الا صاادقه وبقووه بعد ،،عندنا هنا حب النقد وجلد الذات والانبهار بالغير كنهم ماشافوا خير ،،حتى الشي الحلو عندنا ينتقدونه،، انا سافرت كثير برا بس وقسم تعجبني الرياض بالذات واشوفها عاصمه حلوه ونظيفه ومتطوره وكل مالها تتطور واشوفها احلى مدينه عربيه معماريا بعد دبي ،،عندنا عيوب صح بس احنا افضل من باقي دول الخليج بفرق كبير ،،والرياض بالذات قاعده تتطور بسرعه مو بس معماريا وحتى ثقافيا وتجاريا وهذا من زمان مو تو صاير ،،شوفي كل يوم معرض جديد مفتوح عندنا سنويا ينعادون مثل معرض الكتاب والاعراس والشوكولاته والسياحه ووووهذا ماتلاقينه بشكل كبير في المنامه او الكويت او الدوحه مثلا ،،وهذا يدل على ان الرياض في تطور جميل في السنوات الاخيره مضمونا مو بس شكلا والمنظمين للمعارض هذي لاقين في الرياض المكان المناسب لااقامه معارضهم لانها مدينه نشيطه واهلها متحمسين لكل جديد وكثير منهم منفتحين وفاهمين ،،
وانا صراحه اشوف اللي تنتقد غالبا انسانه جاهله ومخها على قدها( حتى لو معاها الماستر لان الجهل بالمخ والتفكير )وعمرها ما شافت خير واذا شافته انبهرت وجحدت كل اللي عندها ،،

اذا النقد كان بناء ومنطقي بالعكس هالشي مطلووووووووووب ومايعني اني مااحب السعوديه ابدااااااا
بالعكس هذا اكبر دليل عل حبي لها لاني ابغى الاشياء الغلط تتعدل والصح يتطور وهذا من الاشياء اللي يستفيدها الشخص من السفر التعرف على الثقافات واخذ السلوكيات الجيدة منهم وتطبيقها واحنا اولى لان الاسلام دين النظام والامانه والدقه في العمل
اما انه امدح واسكر عيوني عن السلبيات باسم حب الوطن هالشي مو صحيح ويدل على سلبية التفكير وتهميش للعقل