تنانير زارا و برومود في مصانع عجمان

السلام عليكم
شخباركم ان شاء الله كلكم بخير وبصحة وعافية
المهم
البارحة الجمعة رحت ( أنا وأخت زوجي) مصانع عجمان ودخلنا محل على ما أعتقد ان اسمه شركة ديفانس التجارية وانصدمت وايد بالبضاعة لأني شارية قبل أسبوع تنورة من زارا ب120 ولقيت تنورة نسخة منها ب45 درهم مب جذيه وبس أخت زوجي شارية تنورة من برمود بسعر 180-200درهم ولقينا مثلها ب50 أو60درهم شفتوا القهر نفس الخام والموديل واللون اللهم ما فيها (استكر) علامة الماركة

على فكرة المصانع كانت وايد وايد زحمة واتصدقون كلما شفت وحدة أوزع لها ابتسامات أقول هاي أكيد من بنات المنتدى ...يللا اعترفوا منو منكم كان هناك يوم الجمعة بين الساعة10-12 بالليل ياللا قولو أنا حاسة ان لازم حد منكم كان موجود