Joory-yes-123-No :

هذا يبي له صفحة لحاله عشان نرد على هالرد ^_^ والله ياعزيزتي الرجل لما يجي من دوامه أو عمله سواء كان دوامه الإسبوع كله أو لا يبي لاجاء تستقبله زوجته وهذي تسوى عنده الدنيا ومافيها !!! خذيها مني قاعدة يبي يشوفها تستقبله يحس إنه متزوج فعلا تجيب له الغداء تغديه تعشيه توكله هو ماتزوج عشان زوجته تروح عند أهلها خميس وجمعة وسبت وتنام طيب الأيام هذي ماتفكر الوحدة زوجها لما يصحى وش بياكل مثلا ؟ وشلون بيمر يومه بدونك ؟ ؟ بيرجع عزابي من جديد للمطاعم ؟ هوماتزوج عشان يشتري وياكل من المطاعم بيعيش فراغ كبير وتنتج الخيانة في بعضهم إلا من رحم الله الحين لو تلاحظين حريم أول قابضة رجلها قبض وماسكته وماعمرها طلعت من عنده وتروح لبيت أهلها وترجع تبات ببيتها لو توها عروس ورجالهم ماشاء الله ماسكينهم وماشين معهم ومتعودين عليهم وماعمر سمعنا قصص خيانات وخرابيط إلا بالآونة الآخيرة كثرت اللهم ياكافي بشكل موطبيعي الرجل زي البزر لازم تقابله الوحدة عشان تضمنه وتستودعه الله وتدعي ربي يسخره لها أنا ما أقول تنشب فيه لما هو يكرشها لا ؛ لأن تقدر ببيتها وهي معه تكون بعيدة ويشتاق لها وماتنشب له يعني تنشغل بنفسها والطبخ والتنظيف وتهتم بصحتها وأناقتها والله بتكون جنة بعينه حتى وهي معه بالبيت بيشتاق لها أما تروح لأهلها ويك إند كللللللللللله تناشب خواتها وإخوانهها بغرفهم وبزارينها يصايحون وماينامون الناس زين وقذارات وحفايض ووساخات الله يكرمكم وكل واحد ينثر بالأرض وبجاحة وماتشيل ولا شيء هذي قلة أدب فعليًا !!! وفوق هذا حتى ماتعوض أهلها عن التكسير اللي يصير من وراء بزرانها !! وتنام ولاهمها أحد وتاكل وتبلع وبعضهم ظروف أهلها المادية صعبة وتجي تطبخ ببيتهم وتاكل ولو تبين من بيتها علبة جبن ماعطتك !!! ولاتمد لأهلها ولا ريال ! كثير قرأت قصص وسمعت يضايقون خواتهم وإخوانهم ويحاشرونهم وكل هذا بكوم واللي تجي عشان تجمع أخبار من أهلها بكوم وتشوف من انخطبت وش صار وش ماصار ؟ أنا خواتي كذا كل ولد أشطن من الثاني وماعندنا شغالة وأمي حرمة كبيرة وعندها دوالي وفيها مسمار بالرجل وكل وحدة تجي من الخميس تربض للسبت ولاحشيمة ولاحياء ولامستحاء ولاتمد ولاريال وعيالها كل شيء ينثرونه ويكبونه ويلعبون فيه كسروا الريموتات ونثروا الصوابين ولعبوا بالأكل يفتحون الثلاجة ولعب وتخبيص ويقرض الواحد نص التفاحة ويرميها ويجي ياخذ ثانية واحنا مانلقى أكل احنا الضحايا فعلا تقوم أمي الصباح تعبانة وحالتها حالة تشوف البيت كله منقلب رأس على عقب والمشكلة تراعي وتداري ليه ما أدري !!!!!!!!!!!! مع إنها قبل كم يوم جلست تبكي عندي منهم وتقول : "لو بقول حرف واحد لعيالهم مسكوني وشرشحوني وكل وحدة تقول مومن عيالي القذارة " . للأمانة بنات إذا بتنامين عند أهلك ملزمة مرة وراكبة رأسك مع إني ما انصحك لكن إذا بتنامين ضبطي وضعك وونظفي اللي يخربونه عيالك ولاتخلين بيت أهلك مزبلة وبيتك يلق لق وياويل أحد يسوي فيه شيء ولو أحد من أطفالك كسر شيء مايضر لو عوضتيهم عادي ترى وكذا تكبرين بعيونهم ! هذا الكلام اللي أهلها بنفس المدينة وتجي آخر الويك إند وتنام عندهم وترى بقولكم على شيء اللي تجي تنام وتترك زوجها ماهو في صالحها أبد وحدة نفاس راحت من الـشهر الثامن عند أهلها وكان يقول لها زوجها ارجعي اقعدي لما تولدين ورافضضضضضضضضضضضضضضضضضضة وولدت وجلست لحد الأربعين ورجعت له وانفعلت إنه تغير 180 بالأخير طلع يخوووووووووونها طول ذيك الفترة عشان كذا طنشها ولاسأل عنها ووحدة ثانية قال لها زوجها حلف بالحرف الواحد لو مارجعتي معي للبيت والله لا أتزوج عليك لأنه احترقت يده وانقهر ماكان فيه أحد عنده . زوجك لما يحصل له طارئ أو موقف أو يحتاج شيء وتكونين عنده أو تعودينه عليك صدقيني وقتها مايستغني عنك مهما حصل . ماهو في صالح أي وحدة تترك زوجها وتعوده تنام ليلة بمكان وهو بمكان وهو يتعود ينام بدونها الوحدة المفروض تعود زوجها ماينام إلا وهي عنده والنوم كلكم تجتمعون عادي تسهرون لآخر الليل برى وكل واحد بمكان بس النوم لاااااااااااااا وألف لا تجتمعون بمكان واحد وتنامون سوا بكرى لاصار عندك كم بزر يطلع ينام برى البيت ووقتها تحتاجين ريحة رجل ويتعود ينام بالأسابيع برى مادرى عنك ؛ لأنه ماحس بمسؤوليتك أبد أبد وإنه سندكـ .. اسمعوا نصيحتي ومنها تكسبون ود أهاليكم وود أزواجكنَّ وويشتاقون لجيتكم أهاليكم ويتجهزون لكم فعلا كأنكم ضيفات عندهم مب كل يوم ناطة عندهم مالك حتى طعم بجيتكـ . "زِر غِبًا تزدَدْ حُبًا" وسلامتكمـ استغفر الله العظيم وأتوب إليه اللهم صل وسلم على نبينا محمد سبحان الله وبحمده سبحان الله العظيم

هذا يبي له صفحة لحاله عشان نرد على هالرد ^_^ والله ياعزيزتي الرجل لما يجي من دوامه أو عمله...