسن مني وانه مقصر معاك يبيك تقولين لاوالله ماقصرت شكله يبيك تمدحينه وانتي للاسف سكتي وكانك راضيه بكلامه مره ثانيه اذا ذم نفسه انتي امدحيه وشوفي ردة فعله
الصفحة الأخيرة
بس طلباتك خليها وحده وحده واختاري الوقت المناسب واذا تبينه يعطيك امدحيه وامدحي كرمه وانت طيب وكريم عمري ما احتجت شي الا وتجيبه <<انفخي راسه ...وبعد فتره اطلبيه وشوفي ان ما عطاك ولاجيبيها بضحك وقت الاعياد صفي مع عيالك واطلبي عيديه ..وقولي لو تعطيني 50 ريال احس لها طعم غير ولو تجيب بسكوت بس بسكوت لي عندي احلا من اي هديه وهكذا مع الوقت يلين