تنانير الجامعة ! من وين تشترونها ؟ وتجاربكم ؟ وكيفكم مع التفصيل ولا جاهز أحسن ؟

السلام عليكم ورحمة الله وبركاته .. هلا حبيباتي ..
أدري باقي وقت طويل عالجامعة لكن حبيت أكلمكم عن التنانير لآنها بجد بجد عقدة حياتي !!
يعني ما أبالغ لو أقولكم بالعام الي فات شريت فوق العشر تنانير لا وأبشركم ما لقيت حاجة تضبط !!


فياليت كل وحدة فيكم تقولنا إيش تعمل مع التنانير وكيف الموديلات وهل تفصل أو تشتري جاهز !
والخ ..


خلوني أبدأ مع نفسي بالآول ! طبعا أنا نظام جامعتي م يسمح لنا إلا بتنورة سوداء ورمادية وهككا يعني ..
فلذلك شريت لي قماشين قماش سترتش جميله خامته مب خفيف زي تنانير السترتش الجاهزة ! وكمان شريت قماش شيفون , وقلت أبي أشتري بطانه جميله ومحترمة ! طبعا ما أفكر بالبطانة اليي تجيكم ساتان هاذي ام 5 و7 ريال لا !
افكر ببطانه (قطن) والسبب لان التنورة رح تكون للإستخدام اليومي وما في قماش الطف على البشرة ويمتص العرق بكفائة زي القطن .. بحثت في اغلب محلات الاقمشة ما لقيت للاسف بطانة قطن إلا بمحل واحد وسعره كان مبالغ فيه كبطانه فسحبت عليه ! لكن اختكم في الله ما يأست :] لووول
رحت وشريت لي (شلحة ) اي شلحة لوووول الي بتضحك تطلع برى هاذذي جزاتي أقولكم افكاري الخنفشارية <- لووول .
المهم اخذت لكم شلحة الي تجيكم تنورة بس وقصيرة يعني تقريبا لنص الساق بس فيها بآخرها lace فلذلك أيش قررت قررت إني اشيل الدناديش الي تحتها واقصرها مرره إلين توصل إلى ركبتي تقريبا ولما أروح أفصل تنورتي أخليه يحط الشلحة كبطاانه ..
أما بالنسبة للموديل التنورة طبعا وشور واكيد ما رح اخليه موديل !
أصلا لو باخليه موديل بانتحر على طوول استغفر الله بس :) الشكل يطلع اكس كبر قريح موديل وكسرات وخرابيط وبالجامعة :)
فلذلك رح اخليها سادة مرره وتنلبس مطاط مب سحاب حتى تتحمل وما يخرب السحاب مع الوقت خاصة إني عارفة نفسي رح البسها يوميا = رح اغسلها يومياا .. فمع الوقت السحابات يتغير لونها وتهتري .. فلذلك فكرت بمطاط بس يكون مقوى وعادي من دون ما يكون كلوش عليه يكككك اكره الكلوش .. اي وكمان باحط جيب مخفي لكن رح اسكره بسحاب مخفي حتى ما تطلع لي زوائد من الجنوب ويطلع شكلي غبي !
طيب بتقولون وش ذا التناقض توك تقولين ما بتحطين سحاب حتى ما يهتري ! وانا صادقة بكلامي لكن بالنسبة لسحاب الجيب شر لا بد منه وش السوات اذا ما حطيت سحاب بيطلع شكل الجيب غبي فلذلك السحاب ماله بديل عملي فلذلك إن شاء الله كل فترة وفترة باغير سحاب جيب تنورتي إذا اهترى وتغير لونه وقلت جودته ..
أما الشكل العام ما رح اخليها سكيني لا باخليها زي التنورة العادية حتى تناسب الاستخدام اليومي + اقدر امشي فيها زي العالم والناس , ورح اخلي طولها إلى الكعب تقريبا .. <- طبعا القماش موجود معي وكل شئ معي بس باقي اوديه للخياط ان شاء الله .
اما قماش الشيفون بما انه فخم شوي وغالي ما في مجال للخنبقة والاختراع فلذلك ابي رايكم ؟
وانتواا ايش رح تعملون ؟ ووش رأيكم بطريقتي بتنورتي ؟ وكمان قولوا لي من وين تنانيركم الزينة الي تكرف معكم ويكون القماش زي العالم والناس ! ما ابغى شئ خفيف مره كاني لابسه شلحة وطالعة <- رجاء لحد يحذفني :] ادري كم الغبار والقراوة الي طلعت من هالمصطلح بس قديمك نديمك لووووول ! ولا ابغاها ثقيل وخشن كأني من معتقلين غونتناموا !!


ميزانيتي مفتوحة تماما .. فكل وحدة تاخذ راحتها بالسوالف وكيذا وكل وحدة تقول طريقتها يعني !!
وفي النهاية الموضوع أذواق وخيار شخصي !
بس رجاء ابوس راسكم الي بتقول لي جينز توفر ردها لنفسها !! ودي اجمع كل تنانير الجينز الي في الحياة واحرقههها !!خلوه زي التجمع الي نتكلم عنه عن التنورات فقط ..
ارجوكم تفاعلوا معي والله اني كنت اكسر خاطر نفسي وما زلت اذا جينا على قصة التنانير ..